Նորություններ

20.10.2023 (Обновлено: 26.10.2023 17:09)

Փոփոխություններ են կատարվել ԵԱՏՄ-ում դեղերի գրանցման և փորձաքննության կանոններում

Եվրասիական տնտեսական միության խորհուրդն արդիականացրել է ԵԱՏՄ-ում դեղերի գրանցման և փորձաքննության կանոնները՝ հաշվի առնելով դեղորայքային պատրաստուկի գրանցման դոսյեն Միության պահանջներին համապատասխանեցնելու ընթացակարգում դրանց իրավակիրառության և դեղորայքային պատրաստուկների գրանցման փորձը։ Ճշգրտվել են դեղերի անժամկետ գրանցման վկայականների տրամադրման կանոնները համապատասխան ընթացակարգի շրջանակներում։

Սահմանվել են դեղորայքային պատրաստուկների կիրառման անվտանգության լրացուցիչ միջոցներ, որոնք կարող են կիրառվել լիազոր մարմնի պահանջով։

Բացառվել է ներկայացվող փաստաթղթերի կրկնօրինակումը գրանցման շրջանակներում և տեսչական ստուգումների ընթացքում արտադրությունը և կլինիկական հետազոտությունների որակը գնահատելիս վերահսկողության և տեսչական ստուգումների ընթացակարգերի շրջանակներում:

Ընդունված որոշումը թույլ կտա օպտիմալացնել դեղամիջոցների գրանցման դոսյեն ԵԱՏՄ պահանջներին համապատասխանեցնելու հետ կապված վարչական ընթացակարգերը։ Ի վերջո, դա կօգնի ապահովել դեղերի հասանելիությունը բնակչության համար։