Նորություններ

01 հոկտեմբերի 2024 ԵՏՀ-2024 շրջանակներում քննարկվել է ԱԱՀ թվայնացումը Եվրասիական տնտեսական միության շրջանակներում գյուղատնտեսական արտադրանքի անփաստաթուղթ շրջանառության վստահելի բիզնես էկոհամակարգի ձևավորումը կարող է լրացուցիչ խթան դառնալ արտադրաիրացման ամբողջ շղթայի ընթացքում մեծ ծավալների տվյալների թվայնացման համար։ Սա թույլ կտա բարձրացնել պետության և բիզնեսի միջև փոխգործակցության արդյունավետությունը, իսկ հեռանկարում՝ ոլորտի մրցունակությունը։ Այս եզրակացություններին են հանգել «ԱԱՀ թվայնացումը գյուղատնտեսական արտադրանքի հետագծելիության ապահովման և առևտրի զարգացման համատեքստում» փորձագիտական նստաշրջանի մասնակիցները, որն անցկացվել է Եվրասիական 3-րդ տնտեսական համաժողովի գործարար ծրագրի շրջանակներում։ «Ազգային մակարդակով ԵԱՏՄ պետություններն ակտիվորեն մշակում են գյուղատնտեսության ոլորտի թվային ծառայությունները, որոնք ուղղված են մեծ տվյալների հավաքագրման և մշակման հիման վրա պետական ծառայությունների մատուցման ավտոմատացմանը և ագրարային շուկայի վերափոխմանը։ Հանձնաժողովը բաց է և պատրաստ է քննարկել լավագույն ազգային պրակտիկաները ամբողջ ԵԱՏՄ վրա տարածելու առաջարկները»,- ընդգծել է Եվրասիական տնտեսական հանձնաժողովի արդյունաբերության և գյուղատնտեսական համալիրի նախարար Գոհար Բարսեղյանը։ ՊԳԿ-ի և Հացահատիկի միջազգային խորհրդի ներկայացուցիչները խոսել են քննարկվող ոլորտում առկա գլոբալ միտումների մասին։ Ղրղզստանի Հանրապետության ջրային ռեսուրսների, գյուղատնտեսության և վերամշակող արդյունաբերության փոխնախարար Սամաթ Նասիրդինովը և Ռոսսելխոզնադզորի ղեկավարի տեղակալ Սվետլանա Ալեքսեևան քննարկել են ազգային պետական թվային հարթակների զարգացման թեման։ Ղազախստանի Հանրապետության ֆինանսների նախարարության «Տեղեկատվական և հաշվառման կենտրոնի» փորձագետները ներկայացրել են Ղազախստանում հացահատիկի էլեկտրոնային անդորրագրերի գործարկման իրենց փորձը: «Տեղեկատվական ռեսուրսները, մի կողմից, պետական մարմիններին թույլ են տալիս ավտոմատացնել որոշակի տվյալների և տեղեկությունների մշակումը, մյուս կողմից՝ բիզնես կառույցների համար բացում են պետական և վերահսկող մարմինների հետ փոխգործակցության առավելագույն պարզեցման հնարավորություններ: Արդյունքում աճում է շուկայի մասնակիցների և պետության վստահությունը միմյանց նկատմամբ»,- եզրափակելով հանդիպումը՝ ընդգծել է նստաշրջանի մոդերատոր, «Գործարար Ռուսաստան» համառուսաստանյան հասարակական կազմակերպության փոխնախագահ, գործադիր կոմիտեի ղեկավար Նոննա Կագրամանյանը։

30 սեպտեմբերի 2024 Գյուղատնտեսության ոլորտում ենթակառուցվածքների և լոգիստիկայի զարգացման հեռանկարները քննարկվել են ԵՏՀ-2024-ի շրջանակներում Սեպտեմբերի 30-ին Երևանում՝ Եվրասիական 3-րդ տնտեսական համաժողովի շրջանակներում կայացել է «Ենթակառուցվածքները և լոգիստիկան գյուղատնտեսությունում. ժամանակակից մարտահրավերներ և լուծումներ» կլոր սեղան, որին մասնակցել է Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանը: ԵՏՀ նախարարը հատուկ կարևորել է ժամանակին և արդյունավետ մատակարարումները գլոբալ շուկայում արտադրության շրջափուլերի և մատակարարումների շղթաների խախտման պայմաններում պարենային ապահովվածության և առևտրի զարգացման համար: Ստեղծման օրվանից ի վեր Միության գյուղատնտեսական արտադրանքի և պարենի առևտուրն աճել է ավելի քան երկու անգամ, իսկ արտահանումը` գրեթե երեք անգամ: Քննարկման ընթացքում միջոցառման մասնակիցները խոսել են ԱԱՀ արտադրանքի արտադրության և արտահանման, այդ թվում՝ մանր և միջին ձեռնարկությունների կողմից դրանց արտադրության և արտահանման համար ենթակառուցվածքի և լոգիստիկայի վիճակի և կարևորության մասին, գյուղատնտեսական ապրանքների անխոչընդոտ անդրսահմանային տեղաշարժի ապահովման, ինչպես նաև այս ոլորտի հնարավոր նախագծերի մասին: «Միության անդամ պետությունների ԱԱՀ մրցունակությունը պահպանելու համար ակնհայտ է կայուն պարենային համակարգերի զարգացման անհրաժեշտությունը, որոնք հիմնված են գյուղատնտեսական արտադրանքի և պարենի ինքնաբավության բարձրացման, թափանցիկ և արագացված լոգիստիկայի և ժամանակակից ենթակառուցվածքների վրա: Գիտակցելով հարցի կարևորությունը՝ Հանձնաժողովը հատուկ ուշադրություն է դարձնում այս ուղղության զարգացմանը և մատակարարման արդյունավետ շղթաների կառուցման ուղղությամբ ԵԱՏՄ պետությունների ջանքերի համակարգմանը»,- ընդգծել է Գոհար Բարսեղյանը։ Մասնակիցներն անդրադարձել են ԵԱՏՄ տարածքում ագրոարդյունաբերական համալիրի ֆիզիկական և թվային ենթակառուցվածքի զարգացման վերաբերյալ պետական մարմինների և գործարար համայնքների միջև մշտական երկխոսության և հաջող փոխգործակցության անհրաժեշտությանը։ Քննարկմանը մասնակցել են պետական կառավարման ոլորտային մարմինների ղեկավարներ, գործարար համայնքի և գործարար շրջանակների, ինչպես նաև ՖԱՕ ներկայացուցիչներ։ Մոդերատորն էր «Յակով և Գործընկերներ» ՍՊԸ «գյուղատնտեսություն և վերականգնվող ռեսուրսներ» ուղղության տնօրեն Ալեքսեյ Կլեցկոն:

22 օգոստոսի 2024 Քննարկվել են ավտոմոբիլաշինության ոլորտում արդյունաբերական կոոպերացիայի զարգացման նոր հնարավորությունները Եվրասիական տնտեսական հանձնաժողովի արդյունաբերական քաղաքականության վարչության եվրասիական տնտեսական տարածության անդամ պետությունների արդյունաբերական համալիրների զարգացման մշտադիտարկման և վերլուծության բաժնի պետի տեղակալ Գալինա Մարտինկևիչը Մոսկվայի 15-րդ միջազգային ավտոմոբիլային համաժողովում հանդես է եկել Եվրասիական տնտեսական միությունում ավտոմոբիլաշինության ոլորտում կոոպերացիոն համագործակցության զարգացման նոր մեխանիզմների մասին զեկույցով: «ԵԱՏՄ-ում ավտոմոբիլաշինության ոլորտում միջոլորտային համագործակցությունն իրականացվում է ինչպես պատրաստի արտադրանքի մատակարարումների, այնպես էլ Միության տարածքում հավաքման գործարանների համար բաղադրիչների և դրանց մասերի արտադրության և մատակարարումների մասով», — նշել է Գալինա Մարտինկևիչը՝ հավելելով, որ դրա համար անդամ պետություններն ունեն համատեղ նախագծերի իրականացման, այդ թվում՝ երրորդ երկրների արտադրողների մասնակցությամբ, անհրաժեշտ իրավասություններ և գիտատեխնոլոգիական բազա։ Հանձնաժողովի ներկայացուցիչը կոոպերացիայի օրինակներ է բերել՝ դիզելային շարժիչաշինության ոլորտում համատեղ նախագծերի մշակում (Մինսկի ավտոմոբիլային գործարան և Յարոսլավլի շարժիչային գործարան), Կոկշետաուում «ԿԱՄԱԶ-Ինժեներ» ԲԸ ղազախա-ռուսական համատեղ նախագիծ: Հաշվի առնելով էլեկտրատրանսպորտային միջոցների արտադրության և հանրահռչակման ընթացիկ համաշխարհային միտումները՝ Հանձնաժողովն աշխատում է նաև «Եվրասիական էլեկտրոբուս» նախագծի մշակման ուղղությամբ՝ ձևավորվում է անդամ պետությունների տարածքներում ավտոմոբիլային էլեկտրական տրանսպորտի լիցքավորման և սպասարկման ենթակառուցվածքի ինտերակտիվ քարտեզ (նշելով օբյեկտների գտնվելու վայրը): «Այս նախագծերին կարող են միանալ նաև այլ շահագրգիռ արտադրողներ, այդ թվում՝ տեղայնացման մակարդակի բարձրացման և ավտոբաղադրիչների բազայի զարգացման համար», — նշել է Գալինա Մարտինկևիչը: Նրա խոսքով՝ մոտ հեռանկարում ավտոմոբիլաշինության ոլորտում անդամ պետությունների հիմնական խնդիրներն են լինելու հավաքման արտադրությունների տեղայնացման մեծացումը, նոր տեսակի տրանսպորտային միջոցների արտադրության յուրացումը, ավտոբաղադրիչների և նյութերի ուղղության զարգացումը, էլեկտրական շարժիչով տրանսպորտային միջոցների արտադրության և օգտագործման խթանումը, ԵԱՏՄ տարածքում ազգային ապրանքանիշերի տրանսպորտային միջոցների արտադրությունը: Ինչպես նշել է Գալինա Մարտինկևիչը, այդ խնդիրների իրականացմանը կնպաստի Եվրասիական տնտեսական միությունում կոոպերացիոն արդյունաբերական նախագծերին ֆինանսական աջակցության նոր մեխանիզմի հնարավորությունների օգտագործումը։

11 հուլիսի 2024 Գեորգի Արզումանյանը Ուրալի արտադրողներին կոչ է արել ավելի ակտիվ ներգրավվել ԵԱՏՄ կոոպերացիոն շղթաներում Եկատերինբուրգում կայացած «Իննոպրոմ» միջազգային ցուցահանդեսում Եվրասիական տնտեսական հանձնաժողովի արդյունաբերական քաղաքականության վարչության փոխտնօրեն Գեորգի Արզումանյանը Ուրալի մետաղագործական, մեքենաշինական, հաստոցաշինական և այլ ձեռնարկությունների ներկայացուցիչներին ներկայացրել է արդյունաբերական կոոպերացիայի ֆինանսավորման մեխանիզմը։ ԵՏՀ ներկայացուցիչը խոսել է դրա իրականացման փուլերի, նախագծերի ընտրության հիմնական չափանիշների և ֆինանսական կազմակերպություններին ու վարկառուներին ներկայացվող պահանջների մասին։ «Եվրասիական տնտեսական միության երկրներում մեխանիզմը գործարկվել է բոլորովին վերջերս՝ այս տարվա հունիսին, և նախագծի պոտենցիալ մասնակիցները դեռ շատ հարցեր ունեն,- նշել է Գեորգի Արզումանյանը։ – Մենք բացատրական աշխատանք ենք տանում նոր գործիքը բիզնեսի համար հնարավորինս հասկանալի դարձնելու համար։ Այս առումով մեզ շատ է օգնել «Իննոպրոմ» հարթակը, կենդանի երկխոսության ձևաչափը թույլ է տալիս արագորեն հետադարձ կապ ստանալ ձեռնարկություններից»: Գեորգի Արզումանյանը տարածաշրջանի ձեռնարկություններին կոչ է արել ավելի ակտիվ ներգրավվել ԵԱՏՄ կոոպերացիոն շղթաներում: Գեորգի Արզումանյանը ԵՏՀ ստենդում մի շարք աշխատանքային հանդիպումներ է ունեցել տարածաշրջանային պատվիրակությունների ներկայացուցիչների հետ, որոնց ընթացքում քննարկվել են նորմատիվ իրավական կարգավորման, տեխնիկական ստանդարտների, ներդրումների ներգրավման և արդյունաբերական նախագծերի իրականացման նոր լուծումների հարցեր։ ԵՏՀ միջոցառումներին մասնակցել են Եկատերինբուրգի «Կոմպոզիտ Գրուպ» հոլդինգի, Դմիտրովգրադի «Պոլեսյե ԴԳ» ՍՊԸ, Սանկտ Պետերբուրգի «Դեկա» եռակցման նյութերի գործարանի ղեկավարները, Կալինինգրադի մարզի արդյունաբերական քաղաքականության, ձեռնարկատիրության զարգացման և առևտրի նախարարության, Ուլյանովսկի մարզի Արդյունաբերական զարգացման կենտրոնի, Սամարայի մարզի Ներդրումների ներգրավման գործակալության և Օրենբուրգի մարզի Ներդրումային զարգացման գործակալության ներկայացուցիչներ: «Իննոպրոմ» միջազգային արդյունաբերական ցուցահանդեսն ամեն տարի անցկացվում է Եկատերինբուրգում ՝ սկսած 2010 թվականից: Միջոցառման շրջանակներում ավանդաբար ցուցադրվում է ԵԱՏՄ անդամ պետությունների և արտասահմանյան երկրների ձեռքբերումները տնտեսության իրական հատվածում։

11 հուլիսի 2024 ԵՏՀ, գիտության և բիզնեսի ներկայացուցիչները քննարկել են ԵԱՏՄ-ում գյուղատնտեսության կայուն զարգացման ուղղությամբ համագործակցության հեռանկարները Հուլիսի 11-ին Եվրասիական տնտեսական հանձնաժողովի ագրոարդյունաբերական քաղաքականության վարչության փոխտնօրեն Այնա Կուսայինովայի նախագահությամբ կայացել է «Եվրասիական տնտեսական միության անդամ պետությունների գյուղատնտեսության կայուն զարգացման ուղին» խորագրով կլոր սեղանը։ Քննարկվել են այս ոլորտում միջազգային ինստիտուտների գործունեության ուղղությունները, ընթացիկ դրությունը և ԵԱՏՄ-ում շրջակա միջավայրի վրա ոլորտի բացասական ազդեցության նվազեցման հեռանկարային միջոցները, սպիտակուցի այլընտրանքային աղբյուրների շուկայի զարգացումը և արդյունաբերական գյուղատնտեսությունում պարարտանյութերի օգտագործման օպտիմալացումը: «ՄԱԿ-ի դասակարգման համաձայն՝ գյուղատնտեսությունը բնապահպանությանը հասցվող վնասի մակարդակով տնտեսության 5 առաջատար ոլորտների թվում է։ Այս առումով գյուղատնտեսության կայուն զարգացման անհրաժեշտությունը թելադրում է հավասարակշռված լուծումների որոնման պահանջ, որոնք թույլ կտան ապահովել ներկա և ապագա սերունդների պարենային անվտանգությունը»,- ընդգծել է Այնա Կուսայինովան։ Հանձնաժողովի ներկայացուցիչներն անդրադարձել են պետական մարմինների, գիտական ինստիտուտների և գործարար համայնքի ջանքերի միավորման անհրաժեշտությանը՝ արդյունաբերական գյուղատնտեսության բացասական հետևանքները նվազեցնելու և կլիմայական փոփոխություններին ԵԱՏՄ ագրոարդյունաբերական համալիրը հարմարեցնելու նպատակով։ Կլոր սեղանի նիստին մասնակցել են ԵՏՀ վարչությունների, ԵԱՏՄ երկրների ԱԱՀ ոլորտի լիազոր պետական մարմինների, գիտական ինստիտուտների, գործարար համայնքի և ընկերակցությունների ներկայացուցիչներ։

Ցուցադրել ավելին

Պաշարներ ԵՏՄ

Եվրասիական տնտեսական միություն

Եվրասիական տնտեսական միության Իրավական պորտալ

ԵԱՏՄ ներքին շուկաների գործառնության գլխամուտք

ԵԱՏՄ Թվագրված օրակարգի մասին գլխամուտք