Сагинтаев Бакытжан Абдирович
Биография
Бакытжан Абдирович Сагинтаев 1963-жылдын 13-октябрында Казакстандын Жамбыл областынын Талас районунун Ушарал айылында төрөлгөн.
С.М. Киров атындагы Казак мамлекеттик университетин бүтүргөн, экономика илимдеринин кандидаты (1990-ж., темасы: "Шаар жана айыл калкынын жашоо деңгээли жана шарттары: социалдык-экономикалык аспект").
Эмгек ишмердиги:
1985-1988-жылдарда – Алма-Ата эл чарба институтунун саясий экономия кафедрасында мугалим.
1988-жылдан 1992-жылга чейин – С.М. Киров атындагы Казак мамлекеттик университетинин социология кафедрасында ассистент, ага мугалим, доцент.
1992-1993-жылдарда – "Маруе" туристтик-коммерциялык фирмасынын президенти.
1993-1997-жылдар аралыгында – "Казмет" АКнын башкы директору.
1997-1998-жылдарда – "Лукойлнефтегазстрой-К" ЖАКнын башкы адиси, башкы директорунун орун басары.
1998-жылдан 2002-жылга чейин – Жамбыл областынын акиминин орун басары, Казакстан Республикасынын Чакан бизнести колдоо боюнча агенттигинин төрагасынын орун басары, "Чакан ишкердикти өнүктүрүү фонду" ЖАКнын башкармасынын төрагасы, Казакстан Республикасынын Табигый монополияларды жөнгө салуу, атаандаштыкты коргоо жана чакан бизнести колдоо боюнча агенттигинин төрагасынын орун басары.
2002-2004-жылдар аралыгында – Казакстан Республикасынын Табигый монополияларды жөнгө салуу жана атаандаштыкты коргоо агенттигинин төрагасынын биринчи орун басары.
2004-2007-жылдарда – Казакстан Республикасынын Табигый монополияларды жөнгө салуу боюнча агенттигинин төрагасы.
2007-2008-жылдарда – Казакстан Республикасынын Премьер-Министринин Канцеляриясынын жетекчиси.
2008-жылдан 2012-жылга чейин – Павлодар областынын акими.
2012-жылы – Казакстан Республикасынын экономикалык өнүгүү жана соода министри.
2012-жылдын сентябрынан 2013-жылдын январына чейин – "Нур Отан" Элдик-демократиялык партиясынын төрагасынын биринчи орун басары.2013-жылдан тарта – Казакстан Республикасынын Премьер-Министринин биринчи орун басары – Казакстан Республикасынын регионалдык өнүгүү министри.
2014-жылдан тарта – Казакстан Республикасынын Премьер-Министринин биринчи орун басары.
2016-2019-жылдарда – Казакстан Республикасынын Премьер-Министри.
2019-жылдын 1-мартынан 24-мартына чейин – Казакстан Республикасынын мамлекеттик катчысы.
2019-жылдын март айынан июнь айына чейин – Казакстан Республикасынын Президентинин Администрациясынын жетекчиси.
2019-жылдан 2022-жылга чейин – Алмата шаарынын акими.
Жогорку Евразия экономикалык кеңешинин чечими менен 2022-жылдын 1-июнунда Казакстан Республикасынан Евразия экономикалык комиссиясынын экономика жана каржы саясаты боюнча министри болуп дайындалды.Төмөнкү ордендер менен сыйланган: Курмет ордени (2008-ж.), Парасат ордени (2013-ж.), III даражадагы Барыс ордени (2021-ж.).
