арм

Եվրասիական տնտեսական հանձնաժողովի Կոլեգիայի նախագահ​

ԵՏՀ Խորհրդի Նախագահ​ Բակիտժան Աբդիրովիչ Սագինտաև
Նախագահի ընդունարան հեռ. 8 (495) 669-24-44

Նորություններ «Եվրասիական տնտեսական հանձնաժողովի Կոլեգիայի նախագահ​»

01 Jan 2025 ԵՏՀ Կոլեգիայի նախագահ Բակիտժան Սագինտաևը շնորհավորել Ամանորը Թանկագի՜ն ընկերներ։ Սրտանց շնորհավորում եմ ձեզ Ամանորը: Անցած տարին կարևոր նշաձող էր մեր ինտեգրացիոն միավորման կայացման պատմության մեջ։ Մենք նշեցինք Եվրասիական տնտեսական միության մասին պայմանագրի ստորագրման 10-ամյակը։ Այս, ըստ էության, կարճ ժամանակում մենք զգալի առաջընթաց ենք գրանցել մեր միավորման երկրների քաղաքացիների համար կյանքի և աշխատանքի համար բարենպաստ պայմաններ ստեղծելու գործում։ Եվրասիական տնտեսական միությունում հարմար է աշխատել ու զարգանալ։ Սա, թերևս, ինտեգրման գլխավոր ձեռքբերումն է։ Մենք դեռ շատ անելիքներ ունենք։ Առջևում նոր նպատակներ ունենք: Մաղթում եմ ձեզ քաջառողջություն և բարեկեցություն: Բարեկեցություն մեր երկրների ժողովուրդներին: Շնորհավո՜ր 2025 թվականը։ Հարգանքով, ԵՏՀ Կոլեգիայի նախագահ Բակիտժան Սագինտաև
01 Jan 2025 Բակիտժան Սագինտաևը շնորհավորել է Միգել Դիաս Կանել Բերմուդեսին Կուբայի ազատագրման օրվա կապակցությամբ Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևը շնորհավորել է Կուբայի Հանրապետության նախագահ, Եվրասիական տնտեսական միությանը կից դիտորդ պետության ղեկավար Միգել Դիաս Կանել Բերմուդեսին Ազատագրման օրվա կապակցությամբ: «Վստահ եմ, որ ԵԱՏՄ պետությունների և Կուբայի միջև հաջող փոխգործակցությունը հետագայում ևս կխորանա՝ ի շահ մեր երկրների ժողովուրդների», — նշել է ԵՏՀ Կոլեգիայի ղեկավարը շնորհավորական նամակում։ ԵՏՀ-ի և անձամբ իր անունից Բակիտժան Սագինտաևը Միգել Դիաս Կանել Բերմուդեսին մաղթել է հետագա հաջողություններ նրա պատասխանատու գործունեության մեջ, իսկ Կուբայի ժողովրդին՝ բարգավաճում և բարօրություն։
26 Dec 2024 Բակիտժան Սագինտաև. «Իրանի հետ երկխոսությունը մի շարք ուղղություններով զարգացման ներուժ ունի» Դեկտեմբերի 26-ին Սանկտ Պետերբուրգում Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևն աշխատանքային հանդիպում է ունեցել Իրանի Իսլամական Հանրապետության արդյունաբերության, հանքերի և առևտրի նախարար Սեյեդ Մոհամմադ Աթաբաքի հետ։ Կողմերը մտքեր են փոխանակել եվրասիական ինտեգրման արդիական հարցերի շուրջ, ինչպես նաև քննարկել են համագործակցության հեռանկարային ուղղությունները։ Բակիտժան Սագինտաևն ընդգծել է, որ Իրանը Եվրասիական տնտեսական միության կարևոր գործընկերներից է։ ԵԱՏՄ պետությունների և Իրանի միջև Ժամանակավոր առևտրային համաձայնագրի գործողության ընթացքում՝ 2018-2023 թվականներին, ապրանքաշրջանառությունը գրեթե կրկնապատկվել է։ 2024 թվականի 10 ամսվ ընթացքում այդ ցուցանիշն աճել է 12.8%-ով, ապրանքների արտահանումն Իրան աճել է 16%-ով, ներմուծումը՝ 8%-ով։ Փոխշահավետ գործընկերության ընդլայնման նպատակով 2023 թվականի դեկտեմբերին կողմերը ստորագրեցին Ազատ առևտրի մասին լիաձևաչափ համաձայնագիր, որն անմաքս առևտրի ռեժիմ է նախատեսում ապրանքների 90%-ի։ «Ակնկալում ենք, որ Իրանի հետ Համաձայնագիրն մոտ ապագայում ուժի մեջ կմտնի, ինչը մեր երկրներին թույլ կտա ավելի արդյունավետ զարգացնել ապրանքաշրջանառությունը և, ընդհանուր առմամբ, տնտեսական համագործակցությունը, — նշել է ԵՏՀ Կոլեգիայի ղեկավարը։ — Իրանի հետ երկխոսությունը մի շարք ուղղություններով զարգացման ներուժ ունի»: Կողմերը համակարծիք էին, որ փոխգործակցության առավել հեռանկարային ուղղություններն են տրանսպորտալոգիստիկ ենթակառուցվածքի զարգացումը, ձեռնարկությունների միջև կոոպերացիոն շփումների ընդլայնումը, համագործակցությունը ԱԱՀ-ում, նավթավերամշակման և նավթաքիմիական ոլորտներում, գիտական հետազոտություններն ու մշակումները: Բանակցությունների արդյունքում կողմերը վստահություն են հայտնել նախանշված պլանների հաջող գործնական իրականացման վերաբերյալ։
26 Dec 2024 Եվրասիական տնտեսական բարձրագույն խորհրդի 2024 թվականի դեկտեմբերի 26-ի նիստի արդյունքները Դեկտեմբերի 26-ին Լենինգրադի մարզում (ՌԴ) Հայաստանի Հանրապետության վարչապետ, Եվրասիական տնտեսական բարձրագույն խորհրդի (ԵՏԲԽ) նախագահ Նիկոլ Փաշինյանի նախագահությամբ կայացել է ԵՏԲԽ նիստ՝ Եվրասիական տնտեսական միության երկրների ղեկավարների, ԵԱՏՄ-ին կից դիտերդ պետությունների ղեկավարների և Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևի մասնակցությամբ։ Խորհրդի անդամները հաստատել են ԵԱՏՄ 2025 թվականի միջազգային գործունեության հիմնական ուղղությունները՝ այս ոլորտի համակարգաստեղծ փաստաթուղթը, որը մշակվել է Հանձնաժողովի կողմից անդամ պետությունների հանձնարարականներին համապատասխան։ Հավանության է արժանացել ԵԱՏՄ մասին պայմանագրում հետաքննություններ անցկացնելու հատուկ պաշտպանական, հակագնագցման և փոխհատուցման միջոցների կիրառման կամ չկիրառման որոշումներ ընդունելու ընթացքում հատուկ մեխանիզմին հետ կապված մասով փոփոխություններ կատարելու մասին արձանագրությունը։ Միության երկրների ղեկավարներին ներկայացվել են Հանձնաժողովի զեկույցները ծառայությունների միասնական շուկայի գործունեության և Եվրասիական տնտեսական միությունում ծառայությունների առանձին հատվածների ազատականացման մասին: Ստորագրվել է ԵԱՏՄ և երրորդ կողմի (կողմերի) միասնական մաքսային տարանցման համակարգի մասին համաձայնագիրը, որը հիմնարար իրավական հիմքեր է սահմանում երրորդ երկրների հետ միասնական տարանցիկ համակարգի ստեղծման մասին Միության առանձին միջազգային պայմանագրերի կնքման համար: Եվրասիական բարձրագույն տնտեսական խորհուրդը Իրանի Իսլամական Հանրապետությանը շնորհել է ԵԱՏՄ-ին կից դիտորդ պետության կարգավիճակ։ Միության երկրների ղեկավարները որոշել են, որ 2025 թվականին Եվրասիական բարձրագույն տնտեսական խորհուրդը, Եվրասիական միջկառավարական խորհուրդը և Եվրասիական տնտեսական հանձնաժողովի խորհուրդը նախագահելու է Բելառուսի Հանրապետությունը։ ԵՏԲԽ հերթական նիստը տեղի կունենա 2025 թվականի մայիսի վերջին Բելառուսում։
Ցուցադրել ավելին

թեմայով որոշումներ «Եվրասիական տնտեսական հանձնաժողովի Կոլեգիայի նախագահ​»

կանոնակարգող փաստաթղթեր

Նյութեր ուղղության վերաբերյալ

14 2016 «Վեդոմոստի» թերթում հրապարակված՝ ԵԱԶԲ կոնֆերանսին ԵՏՀ Կոլեգիայի նախագահ Տիգրան Սարգսյանի ելույթի հիմնական դրույթները. «Հաղթահարել թերի ինտեգրումը» Ես կարծում եմ, որ եվրասիական տարածությունում առկա է տնտեսական աճի հսկայական ներուժ, որը դեռևս գործարկված չէ: Եվ կարծում եմ, որ միակ գործիքը, որը կարող է հզոր խթան դառնալ մեր երկրներում տնտեսական աճի համար, կարող է լինել հենց այս վերազգային ինստիտուտը, որն այսօր ստեղծվել է: Որովհետև մեր հիմնական առաքելությունն այն է, որ մենք պետք է կարողանանք ամփոփել երկրներում կուտակված լավագույն պրակտիկաները և, ելնելով նաև միջազգային փորձից, Եվրոպական միության փորձից, ներդնել այս նոր վերազգային ինստիտուտները, որոնք պետք է խթանեն մեր երկրների տնտեսական աճը: Մեր Միութենական պայմանագրի հիմքում դրված աքսիոմակարգը հետևյալն է. եթե մենք ստեղծենք միասնական տնտեսական տարածություն, հանենք խոչընդոտներն ու սահմանափակումները, բացառումները, պայմաններ ստեղծենք ապրանքների, ծառայությունների, կապիտալի և աշխատուժի ազատ տեղաշարժի համար, ապա դա ինքնին արդեն տնտեսական աճի շատ լուրջ ներուժ է պարունակում:​
ԵՏՀ Կոլեգիայի նախագահ Տիգրան Սարգսյանի հարցազրույցը «Գործարար Եվրասիա» վերլուծական ռեսուրսին Եվրասիական տնտեսական միության և նրանում Ղրղզստանի զարգացման մասին: «Եվրասիական ինտեգրումն մեղմացրել է ճգնաժամն ու համահարթել արտաքին շոկերը» 01 2016 ԵՏՀ Կոլեգիայի նախագահ Տիգրան Սարգսյանի հարցազրույցը «Գործարար Եվրասիա» վերլուծական ռեսուրսին Եվրասիական տնտեսական միության և նրանում Ղրղզստանի զարգացման մասին: «Եվրասիական ինտեգրումն մեղմացրել է ճգնաժամն ու համահարթել արտաքին շոկերը» ԵՏՀ նախագահ. ԵԱՏՄ երկրներում անհրաժեշտ է ստեղծել հզոր ժամանակակից կլաստերներ 2016 թվականի օգոստոսին Ղրղզստանը նշել է Եվասիական տնտեսական միությանը միանալու առաջին տարեդարձը։ Եվրասիայի համար նոր դաշինքը կոչված է միավորել մասնակից երկրների տնտեսությունները, մեծացնել տարածաշրջանի տնտեսական ներուժը։ Միության և դրանում Ղրղզստանի զարգացման մասին «Գործարար Եվրասիան» զրուցում է Եվրասիական տնտեսական հանձնաժողովի նախագահ Տիգրան Սարգսյանի հետ:​
Սանկտ-Պետերբուրգի պետական տնտեսագիտական համալսարանում ԵՏՀ Կոլեգիայի նախագահ Տ. Սարգսյանի ելույթի թեզերը 21 2016 Սանկտ-Պետերբուրգի պետական տնտեսագիտական համալսարանում ԵՏՀ Կոլեգիայի նախագահ Տ. Սարգսյանի ելույթի թեզերը
25 2016 ԵՏՀ Կոլեգիայի նախագահը Չինաստան կատարած այցի արդյունքներով էքսկլյուզիվ հարցազրույց է տվել ՏԱՍՍ-ին Եվրասիական տնտեսական հանձնաժողովի (ԵՏՀ) Կոլեգիայի նախագահ Տիգրան Սարգսյանը ՏԱՍՍ-ին տված հարցազրույցում պատմել է Չինաստանի հետ առևտրատնտեսական համագործակցության շուրջ բանակցային գործընթացի ընթացքի, ինչպես նաև ԵԱՏՄ անդամ երկրների հետագա ինտեգրման հեռանկարների մասին:
0/0

Պաշարներ ԵՏՄ