тексттин өлчөмү: A A A

Сайттын түстөр: C C C

Сайттың әдеттегі болжамы

Жаңалықтар

Күндерді таңдаңыз

Бағытты таңдаңыз

Іздеу нәтижелері: 6857

01 ақпанның 2019 Тигран Саркисян: «Біздің кеңістігімізде заңнаманы үндестіруді жүзеге асыру қажет» Еуразиялық экономикалық одақтың (ЕАЭО) ортақ нарығында кедергілердің пайда болуын болдырмау, ұлттық үкіметтердің тәсілдемелерін үндестіру және іс-қимылдарын қадамдастыру үшін Еуразиялық экономикалық комиссияның (ЕЭК) рөлін күшейту қажет. 1 ақпанда Алматыда өткен «2.0. Жаһандану дәуіріндегі цифрлық күн тәртібі. Еуразияның инновациялық экожүйесі» форумында ЕЭК Алқасының Төрағасы Тигран Саркисян осындай ұсыныспен сөз сөйледі.

21 қаңтардың 2019 ЕАЭО еңбекшілерін зейнетақымен қамтамасыз ету туралы келісім жобасын мемлекетішілік келісу аяқталды Бұл туралы Еуразиялық экономикалық комиссияның (ЕЭК) Экономика және қаржы саясаты жөніндегі Алқа мүшесі (министр) Тимур Жақсылықов Еуразиялық экономикалық одақ (ЕАЭО) мемлекеттерінің зейнетақымен қамтамасыз ету саласындағы уәкілетті органдары басшыларының орынбасарларымен ЕЭК штаб-пәтерінде өткен кездесуде хабарлады.

27 желтоқсанның 2018 2019 жылғы 1 қаңтардан бастап ЕАЭО «Табиғи минералды суды қоса алғанда, қапталған ауызсудың қауіпсіздігі туралы» техрегламенті күшіне енеді Енді балалар тағамына арналған ауызсудың бөтелкелерінде міндетті түрде «балалар тағамы үшін» деген жазу пайда болады немесе ауызсудың осы мақсатқа арналғаны басқаша көрсетіледі. Өндіруші немесе сатушы ауызсу арналған балалардың жасы (үш жасқа дейін немесе үш жастан бастап) туралы мәліметті беруге, ауызсудың жалпы минералдануы, химиялық элементтерді көрсете отырып оның негізгі құрамы, сақтау шарттары және ыдыстың ашылғаннан кейінгі жарамдылық мерзімі туралы хабардар етуге тиісті болады.

26 желтоқсанның 2018 ГМО бар өнімдер айқын байқала түседі 26 желтоқсанда Еуразиялық экономикалық одақ (ЕАЭО) елдерінде гендік-модификацияланған организмдер (ГМО) бар өнімдерді таңбалауға қойылатын қосымша талаптар енгізіледі. Одақтық «Таңбалау бөлігіндегі тамақ өнімі» техникалық регламентіне енгізілген жаңа нормалар сатып алушыларға тамақ өнімдеріне неғұрлым саналы және дұрыс таңдау жасауға мүмкіндік береді.

11 желтоқсанның 2018 ЕАЭО Соты легионер-спортшылардың еңбек қатынастары туралы пікірсайысқа нүкте қойды Еуразиялық экономикалық комиссияның (ЕЭК) өтініші бойынша Еуразиялық экономикалық одақ (ЕАЭО) Соты 7 желтоқсанда Одаққа мүше мемлекеттердің спорт клубтарында еңбек қызметін жүзеге асыратын спортшыларға қатысты ЕАЭО туралы шарттың 97-бабының 2-тармағының ережелерін қолдану туралы қорытынды шығарды.

07 желтоқсанның 2018 ЖЕЭК қорытындылары: газ, мұнай және мұнай өнімдерінің ортақ нарығын қалыптастыру бағдарламалары мақұлданды, ЕАЭО шеңберінде интеграциялық процестерді одан әрі дамыту туралы декларацияға қол қойылды 6 желтоқсанда Санкт-Петербургте (Ресей) өткен Жоғары Еуразиялық экономикалық кеңестің (ЖЕЭК) отырысы барысында интеграция, өнеркәсіптік ынтымақтастық, энергетика салаларында бірқатар маңызды шешімдер қабылданды.Іс-шараға Армения Республикасының Премьер-министрі Никол Пашинян, Беларусь Республикасының Президенті Александр Лукашенко, Қазақстан Республикасының Президенті Нұрсұлтан Назарбаев, Қырғыз Республикасының Президенті Сооронбай Жээнбеков, Ресей Федерациясының Президенті Владимир Путин және Еуразиялық экономикалық комиссия (ЕЭК) Алқасының Төрағасы Тигран Саркисян қатысты. Отырысқа Молдова Республикасының Президенті Игорь Додон да қатысты.

23 қарашаның 2018 ЕАЭО-да Еуразиялық брендтер жасалады «Біз Еуразиялық брендтер жасайтын және тауарларымызды үшінші елдердің нарықтарына ілгерілетуге көмектестетін жаһандық интеграциялық жобаларға назарымызды шоғырландыра түсуге тиіспіз». Бұл туралы Еуразиялық экономикалық комиссия (ЕЭК) Алқасының Төрағасы Тигран Саркисян Мәскеуде өткен ХІІІ халықаралық «Еуразиялық экономикалық интеграция» конференциясының жалпы отырысында сөйлеген сөзінде мәлімдеді.Еуразиялық даму банкі ұйымдастыратын бұл жыл сайынғы іс-шараға қатысушылар Еуразиялық интеграция үшін сын-қатерлер мен перспективаларды талқылады.

19 қарашаның 2018 ЕЭК Алқасының Төрағасы Тигран Саркисян және Таиландтың Премьер-министрі Чан-Оча Прают Корольдік пен ЕАЭО елдері арасында тауар айналымы өскенін атап өтті Еуразиялық экономикалық комиссия (ЕЭК) Алқасының Төрағасы Тигран Саркисян және Таиланд Корольдігінің Премьер-министрі Чан-Оча Прают 19 қарашада Бангкокте ынтымақтастық перспективаларын талқылады.Бұл кездесу ЕЭК пен Таиланд Корольдігінің Үкіметі арасындағы Ынтымақтастық туралы меморандумға қол қоюға жол ашты.

Тағы да көрсету