тексттин өлчөмү: A A A

Сайттын түстөр: C C C

Сайттың әдеттегі болжамы

Жаңалықтар

Күндерді таңдаңыз

Бағытты таңдаңыз

Іздеу нәтижелері: 6850

16 наурыздың 2017 Татьяна Валовая: «ЕАЭО – ЕО» ынтымақтастығы тақырыбына кәсіби және алдын ала кесіп-пішілмеген сарапталған талқылау қажет» 15 наурызда Мәскеуде Еуразиялық экономикалық комиссияның (ЕЭК) интеграция және макроэкономика жөніндегі Алқа мүшесі (министр) Татьяна Валовая мен Халықаралық қолданбалы жүйелі талдау интитутының бас директоры (IIASA) Павел Кабат сарапшылардың кең ауқымын тарта отырып, Еуразиялық экономикалық одақ (ЕАЭО) пен Еуразиялық одақтың ынтымақтастығы проблемасы бойынша пікірталасты талдау мәселелерін және «Еуразиялық кеңістік аясында экономикалық интеграция үшін сын-тегеуріндер мен мүмкіндіктер» жобасын іске асырудың қорытындысын талқылады.

16 наурыздың 2017 ЕЭК министрі Валерий Корешков: «Комиссия ЕАЭО елдерінде тұтынушылардың құқықтарын қорғаудың бірыңғай саясатын қалыптастыру жөнінде ұсынымдар әзірлеуде» ЕАЭО елдерінде «тұтынушылардың құқықтарын қорғау жөніндегі бірыңғай саясатты жүргізу тәсілдемелерін айқындау жөніндегі» ұсынымдар Еуразиялық экономикалық комиссияда (ЕЭК) әзірленетін болады. Бұл туралы ЕЭК техникалық реттеу жөніндегі министрі Валерий Корешков Ереванда болған Дүниежүзілік тұтынушылар құқықтарын қорғауға арналған форумда мәлімдеді. Атап айтқанда, дистанциялық саудамен және мәмілелерді интернет кеңістігінде жасаумен байланысты мәселелер ескерілетін болады. Үздік ұлттық және халықаралық практикалар, соның ішінде дербес деректерді қорғау саласындағы практикалар негізге алынған. Жұмысты 2017 жылдың ортасына дейін аяқтау белгіленіп отыр.

16 наурыздың 2017 ЕЭК ЕАЭО халықаралық автомобиль көлігімен тасымалдаудағы кедергілерді жоюмен жұмыс жүргізуде Еуразиялық экономикалық комиссия (ЕЭК) алаңында автомобиль көлігі жөніндегі кіші комитеттің 15-отырысы болып өтті. ЕЭК Көлік және инфрақұрылым департаменті директорының орынбасары Максим Асаулдың төрағалығымен өткен отырыс барысында кіші комитеттің мүшелері - Еуразиялық экономикалық одақ (ЕАЭО) елдерінің уәкілетті органдарының, халықаралық автомобильмен тасымалдаушылар және бизнес қоғамдастықтарының өкілдері – ЕАЭО-ға мүше мемлекеттердегі халықаралық автомобильмен тасымалдауды дамытуға кедергі келтіретін мәселелерді талқылады.

15 наурыздың 2017 Еуразиялық экономикалық комиссия Беларусь Республикасына инфляция деңгейін азайту шараларын ұсынды 14 наурызда Комиссия Алқасы «Еуразиялық экономикалық комиссияның Беларусь Республикасында инфляция деңгейін (тұтыну бағаларының индексін) азайтуға бағытталған шаралар жөніндегі ұсыныстары туралы» ұсынымды қабылдады.

15 наурыздың 2017 ЕЭК ЕАЫ ҚБҚ-мен бірлесіп ЕАЭО ғаламдық қаржы жүйесінің талдау орталығын құру жөнінде жұмыс жүргізуде Еуразиялық экономикалық комиссияның (ЕЭК) Қаржы саясаты департаментінің директоры Тигран Давтян Еуразиялық ынтымақтастықтың қаржы-банк қауымдастығы (ЕАЫ ҚБҚ) Байқаушы кеңесінің мүшесі болып сайланды.

15 наурыздың 2017 ЕЭК министрі Карине Минасян: «Цифрлық трансформация сын-тегеуріндері ЕАЭО елдерінің күш-жігерін шоғырландыруды талап етеді» Одақ елдері мен Еуразиялық экономикалық комиссия өкілдері Еуразиялық экономикалық одақтың цифрлық күн тәртібін іске асыруды талқылады. Осы мақсатпен Ішкі нарық, ақпараттандыру, ақпараттық-коммуникациялық технология жөніндегі Алқа мүшесі (министр) Карине Минасян басқарған Комиссия делегациясы ақпан-наурызда Арменияға, Беларусьқа, Қазақстанға және Қырғызстанға барды.

14 наурыздың 2017 ЕЭК Алқасының Төрағасы Тигран Саркисян мен РФ Сыртқы істер министрі Сергей Лавров ЕАЭО-ның үшінші елдермен экономиканы дамытудағы байланысын талқылады Еуразиялық экономикалық комиссия (ЕЭК) Алқасының Төрағасы Тигран Саркисянның Ресей Федерациясының Сыртқы істер министрі Сергей Лавровпен кездесуі болды. Тараптар Еуразиялық экономикалық одақты (ЕАЭО) дамытудың өзекті мәселелерін, сондай-ақ ЕАЭО үшінші елдермен және интеграциялық бірлестіктермен қарым-қатынастарын тереңдете түсу перспективаларын талқылады.

14 наурыздың 2017 ЕЭК ЕАЭО елдеріне техникалық регламенттер талаптарының сақталуын бақылаудың қағидаттары мен тәсілдемелерін жақындатуды ұсынды Одақтың техникалық регламентінде талаптар белгіленбеген тауарларды Еуразиялық экономикалық одақта пайдаланудың қағидаттары мен тәсілдемелері, сондай-ақ ұлттық қадағалаушы органдардың техникалық регламенттерді сақтауын бақылау қағидаттарын жақындату жөніндегі ұсыныстар Еуразиялық экономикалық комиссия (ЕЭК) Алқасында талқыланды.

Тағы да көрсету