қаз

Кедендік ынтымақтастық

Кедендік ынтымақтастық жөніндегі Алқа мүшесі (Министр) Алишеров Эльдар Туралиевич
Төрағаның қабылдау бөлмесі тел. 8 (495) 249-25-00

тақырыбы бойынша жаңалықтар «Кедендік ынтымақтастық»

ЕЭК алаңында кедендік декларацияның жаңа нысанын талқылау жалғасты 20 Sep 2023 ЕЭК алаңында кедендік декларацияның жаңа нысанын талқылау жалғасты 19 қыркүйекте Еуразиялық экономикалық комиссияның экспресс-жүктер мен халықаралық почта жөнелтілімдеріне қатысты кедендік операцияларды жасау тәртібін жетілдіру жөніндегі жұмыс тобының кезекті отырысы болып өтті. Комиссияның және Еуразиялық экономикалық одақ мемлекеттерінің сарапшылары ЕАЭО Кеден кодексіне дайындалып жатқан өзгерістерге байланысты электрондық сауда тауарларына арналған декларацияның нысанын және оны толтыру тәртібін айқындайтын Комиссияның жаңа нормативтік актісін әзірлеу кезіндегі тәсілдемелерді талқылауды жалғастырды. Отырыс барысында декларацияда жалпы мәліметтерді, сондай-ақ электрондық сауда тауарлары туралы жекелеген мәліметтерді көрсету мәселелері талқыланды. Мұндай тәсілдемелер сыртқы электрондық сауда саласында пилоттық жобаны іске асыру үшін қабылданған Комиссия шешімдерін практикалық қолдануды ескере отырып пысықталады. Анықтама Еуразиялық үкіметаралық кеңестің 2021 жылғы 19 қарашадағы № 10 шешімімен Еуразиялық экономикалық одақтың шеңберінде электрондық сауданы дамыту үшін қолайлы жағдайлар жасау жөніндегі іс-шаралар жоспары (жол картасы) бекітілді. Еуразиялық экономикалық комиссияның жол картасының 2-тармағына сәйкес ЕАЭО мемлекеттерімен бірлесіп, Одақтың Кеден кодексі туралы шартқа (сыртқы электрондық сауданы реттеу бөлігінде) өзгерістер енгізу туралы Хаттаманың жобасында көзделген құзыретті негізге ала отырып, соның ішінде электрондық сауда тауарларына арналған декларацияның нысанын және оны толтыру тәртібін айқындайтын Комиссия актісін дайындау қажет. Комиссия Алқасының 2021 жылғы 3 тамыздағы № 93 және № 94 шешімдерімен ЕАЭО елдерінде сыртқы электрондық сауда саласындағы пилоттық жобаны (экспериментті) жүргізуді қамтамасыз ету үшін экспресс-жүктерге арналған тауарларға декларация толтыру ерекшеліктері белгіленген.
19 Sep 2023 Эльдар Алишеров: «Технологияларды дамытудың қазіргі заманғы трендтері инновациялық кеден әкімшілігін жүргізудің қалыптасуын ынталандырады" Еуразиялық экономикалық комиссия Еуразиялық экономикалық одақ елдерінде кеден заңнамасын жетілдіру бойынша қандай жұмыс жүргізіп жатқаны туралы ЕЭК Кедендік ынтымақтастық жөніндегі министрі Эльдар Алишеров 19 қыркүйекте Минскіде өткен "Жаңа сын-тегеуіріндер мен қатерлер жағдайындағы Еуразиялық экономикалық интеграцияның перспективалары: кедендік өлшем" атты XIV халықаралық ғылыми-практикалық конференцияда айтты. Эльдар Алишеровтің сөзінше, Еуразиялық экономикалық интеграцияның маңызды міндеттерінің бірі — түйінді тауарлармен және ресурстармен қамтамасыз етудің ортақ кеңістігін қалыптастыру болып табылады, ал бұл процесте кеден органдары маңызды рөл атқарады. "Кеденсіз көлік-логистика инфрақұрылымының тұрақты жұмысын қамтамасыз ету мүмкін емес. Транзит еркіндігі, қазіргі заманғы ақпараттық технологияларды қолдану, кеден қызметтері жұмысының тұрақты және болжамды құқықтық құрамдас бөлігі біздің мемлекеттерімізді байланыстыратын жіксіз және қауіпсіз халықаралық көлік дәліздерін дамыту үшін сенімді негіз болып табылады", — деп атап өтті ЕЭК министрі. Эльдар Алишеров Одақтың кедендік транзит жүйесінің қолжетімділігі мен ашықтығын қамтамасыз ету үшін оған мүдделі үшінші мемлекеттерді қосу мүмкіндігін көздестіру қажет екенін айтты. "Технологияларды дамытудың қазіргі заманғы трендтері таяу болашақта инновациялық кеден әкімшілігін жүргізудің қалыптасуына негіз болады. Смарт-технологиялар қағидаттарын ендіру интеллектуалды өткізу пункттерін салудан бастап бастамашыл автоматтандырылған қызметтер көрсетуге, электрондық декларациялауға және үлкен деректерді автоматты түрде өңдеуге, Одақтың кеден органдары арасында жедел ақпарат алмасуға дейін барлық жерде болуға тиіс", — деп атап көрсетті ЕЭК министрі. Жалпы конференция бағдарламасы кеден ісінің практикалық және құқықтық құрамдас бөліктерін қамтыды. Алаңда ЕАЭО-дағы бірыңғай кедендік реттеу, кеден заңнамасын өзгерту, санкциялық қысымға қарсы іс-қимыл үшін тыйым салулар мен шектеулер енгізу, кеден қызметтері мен СЭҚ қатысушылары арасында ақпарат алмасуды жетілдіру мәселелері талқыланды.
18 Sep 2023 Одақта уәкілетті экономикалық оператор институтын дамыту перспективалары бизнеспен бірге талқыланды Еуразиялық экономикалық комиссияның Кеден заңнамасы және құқық қолдану практикасы департаментінің директоры Сергей Владимиров Сыртқы экономикалық қызмет саласындағы бизнес-қауымдастықтардың халықаралық одағы басшылары жиналысының Жалпы отырысы шеңберіндегі кеңесте Еуразиялық экономикалық одақта уәкілетті экономикалық оператор (УЭО) институтын дамыту перспективалары туралы хабарлады. "ТМД экономикалық дамуының іскерлік орталығы" ұйымдастырған іс-шара ТМД Атқарушы комитетінің алаңында болып өтті. Сергей Владимиров ағымдағы оңайлатуларды іске асыру, жаңа оңайлатуларды енгізу тұрғысында Одақта УЭО енгізу жөніндегі істердің жағдайына жан-жақты тоқталып, Одақтың нормативтік базасын жетілдіру, УЭО-ны өзара тану және осы институтты жан-жақты қолдау туралы келісімдерді дамыту туралы айтты. "Кеден және бизнес ынтымақтастығының неғұрлым оңтайлы моделі мемлекет пен бизнес мүдделерінің теңгерімін қамтамасыз етуге мүмкіндік беретін УЭО институты болып табылады", — деп атап өтті ЕЭК Департаментінің басшысы. Анықтама "ТМД экономикалық дамуының іскерлік орталығы" қауымдастығы ТМД мемлекеттері Басшылары кеңесінің 2000 жылғы 21 маусымдағы және ТМД Экономикалық Кеңесінің 2002 жылғы 28 маусымдағы шешімдері негізінде құрылды. Кеден ісінде УЭО — бұл кеден органдары әріптестіктік қатынастар құратын сыртқы экономикалық қызметтің парасатты және сенімді қатысушылары. Бұл тұлғалар кедендік операциялар жасау және кедендік бақылау жүргізу кезінде артықшылықтарға ие. УЭО институтын қолдану үрдісі әртүрлі континентте көптеген елді біртіндеп қамтуда.
14 Sep 2023 Экспресс-жүктерге арналған декларацияға өзгерістер енгізу тәртібі бекітілді Еуразиялық экономикалық комиссия Алқасы 14 қыркүйекте экспресс-жүктер ретінде алып өтетін коммерциялық тауарларды декларациялау кезінде пайдаланылатын экспресс-жүктерге арналған декларацияда мәлімделген мәліметтерді өзгертуге (толықтыруға) байланысты кедендік операцияларды жасау тәртібін бекітті. Құқық қолдану практикасында көбінесе тауарлар шығарылғанға дейін де, одан кейін де кедендік декларациядағы мәліметтерді өзгерту немесе толықтыру қажеттілігі туындап жатады. Экспресс-тасымалдаушы да, кеден органы да мұндай өзгерістердің бастамашысы бола алады. "Бекітілген тәртіп экспресс-тасымалдаушының және кеден органдарының лауазымды адамдарының іс-қимылының нақты алгоритмін, кедендік құжатқа өзгерістер енгізу мерзімдері мен жағдайларын көздейді", — деп атап өтті ЕЭК Кедендік ынтымақтастық жөніндегі министрі Эльдар Алишеров. Жоба Комиссияның кеден блогының экспресс-жүктерге кеден әкімшілігін жүргізу және осы мәселе бойынша қазіргі заманғы құқықтық базаны қалыптастыру жөнінде жүргізіп жатқан кешенді жұмысының қисынды жалғасы болып табылады. Анықтама Комиссия Алқасының 2018 жылғы 28 тамыздағы № 142 "Тасымалдаушы тауарларға арналған декларацияны пайдалана отырып, экспресс-жүк ретінде жеткізетін тауарларды кедендік декларациялау туралы" шешімімен экспресс-жүктерге арналған тауарларға декларация толтыру нысаны мен тәртібі бекітілді және оны қолдану шарттары айқындалды. Экспресс-жүктерге кеден әкімшілігін жүргізуді жетілдіру жөніндегі жұмыс Кедендік реттеу жөніндегі консультативтік комитет жанындағы бейінді жұмыс тобының шеңберінде мемлекеттік органдар мен бизнес-қоғамдастық өкілдерінің қатысуымен жүргізіледі.
Тағы да көрсету

Қызметі

"Қауырт" құжат
Тауарлар әкелінетін және әкетілетін орындар
Жеке тұлғалардың жеке қолдануына арналған тауарларды тасымалдауы
Кеден одағына мүше мемлекеттердің кеден заңнамасы
СЭҚ-ны реттеу жүйесіндегі “бірыңғай терезе”
Жеке тұлғалардың қолма-қол ақшалай қаражатты және (немесе) ақша құралдарын тасымалдауы
Кеден одағына мүше мемлекеттердің кеден қызметтері
Пайдалы сілтемелер

тақырыбы бойынша шешімдер «Кедендік ынтымақтастық»

нормативтік құжаттар

Регламент работы Евразийской экономической комиссии

Бағыт бойынша материалдар

18 2016 ЕЭК ішкі нарықтар, ақпараттандыру, ақпараттық-коммуникациялық технологиялар жөніндегі министр Карине Минасянның ТАСС ақпараттық агенттігіне берген сұхбаты: «ЕАЭО-дағы инновациялар тәуекелі көтермеленуі тиіс» 2015 жылы Еуразиялық экономикалық одақ жұмыс жасай бастады, оған бүгінде бес ел кіреді: Армения, Беларусь, Қазақстан, Қырғызстан мен Ресей. Егер бұдан 20 жыл бұрын еуразиялық интеграция пайда болған кезде әңгіме сауда ынтымақтастығы туралы болса, қазір күн тәртібі бірте-бірте кеңейді. Қарқынды ақпараттық-технологиялық даму одаққа жаңа сын-қатерлер әкелді. Онлайн-сауданы реттеу, интернет заттары саласындағы заңнама бойынша бірлесе жұмыс істеу, электрондық үкіметтің өзара іс-қимыл жүйесін әзірлеу, тәуекелдік қаржыландыру нарығын құру және жалпы инновацияны бірлесіп дамыту қажеттілігі туды. Сондықтан осы жылы ЕАЭО реттеуші органы Еуразиялық экономикалық комиссия қызметтің жаңа бағытын құрды. Оның негізгі міндеттерінің бірі – бірыңғай цифрлық кеңістік құру, цифрлық технологияларды дамыту. «Еуразиялық апта» форумының қорытындысы бойынша өткен және интеграциялық ынтымақтастықтың жаңа бағытын құрудың бірінші жылдығы қарсаңында Еуразиялық экономикалық комиссияның ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі Карине Минасян ТАСС ақпараттық агенттігіне берген сұхбатында бұл салада атқарылып жатқан істер туралы айтып берді.​
Еуразиялық экономикалық комиссияның Энергетика және инфрақұрылым жөніндегі министрі Адамкул Жунусов «РУСАРМИНФО» сұрақтарына жауап берді және Арменияның Еуразиялық одақтың бірыңғай энергетикалық нарығына интеграциялану деңгейін бағалады 09 2016 Еуразиялық экономикалық комиссияның Энергетика және инфрақұрылым жөніндегі министрі Адамкул Жунусов «РУСАРМИНФО» сұрақтарына жауап берді және Арменияның Еуразиялық одақтың бірыңғай энергетикалық нарығына интеграциялану деңгейін бағалады ​​Арменияның ЕАЭО бірыңғай энергетикалық нарығына интеграциялану деңгейін қалай бағалайсыз? Дамудың қандай объективтік мүмкіндіктері бар? ​
29 2016 Ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі (Министр) Карине Минасянның «Голос Армении» газетіндегі: Интеграцияға толық кірікпеу жағдайында» атты сұхбаты ЕАЭО елдері ішкі нарықтарының тосқауылдарсыз, алып қоюларсыз және шектеулерсіз жұмыс істеуі соңғы кездері, әсіресе одаққа мүше мемлекеттердің басшылары Еуразиялық экономикалық комиссияны (ЕЭК) бұл бағыт бойынша белсенді әрекеттердің жеткілікті болмауы үшін жиі сын айтуы аясында жіті талқыланатын тақырып болды. Комиссияда нақ ішкі нарықтардың тосқауылдарсыз, алып қоюларсыз және шектеулерсіз жұмыс істеуіне жауап беретін ЕЭК Алқа мүшесі (министрі) Карине Минасянмен әңгіме барысында біз ЕЭК осындай кедергілерді жою жұмысында қандай істер тындырылғанын анықтауға тырыстық.
31 2016 ЕЭК Кедендік ынтымақтастық жөніндегі Алқа мүшесі (Министрі) Мұқай Қадырқұловтың «РАКУРС» журналына берген сұхбаты: «СЭҚ қатысушыларға арналған оңайлатулар кедендік бақылаудың сапасына теріс әсерін тигізбеуі тиіс» Мұқай Қадырқұлов 1 ақпаннан бастап Еуразиялық экономикалық комиссияның (ЕЭК) Кедендік ынтымақтастық жөніндегі Алқа мүшесі (Министрі) қызметіне кірісті. Жұмыстың негізгі бағыттары, басым міндеттер және ЕАЭО КК қабылдаудың перспективалары, тағы да басқа туралы «РАКУРС» журналынан оқыңыз.
0/0

ЕАЭО ресурстары