ЕЭК Коллегиясынын Төрагасы

Комиссиянын Коллегиясынын ишин уюштурат жана ага жүктөлгөн функциялардын аткарылышы үчүн жоопкерчилик тартат;

Комиссиянын Коллегиясынын жана Комиссиянын Кеңешинин кезектеги мезгилге карата пландарынын жана Комиссиянын Коллегиясынын, Комиссиянын Кеңешинин отурумдарынын күн тартибинин долбоорлорун, ошондой эле Жогорку Кеңештин жана өкмөттөр аралык кеңештин жыйналыштарынын күн тартибинин долбоорлорун белгиленген тартипте түзөт;

Комиссиянын Кеңешине, Өкмөттөр аралык кеңешке жана Жогорку Кеңешке аларды чечүүнү талап кылган маселелер жөнүндө жана башка документтер жөнүндө аларды Комиссиянын Коллегиясынын отурумунда кароонун натыйжалары боюнча тиешелүү сунуштар менен баяндайт;

Комиссиянын департаменттеринин иштөө тартибин белгилейт, ошондой эле Комиссиянын департаменттеринин карамагындагы чөйрөгө кирген маселелерди аныктайт;

Комиссиянын Коллегиясынын, Комиссиянын Кеӊешинин, Ɵкмөттөр аралык кеӊештин жана Жогорку кеӊештин отурумдарын даярдоо боюнча ишти уюштурат;

Комиссиянын Коллегиясынын жыйынын алып барат, Комиссиянын Кеңешинде Комиссиянын Коллегиясынын атынан чыгат;

жалпыга маалымдоо каражаттарынын өкүлдөрү менен өз ара аракеттенүү тартибин, Комиссиянын кызмат адамдарынын жана кызматкерлеринин эл алдында чыгып сүйлөө эрежелерин аныктайт;

Комиссиянын атынан Бирликтин бюджетинин администратору катары чыгат;

конкурстун жыйынтыгы боюнча департаменттердин директорлорун, алардын орун басарларын жана Комиссиянын кызматкерлерин дайындайт;

Комиссиянын департаменттери жөнүндө жоболорду бекитет.