Նորություններ

Եվրասիական տնտեսական հանձնաժողովի արդյունաբերական քաղաքականության վարչության տնօրեն Նիկոլայ Կուշնարևը Սաուդյան Արաբիայում Made in Russia + INNOPROM առաջին բազմոլորտ առաքելության կազմում բանակցություններ է վարել Սաուդյան Արաբիայի առաջատար ընկերությունների և կառավարական կառույցների ներկայացուցիչների հետ՝ օտարերկրյա գործընկերների միջև առևտրային հարաբերությունների ամրապնդման և տնտեսական համագործակցության ընդլայնման նպատակով։

Կողմերը քննարկել են համագործակցության հեռանկարային ուղղությունները և արդյունաբերության տարբեր որտներում, այդ թվում՝ շինարարության, մեքենաշինության, դեղագործության և նորարարական տեխնոլոգիաների ոլորտներում ներդրումների հնարավորությունները։

Նիկոլայ Կուշնարևը մասնակցել է «Իննոպրոմ» ցուցահանդեսի գործարար ծրագրին, այդ թվում՝ գլխավոր լիագումար նստաշրջանին և մասնագիտացված նստաշրջաններին՝ Ռուսաստանի Դաշնության և Սաուդյան Արաբիայի Թագավորության իշխանության մարմինների ղեկավարների, ինչպես նաև գործակալությունների և խոշորագույն արտադրական ընկերությունների ղեկավարների մասնակցությամբ:

«Սաուդյան Արաբիայի Թագավորությունը՝ որպես խոշոր տարածաշրջանային շուկա արագ զարգացող տնտեսությամբ, արտաքին գործընկեր է, որն առաջնահերթ է ԵԱՏՄ պետությունների հետ արդյունաբերական համագործակցության զարգացման համար։ Հուսով ենք, որ արդյունաբերության և նորարարությունների ոլորտում փոխշահավետ համագործակցության կառուցումը կնպաստի առևտրատնտեսական կապերի արագացված զարգացմանը շատ մոտ ապագայում։ Շնորհակալ ենք Made in Russia+INNOPROM բազմոլորտ գործարար առաքելության կազմակերպիչներին այս հաջող միջոցառումն անցկացնելու ջանքերի համար և ակնկալում ենք ԵԱՏՄ երկրների և Սաուդյան Արաբիայի միջև տնտեսական կապերի հետագա զարգացումը», — նշել է Նիկոլայ Կուշնարևը։