Նորություններ
ԵՏՀ-ն և ՀԱՀ պրոֆիլային նախարարությունները քննարկել են համագործակցության հեռանկարները
Հունվարի 25-ին բանակցություններ են տեղի ունեցել Եվրասիական տնտեսական հանձնաժողովի պատվիրակության և Հարավաֆրիկյան Հանրապետության առևտրի և արդյունաբերության և գյուղատնտեսության, հողային բարեփոխումների և գյուղական զարգացման նախարարությունների ներկայացուցիչների միջև։
Արդյունաբերության գերակա ոլորտներում համատեղ աշխատանքի կառուցումը, ինչպես նաև Եվրասիական տնտեսական միության պետությունների և ՀԱՀ արդյունաբերական համալիրների առանձնահատկություններն ու զարգացման միտումները քննարկել են ԵՏՀ արդյունաբերական քաղաքականության վարչության տնօրեն Նիկոլայ Կուշնարևը և ՀԱՀ առևտրի և արդյունաբերության նախարարության երկկողմ հարաբերությունների գծով գլխավոր տնօրեն Մալոզե Լետսոալոն: Կողմերը պայմանավորվել են բաց վերլուծական տեղեկատվության փոխադարձ փոխանակման մասին, այդ թվում՝ առանցքային ներդրումային հնարավորությունների և արդյունաբերության տարբեր ոլորտների մշակումների վերաբերյալ, ինչպես նաև սահմանել են կառուցողական փոխշահավետ համագործակցության զարգացման համար առաջնահերթ քայլերը։
ՀԱՀ առևտրի և արդյունաբերության նախարարության վերականգնվող էներգիայի աղբյուրների գծով գլխավոր տնօրեն Ժերար Ֆուրիեի հետ Նիկոլայ Կուշնարևը քննարկել է այլընտրանքային և վերականգնվող էներգիայի աղբյուրների համար սարքավորումների, լրակազմողների և նյութերի ոլորտի տեխնոլոգիաների փոխանցման լավագույն միջազգային փորձը: ԵՏՀ ներկայացուցիչը հանգամանորեն խոսեց Միությունում վերականգնվող էներգետիկայի ոլորտում արդյունաբերության խթանմանն ուղղված Հանձնաժողովի աշխատանքների մասին։
ԵՏՀ արդյունաբերական քաղաքականության վարչության տնօրենը գործընկերների հետ քննարկել է նաև Եվրասիական տնտեսական միության արդյունաբերական գոտիների ստեղծման հարցեր, որոնք անդամ պետությունների արտադրողների համար կարող են ելք դառնալ ոչ միայն դեպի ՀԱՀ-ի, այլև ամբողջ Աֆրիկյան մայրցամաքի շուկա։ Բացի այդ, բանակցությունների ընթացքում կողմերը քննարկել են ԵԱՏՄ և ԲՐԻԿՍ պետությունների արդյունաբերության նախարարների հանդիպում կազմակերպելու հնարավորությունը։
Գյուղատնտեսության ոլորտում փոխադարձ հետաքրքրություն ներկայացնող հարցերի լայն շրջանակ, մասնավորապես՝ բուսաբուծության և սերմաբուծության, օրգանական արտադրանքի հավաստագրման, ճշգրիտ հողագործության, գյուղատնտեսության թվայնացման, գյուղատնտեսության արդյունավետության, բուսաբուծության արտադրանքի մրցունակության, բարձրացման համար նորարարական տեխնոլոգիաների օգտագործման հարցերը հանդիպման ընթացքում քննարկել են Արմեն Հարությունյանը և ՀԱՀ գյուղատնտեսության, հողային բարեփոխումների և գյուղական զարգացման նախարարության միջազգային հարաբերությունների և առևտրի գլխավոր տնօրեն Ֆինդիվ Դինգիլը։
Կողմերը տեղեկատվություն են փոխանակել և պայմանավորվել ուսումնասիրել ՀԱՀ շուկա գյուղմթերքների մատակարարման ավելացման և ԵԱՏՄ երկրներ և ՀԱՀ արտահանման առավել բարձր ներուժ ունեցող գյուղատնտեսական ապրանքների ցանկի ձևավորման հնարավոր մեխանիզմները, հաստատել են Միության և ՀԱՀ պետական կառույցների և գործարար շրջանակների միջև առևտրատնտեսական համագործակցության ակտիվացման հարցերի շուրջ կարծիքների փոխանակման անհրաժեշտությունը, այդ թվում՝ տեսակոնֆերանսների ռեժիմով խորհրդակցություններ, թեմատիկ սեմինարներ և խորհրդաժողովներ անցկացնելու միջոցով։
Արմեն Հարությունյանը խոսել է Միությունը միջազգային մակարդակով որպես հեռանկարային առևտրային գործընկեր դիրքավորելու նպատակով ԵԱՏՄ ագրոարդյունաբերական ոլորտի գործունեության մասին, ԵԱՏՄ-ում գյուղատնտեսության կայուն զարգացման ծրագրերի մասին, գյուղատնտեսության ոլորտի տեխնոլոգիաները և գիտելիքները աֆրիկյան տարածաշրջան փոխանցելու Միության երկրների շահագրգռվածության մասին:
Տեղեկանք
Աֆրիկյան ուղղությամբ ԵԱՏՄ-ի միջազգային համագործակցության ակտիվացման աշխատանքն իրականացվում է ԵՏՀ հարթակում Եվրասիական տնտեսական հանձնաժողովի խորհրդի 2023 թվականի օգոստոսի 29-ի N 27 հանձնարարության կատարման շրջանակներում։
