қаз

ЕЭК Алқасының Төрағасы

ЕЭК Алқасының Төрағасы Мясникович Михаил Владимирович
Төрағаның қабылдау бөлмесі тел. +7 (495) 669-24-44

тақырыбы бойынша жаңалықтар «ЕЭК Алқасының Төрағасы»

29 May 2023 ЕАЭО күні құтты болсын! 29 мамырда ЕАЭО-ға мүше мемлекеттер Еуразиялық экономикалық одақ күнін алғаш рет атап өтуде. Дәл осы күні 2014 жылы Қазақстан Республикасында ЕАЭО туралы шартқа қол қойылған болатын. «9 жыл ішінде Еуразиялық экономикалық одақ Үлкен Еуразия мемлекеттерінің ынтымақтастығы мен өзара қарым-қатынасының негізгі алаңына айналды. Біз маңызды стратегиялық шешімдер қабылдауға дайынбыз. Бүгінгі таңда біздің бірлестіктің алдында ЕАЭО елдеріндегі инвестициялық белсенділікті ынталандыруды, өзінің көрсеткіштері бойынша SWIFT-тен жоғары есеп айырысу жүйесін құруды, дербес цифрлық валюталық ортаны әзірлеуді қоса алғанда, өте маңызды мақсаттар тұр. Алдағы жылдары ЕАЭО елдері Одақ елдерінің де, бүкіл еуразиялық кеңістік мемлекеттерінің де экономикалық мүдделеріне құрметпен қарау негізінде бірлестіктің қызметінің жоғары қарқынын сақтап, тіпті арттыра алатынына сенімдімін», — деп атап өтті Еуразиялық экономикалық комиссия Алқасының Төрағасы Михаил Мясникович. Қырғыз Республикасының Президенті Садыр Жапаров 2022 жылы Еуразиялық экономикалық одақ күні туралы бастама көтерген болатын. Оны еуразиялық «бестіктің» төрт елінің, яғни Армения, Беларусь, Қазақстан және Ресей басшылары бірауыздан қолдады. Жоғары Еуразиялық экономикалық кеңестің өкімінде атап өтілгендей, мұндай күнді белгілеу одақтас мемлекеттер арасындағы ынтымақтастықты нығайтуға және тереңдетуге көмектеседі. Садыр Жапаровтың ұсынысы бойынша ЕАЭО күні жыл сайын атап өтіледі. 2023 жылы Еуразиялық экономикалық одаққа Ресей төрағалық етті. Ресей Федерациясының Президенті Владимир Путин 2022 жылғы 9 желтоқсанда Бішкекте өткен Жоғары Еуразиялық экономикалық кеңестің кеңейтілген отырысында сөйлеген сөзінде ЕАЭО дамуының стратегиялық бағдарларын өзектендіруді Ресейдің осы бірлестікке төрағалық етуінің басымдықтарының бірі деп атады. Сонымен қатар, Владимир Путин орта және ұзақ мерзімді перспективада одан әрі интеграциялық өзара іс-қимылдың негізгі векторларын белгілейтін стратегиялық жоспарлау бойынша жаңа құжаттарды дайындаудың маңыздылығын атап өтті. 
29 May 2023 II Еуразиялық экономикалық форумның қорытындылары II Еуразиялық экономикалық форум 24-25 мамырда Мәскеуде өтті және Еуразиялық экономикалық одаққа мүше мемлекеттер мен бақылаушы мемлекеттер басшыларының қатысуымен Жоғары Еуразиялық экономикалық кеңестің отырысына орайластырылды. Іс-шаралар 2023 жылы Ресей Федерациясының Еуразиялық экономикалық одақ органдарына төрағалық етуі аясында өтті. Форумның ұраны — «Көпполярлы әлемдегі еуразиялық интеграция». Іскерлік бағдарлама Форумның іскерлік бағдарламасы 35 сессияны қамтыды. Негізгі тақырыптар ЕАЭО-дағы интеграциялық процестердің неғұрлым өзекті және сұранысқа ие мәселелері, оның ішінде ұзақ мерзімді жоспарлаудың жаңа құжаттарын дайындау және 2030 және 2045 жылдарға дейінгі кезеңге арналған интеграциялық өзара іс-қимылдың негізгі бағыттарын айқындау, ЕАЭО-ның алыс шет елдермен ынтымақтастығын дамыту, кедендік реттеу, ЕАЭО-ның ішкі нарығының перспективалары, сондай-ақ цифрлық трансформация және халықаралық есеп айырысу механизмдерін жетілдіру болды. Іс-шаралар жеті тақырыптық бағытқа бөлінді:             «Адами капитал»,             «Технологиялар және кооперация»,             «Өзгермелі әлемдегі ЕАЭО»,             «Еуразиялық ұштасу»,             «ЕАЭО ішкі нарығы: кедендік ынтымақтастық, бәсекелестік және мемлекеттік сатып алулар»,             «Стратегиялық блок»,             ЕАЭО-ның Іскерлік кеңесінің блогы. Сонымен қатар, іскерлік бағдарлама аясында:             ЕАЭО Іскерлік Кеңесі Төралқасының отырысы;             «ЕАЭО ішкі нарығы: қиындықтар мен даму перспективалары» іскерлік таңғы асы,             СБА-ның «Еуразияда халықаралық ынтымақтастықты дамытуға арналған жаңа мүмкіндіктер» іскерлік таңғы асы,             «ЕАЭО – Индонезия» бизнес-диалогы,             «ЕАЭО – Индонезия» бизнес-диалогының таңғы асы,             «ЕАЭО – Индонезия» салалық жобалардың презентациясы, Пленарлық отырыс өтті II Еуразиялық экономикалық форумның негізгі іс-шарасы – пленарлық отырыс. Іс-шараға Ресей Федерациясының Президенті Владимир Путин, Беларусь Республикасының Президенті Александр Лукашенко, Қазақстан Республикасының Президенті Қасым-Жомарт Тоқаев, Қырғыз Республикасының Президенті Садыр Жапаров, Армения Республикасының Вице-Премьер-министрі Мгер Григорян, Еуразиялық экономикалық комиссия Алқасының Төрағасы Михаил Мясникович қатысты. Отырыстың модераторы «Ресей өнеркәсіпшілері мен кәсіпкерлерінің одағы» Жалпыресейлік қоғамдық ұйымының президенті, төралқа төрағасы – ЕАЭО Іскерлік кеңесінің президенті Александр Шохин болды. Мгер Григорян: «Біздің Одақтың аумағы табиғи ресурстармен және пайдалы қазбалармен қанықтырылған әлемдегі ең бай аумақтардың бірі. Бірақ біздің ең құнды байлығымыз, әрине, адамдар. Мақсаттарға жету тиімділігі және біздің бәсекелестік артықшылығымыз адамдарға және олардың ынталануына байланысты. Барлық ресми анықтамаларды ескере отырып, біздің интеграциямыздың негізгі мәні – Еуразияның басты әлеуеті және болашағы ретінде адами капиталды дамыту». Александр Лукашенко: «Соңғы уақытта әлем үнемі шиеленіс пен белгісіздік жағдайында өмір сүруде. Әдеттегіден тыс жағдайларда қуатты күш тұрақты экономика болып табылады. Бірақ бүгінде кез келген мемлекеттің экономикалық шекаралары соншалықты ашық, ал сауда желілері бір-бірімен тығыз байланысты болғанымен экономикалық тұрақтылыққа жеке дара қол жеткізу кез келген мемлекет үшін орындалмайтын міндет болып табылады. Сондықтан кез келген ел ЕАЭО, ШЫҰ, БРИКС, АСЕАН сияқты қуатты өңірлік және халықаралық бірлестіктерге қатысуға мүдделі». Касым-Жомарт Токаев: «Өткен жылғы оқиғалар жаңа жаһандық логистиканың негізгі элементі ретінде «Солтүстік ‒ Оңтүстік» көлік дәлізін дамытудың маңыздылығын тағы да айқын көрсетті. Бұл меридиандық дәліз ендік Транскаспий халықаралық көлік маршрутымен қиылысады. Сондықтан біз екі маршруттың үйлесімді және жүйелі дамуында айтарлықтай синергияны байқап отырмыз. Бұл өнеркәсіп, көлік және экономика үшін тек өсу нүктесі ғана емес. Бұл маршруттар үлкен Еуразия ішіндегі өзара іс-қимыл мен кооперация деңгейін түбегейлі өзгерте алады. <...> Жалпы, біз қазір бұған дейін ешқашан болмаған Еуразияның жаңа көлік қаңқасын қалыптастырып жатырмыз, деп айтуға болады». Садыр Жапаров: «Бизнес мүдделерін қорғау және оларды мемлекет тарапынан қолдау ЕАЭО-ның барлық елдерінде басым міндет болып табылады. Осыған байланысты Одақта бизнес-омбудсмен институтын құрудың орындылығы мәселесін пысықтау қажет деп ойлаймын. <…> Еуразиялық рейтингтік агенттікті құру кәсіпкерлік субъектілері тап болатын шектеулерді жоюмен қатар, еуразиялық өңір елдерінің қаржылық тәуелсіздігінің деңгейін арттыруға және инвестициялық қызметті жандандыруға мүмкіндік береді». Владимир Путин: «Біз жаһандық аренада шынымен де терең, түбегейлі өзгерістер болып жатқанын көріп отырмыз. Көптеген мемлекеттер ұлттық егемендікті нығайтуға, өз бетінше, тәуелсіз ішкі және сыртқы саясатты жүргізуге бағыт алып отыр, өзінің даму моделін ұстанады. Олардың барлығы халықаралық экономикалық қатынастардың жаңа, әділ архитектурасын құруды жақтайды, әлемдік процестерге сындарлы әсер етуге, өзара тиімділікке, бір-бірінің мүдделерін құрметтеуге және есепке алуға негізделген әріптестік байланыстар желісін кеңейтуге ұмтылады». Михаил Мясникович: «Перспективада дамудың негізгі факторы инвестициялық қызмет болып табылады. Импортты алмастырудың жалпыодақтық бағдарламасы қажет. Технологиялық тәуелсіздік электрониканы, білдек жасауды, дәрі-дәрмек өндірісін дамыту, химиялық және биологиялық кәсіпорындарды, жоғары технологияларды құру бойынша ауқымды міндеттерді шешуді көздейді. Осы мақсатта қаржыландыру көздері мен мотивациялық механизмдерді анықтау қажет». Қатысушылар Форум жұмысына Ресейден және 59 ел мен аумақтан келген 2700-ден астам БАҚ қатысушылары мен өкілдері қатысты. Форум жұмысына Ресей Федерациясының Президенті Владимир Путин; Беларусь Республикасының Президенті Александр Лукашенко; Қазақстан Республикасының Президенті Қасым-Жомарт Тоқаев; Қырғыз Республикасының Президенті Садыр Жапаров қатысты. Іс-шараға сондай-ақ Армения Республикасының Вице-премьер-министрі Мгер Григорян; Беларусь Республикасы Премьер-министрінің орынбасары Игорь Петришенко, Қазақстан Республикасы Премьер-министрінің орынбасары, сауда және интеграция министрі Серік Жұманғарин, Қырғыз Республикасы Министрлер кабинеті Төрағасының бірінші орынбасары Адылбек Қасымалиев, Ресей Федерациясы Үкіметі Төрағасының орынбасары Алексей Оверчук қатысты. Форумға тоғыз министр қатысты, олардың ішінде: Ресей Федерациясының Энергетика министрі Николай Шульгинов, Қазақстанның энергетика министрі Алмасадам Сатқалиев; Қырғызстанның Энергетика министрі Таалайбек Ибраев; Қырғызстанның Еңбек, әлеуметтік қамсыздандыру және көші-қон министрі Құдайберген Базарбаев; Қырғызстанның экономика және коммерция министрі Данияр Амангелдиев; Қырғызстанның Әділет министрі Аяз Баетов; Никарагуа қаржы және мемлекеттік несиелер министрі Иван Адольфо Акоста Монтальван; Беларусь Республикасының Экономика министрі Александр Червяков; Беларусь Республикасының Еңбек және әлеуметтік қорғау министрі Ирина Костевич; Беларусь Республикасының Энергетика министрі Виктор Каранкевич; Беларусь Республикасының Білім министрі Андрей Иванец. Форумға халықаралық ұйымдар мен бірлестіктердің басшылары қатысты, соның ішінде: Шанхай ынтымақтастық ұйымының Бас хатшысы Мин Чжан; Еуразиялық экономикалық одақ Сотының Төрағасы Эрна Айриян; Ұжымдық қауіпсіздік туралы шарт Ұйымы Парламенттік Ассамблеясының Жауапты хатшысы Сергей Поспелов; ТМД Электр энергетикалық Кеңесінің Атқарушы комитетінің Төрағасы Тарас Купчико; Тәуелсіз Мемлекеттер Достастығы Атқарушы комитетінің Бас хатшысы Сергей Лебедев; Одақтас мемлекеттің Тұрақты комитетінің Мемлекеттік хатшысы Дмитрий Мезенцев. Біздің Америка халықтарына арналған Боливар альянсының атқарушы хатшысы Феликс Рамон Пласенсия Гонсалес сессия аясында бейне хабарлама жасады. Сондай-ақ, алаңға дипломатиялық корпустың 13 басшысы келді. Форумға Индонезиядан келген көптеген делегация қатысты, жоғары лауазымды шенеуніктер арасында алаңға Индонезияның Энергетика және минералдық ресурстар министрінің энергетикалық ауысуды енгізуді жеделдету стратегиясы және энергетикалық инфрақұрылымды дамыту жөніндегі арнайы кеңесшісі Эго Сяхриал; Индонезияның Ресейдегі Төтенше және өкілетті елшісі Хосе Антонио Морато Тавареш; Минахаса Үкіметінің регенті (Индонезия) Ройке Октавиан Роринг; Солтүстік Сулавеси провинциясы үкіметінің губернаторы (Индонезия) Олли Дондокамбей; Манадо қаласының мэрі (Индонезия) Андрей Ангоукелді. Іс-шара алаңына 38 ел мен аумақтың шетелдік ресми делегацияларының өкілдері келді. Форумға 400-ге жуық компанияның 550-ден астам бизнес өкілдері қатысты. ЕЭФ-2023 серіктес елі Форумның серіктес елі Индонезия Республикасы болды. ЕЭФ-2023 аясында осы елдің билік органдары мен кәсіпкерлік қоғамдастық өкілдерімен бірқатар іс-шаралар өтті. «ЕАЭО – Индонезия» бизнес-диалогына қатысушылар ынтымақтастықты тереңдету бөлігіндегі басым міндеттерді қарастырды, тұрақты инфрақұрылым құру, сондай-ақ жеткізу тізбегін ұлғайту, цифрлық бастамаларды дамыту және тарифтік емес кедергілерді жою мәселелерін талқылады. Бизнес-диалог бизнес-таңғы ас және B2B іс-шаралар – нетворкинг – сессия және компаниялардың екіжақты кездесулері форматында жалғасты. «Жасыл Еуразия» халықаралық климаттық байқауы Форум аясында «Жасыл Еуразия» халықаралық климаттық байқауының жеңімпаздары марапатталды. Байқауды «Жаңа жобаларды ілгерілету жөніндегі стратегиялық бастамалар агенттігі» АКҰ Еуразиялық экономикалық комиссиямен бірлесіп 10 номинация бойынша өткізді, оның ішінде: «Таза энергия және энергия тиімділігі», «Таза өнеркәсіп», «Тұрақты ауыл шаруашылығы», «Төмен көміртекті көлік», «Жасыл құрылыс», «Жасыл қаржыландыру», «Қалдықтарды тиімді басқару», «Экологиялық мәдениет және халықты климаттық күн тәртібіне тарту», «Экологиялық және климаттық мониторинг» және «Төмен көміртекті даму саласындағы мемлекеттік саясат». Конкурс аясында ұсынылған жобаларды кәсіби қоғамдастық өкілдерінен құралған сараптамалық топ бағалады. Марапаттауға Армения Республикасының Вице-премьері Мгер Григорян, Ресей Федерациясы Үкіметі Төрағасының орынбасары Алексей Оверчук, Беларусь Республикасы Премьер-министрінің орынбасары Игорь Петришенко қатысты. Келісімдер Еуразиялық экономикалық комиссияның жастар кеңесі мен Ресей Федерациясы Сыртқы істер министрлігінің Жас дипломаттар Кеңесі ынтымақтастық бағдарламасына қол қойды. Ресей СІМ ММХҚИ, Беларусь мемлекеттік университеті, Беларусь мемлекеттік экономикалық университеті, Қырғыз Республикасы СІМ Қ. Дикамбаев атындағы Дипломатиялық академиясы және Ереван мемлекеттік университеті еуразиялық интеграция саласындағы Консорциум туралы келісімге қол қойды. Ақпараттық серіктестер Ақпараттық серіктестер ретінде 31 БАҚ қатысты. Армения: Armenpress, АрмИнфо, «NovostiNK» желілік басылымы, «Ноев Ковчег» газеті Беларусь: БЕЛТА, «ПраймПресс» Қазақстан: «DKNews», МИА «Казинформ», «24KZ» телеарнасы Қырғызстан: ЭлТР, Акчабар Телекомпаниясы, «АиФ-Кыргызстан», ИД «Комсомольская правда» Қырғызстан газеті, «News-Asia» Орталық Азия ақпараттық порталы, КНИА «Кабар», Қырғыз Республикасының Ұлттық телерадио хабарларын тарату корпорациясы Ресей: ТАСС, РИА «Новости», Федерал пресс, Интерфакс, TV BRICS, NEWS.ru, «Парламентская газета», «Мир», «Российская газета», ИД «Комсомольская правда», «Лента.ru», «Газета.ru», «Секрет фирмы» Иран: IranPress Мир: Sputnik Форум операторы Форумның операторы әлеуметтік бағдарланған қаржылық емес даму институты, халықаралық, конгресстік, көрме және қоғамдық іс-шаралардың ірі ұйымдастырушысы – Росконгресс қоры болды.
Еуразиялық экономикалық комиссия Алқасының Төрағасы Михаил Мясниковичтің атына ЕАЭО күніне орай құттықтаулар келіп түсті 29 May 2023 Еуразиялық экономикалық комиссия Алқасының Төрағасы Михаил Мясниковичтің атына ЕАЭО күніне орай құттықтаулар келіп түсті Беларусь Республикасының Сыртқы істер министрі Сергей Алейниктің құттықтау хаты: «Сізді және Еуразиялық экономикалық комиссияның бүкіл ұжымын Еуразиялық экономикалық одақ күнімен шын жүректен құттықтаймын. 8 жыл бұрын мемлекет басшылары қабылдаған ЕАЭО құру туралы шешім посткеңестік кеңістіктегі интеграциялық процестерді қайтымсыз тереңдетуге, оған қатысушы елдердің экономикалық тұрақтылығын арттыруға, олардың егемендігі мен халықаралық субъективтілігін сақтауға бастама берді. Еуразиялық экономикалық интеграцияны дамыту жөніндегі міндеттерді іске асырудағы орталық рөл Еуразиялық экономикалық комиссияға тиесілі, барлық қазіргі қиындықтарды Сіздің басшылығыңыздың арқасында тиісті дәрежеде жеңіп келеміз. Құрметті Михаил Владимирович Сізге және ЕЭК-тің барлық қызметкерлеріне мол бақыт, береке-бірлік, бейбіт аспан және алдағы жұмыста табыс тілеймін». Қырғыз Республикасы Министрлер Кабинетінің Төрағасы Ақылбек Жапаровтың құттықтау хаты: «Еуразиялық экономикалық одақ күніне орай құттықтау хатымды және ізгі тілектерімді қабыл алыңыз. Осы айтулы күні біз Одағымыздың маңыздылығын және оның экономикалық ынтымақтастықты дамытудағы, халқымыздың өмір сүру деңгейін арттырудағы және өңірде орнықты дамуды құрудағы маңызды рөлін атап өтеміз. Еуразиялық экономикалық одақ ортақ мақсаттарды жақындастыруға және біздің өзара қарым-қатынасымызды нығайтуға ықпал ететін батымды тетікке айналды, бұл бізге ынтымақтастықта жаңа биіктерге жетуге мүмкіндік береді. Мүше мемлекеттер арасындағы бірлескен күш-жігер мен сенімнің арқасында біздің Одақтың күн санап дамуы мен нығаюы қуантады. Соңғы жылдары біз сауда, экономика, инновация және көлік инфрақұрылымында жалпы ережелер мен стандарттарды белгілеуде айтарлықтай нәтижелерге қол жеткіздік, бұл әлемдік аренада бәсекеге қабілетті әлеуетімізді арттыруға ықпал етеді. Әрбір мүше мемлекеттің белсенді қолдауынсыз және қатысуынсыз біз жетістіктерге жете алмас едік. Біздің одақ өзара сыйластық, диалог және өзара тиімді ынтымақтастық қағидаттарына негізделеді. Біз бірлігіміздің күшіне нық сенімдіміз және біз бірлесіп үлкен нәтижелерге қол жеткізе аламыз және қиындықтарды жеңе аламыз деп сенеміз. Осы ерекше күні Сізге және Сіздің командаңызға мемлекеттеріміз бен халқымыздың өркендеуін қамтамасыз ету үшін Еуразиялық интеграцияны нығайту ісінде одан әрі табыс тілеймін. Одағымызға жаңа жетістіктер тілеймін. Біздің ұмтылыстарымыз ұзақ мерзімді ынтымақтастық пен серіктестікке бағытталсын». Қырғыз Республикасы Министрлер кабинеті Төрағасының Бірінші орынбасары Адылбек Қасымалиевтің құттықтау хаты: «Еуразиялық экономикалық одақ күніне орай менің жылы лебізімді қабыл алыңыздар. Бұл күн біздің Одақ үшін маңызды, біздің ортақ мақсатымыз – еуразиялық интеграцияны нығайту, елдеріміз арасындағы өзара тиімді сауда-экономикалық, инвестициялық ынтымақтастықты дамыту болып табылады. Еуразиялық экономикалық одақ өзінің қызмет көрсету жылдарында экономикалық өзара іс-қимылды орнықты дамыту және өңірлік ынтымақтастықты нығайту үшін берік іргетасқа айналды. Бірлескен күш-жігердің арқасында біз азаматтарымыздың өмірін жақсартуға және одаққа мүше мемлекеттерде қолайлы экономикалық орта құруға ықпал еткен маңызды жобалар мен бастамаларды әзірлеп, іске асыра алдық. Еуразиялық экономикалық одақ күні бізге жетістіктерімізді бағалауға және еңсерген қиындықтарымызды көруге мүмкіндік береді. Бұл сонымен қатар біздің ортақ мақсаттарымыз бен міндеттемелерімізді еске салады. Біз одағымызды нығайту жөніндегі жоспарлы жұмысты жалғастырып, экономикалық даму мен өркендеу үшін одан да қолайлы жағдайларға ұмтылуымыз керек. Осындай еркеше күні, құрметті Михаил Владимирович, менің шын жүректен құттықтауымды Одаққа мүше мемлекеттер арасындағы ынтымақтастықты ілгерілетуге өзінің кәсібилігімен үлес қосып келе жатқан Еуразиялық экономикалық комиссияның барлық ұжымына жеткізуіңізді сұраймын».
26 May 2023 ЕАЭО туралы шартқа енгізілетін түзетулер пакеті қабылданды 25 мамырда Жоғары Еуразиялық экономикалық кеңестің отырысында Еуразиялық экономикалық одақ мемлекеттерінің басшылары ЕАЭО туралы шартқа енгізілетін өзгерістерді қамтитын III Үлкен Хаттамаға қол қойды. III Үлкен Хаттама 2021 жылдың шілдесі мен 2022 жылдың маусымы аралығында жасалды. Оның негізгі мақсаты – құқық қолдану практикасы барысында анықталған құқықтық реттеудегі олқылықтарды жою, Одақ туралы шартта қолданылатын терминологияны нақтылау, Одақ органдарына техникалық реттеу, фитосанитариялық шаралар, Одақ жанындағы бақылаушы мемлекеттің мәртебесі, мемлекеттік сатып алу бойынша бірқатар өкілеттіктер беру. Мысалы, ЕАЭО туралы шартқа Одақтың карантиндік объектілерінің бірыңғай тізбесіне енгізілмеген, бірақ фитосанитариялық қауіп төндіретін зиянды организмдерге қатысты құқықтық реттеуді белгілейтін бірқатар нормалар енгізілген. ЕАЭО туралы шарттың № 3 қосымшасында «трансшекаралық сенім кеңістігі» ұғымының анықтамасы нақтыланды: уәкілетті органдар (G2G) арасындағы өзара іс-қимылдан басқа, енді электрондық құжаттарды, ақпаратты электрондық түрде жасау, жөнелту, беру және алу процесінде шаруашылық жүргізуші субъектілер мен уәкілетті органдар (B2G) арасында өзара қарым-қатынас жасауға болады. Тауарлардың экспорты мен импортына лицензиялар мен рұқсаттар беру қағидаларының күші жойылды деп танылады (III Үлкен Хаттама күшіне енгеннен кейін бұл қағидаларды Комиссия белгілейтін болады). ЕАЭО туралы шарттың № 25 қосымшасы мемлекеттік сатып алуды электрондық форматта өткізу кезінде электрондық цифрлық қолтаңбаны өзара тану туралы нормамен толықтырылды. Енді III Үлкен Хаттама Одақ елдеріне бекітуге жіберіледі.
Тағы да көрсету

тақырыбы бойынша шешімдер «ЕЭК Алқасының Төрағасы»

нормативтік құжаттар

Бағыт бойынша материалдар

14 2016 ЕЭК Алқасының Төрағасы Тигран Саркисянның ЕАДБ конференциясында сөйлеген, «Ведомости» газетінде «Толық интеграцияланбауды еңсеру» атты жарияланған сөзінің тезистері Мен, Еуразиялық кеңістікте әлі іске қосылмаған экономикалық өсудің орасан зор әлеуеті бар деп санаймын. Мен бүгінде құрылған ұлтүсті институты біздің елдеріміздегі экономикалық өсуді мықты ынталандыра алатын негізгі құрал деп ойлаймын. Себебі, біздің негізгі миссиямыз бойынша біз елдерде жинақталған үздік практикаларды қорытуға және халықаралық тәжірибені, Еуропалық одақ тәжірибесін ескере отырып, елдерімізде экономикалық өсуді ынталандыруы тиіс жаңа ұлтүсті институттарын енгізуге тиіспіз. Біздің Одақ шартының негізіндегі аксиоматика мынаны білдіреді: егер біз бірыңғай экономикалық кеңістік құрсақ, тосқауылдар мен шектеулерді, алып қоюларды жойсақ, тауарлардың, қызметтер көрсетудің, капиталдың, жұмыс күшінің еркін қозғалысына жағдай жасасақ, онда осының өзі экономикалық өсу үшін өте елеулі әлеует қамтиды
18 2016 ЕЭК ішкі нарықтар, ақпараттандыру, ақпараттық-коммуникациялық технологиялар жөніндегі министр Карине Минасянның ТАСС ақпараттық агенттігіне берген сұхбаты: «ЕАЭО-дағы инновациялар тәуекелі көтермеленуі тиіс» 2015 жылы Еуразиялық экономикалық одақ жұмыс жасай бастады, оған бүгінде бес ел кіреді: Армения, Беларусь, Қазақстан, Қырғызстан мен Ресей. Егер бұдан 20 жыл бұрын еуразиялық интеграция пайда болған кезде әңгіме сауда ынтымақтастығы туралы болса, қазір күн тәртібі бірте-бірте кеңейді. Қарқынды ақпараттық-технологиялық даму одаққа жаңа сын-қатерлер әкелді. Онлайн-сауданы реттеу, интернет заттары саласындағы заңнама бойынша бірлесе жұмыс істеу, электрондық үкіметтің өзара іс-қимыл жүйесін әзірлеу, тәуекелдік қаржыландыру нарығын құру және жалпы инновацияны бірлесіп дамыту қажеттілігі туды. Сондықтан осы жылы ЕАЭО реттеуші органы Еуразиялық экономикалық комиссия қызметтің жаңа бағытын құрды. Оның негізгі міндеттерінің бірі – бірыңғай цифрлық кеңістік құру, цифрлық технологияларды дамыту. «Еуразиялық апта» форумының қорытындысы бойынша өткен және интеграциялық ынтымақтастықтың жаңа бағытын құрудың бірінші жылдығы қарсаңында Еуразиялық экономикалық комиссияның ішкі нарықтар, ақпараттандыру, ақпараттық-коммуникациялық технологиялар жөніндегі Алқа мүшесі Карине Минасян ТАСС ақпараттық агенттігіне берген сұхбатында бұл салада атқарылып жатқан істер туралы айтып берді.​
Еуразиялық экономикалық комиссияның Энергетика және инфрақұрылым жөніндегі министрі Адамкул Жунусов «РУСАРМИНФО» сұрақтарына жауап берді және Арменияның Еуразиялық одақтың бірыңғай энергетикалық нарығына интеграциялану деңгейін бағалады 09 2016 Еуразиялық экономикалық комиссияның Энергетика және инфрақұрылым жөніндегі министрі Адамкул Жунусов «РУСАРМИНФО» сұрақтарына жауап берді және Арменияның Еуразиялық одақтың бірыңғай энергетикалық нарығына интеграциялану деңгейін бағалады ​​Арменияның ЕАЭО бірыңғай энергетикалық нарығына интеграциялану деңгейін қалай бағалайсыз? Дамудың қандай объективтік мүмкіндіктері бар? ​
ЕЭК Алқасының Төрағасы Тигран Саркисянның Еуразиялық экономикалық одақтың дамуы және онда Қырғызстанның дамуы туралы «Деловая Евразия» талдамалық ресурсына берген: «Еуразиялық интеграция дағдарысты жеңілдетті әрі сыртқы күйзелістерді жойды» атты сұхбаты 01 2016 ЕЭК Алқасының Төрағасы Тигран Саркисянның Еуразиялық экономикалық одақтың дамуы және онда Қырғызстанның дамуы туралы «Деловая Евразия» талдамалық ресурсына берген: «Еуразиялық интеграция дағдарысты жеңілдетті әрі сыртқы күйзелістерді жойды» атты сұхбаты ЕЭК Төрағасы: ЕАЭО елдерінде күшті қазіргі заманғы кластерлер құру керек 2016 жылғы тамызда Қырғызстан Еуразиялық экономикалық одаққа қосылуының бір жылдығын атап өтті. Еуразия үшін жаңа альянс қатысушы елдердің экономикаларын біріктіріп, өңірдің экономикалық әлеуетін арттыруға арналып отыр. «Деловая Евразия» Одақтың және онда Қырғызстанның дамуы туралы Еуразиялық экономикалық комиссияның Төрағасы Тигран Саркисянмен сұхбат құруда.​
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
Мясникович Михаил Владимирович
0/0

ЕАЭО ресурстары