тексттин өлчөмү: A A A

Сайттын түстөр: C C C

Сайттың әдеттегі болжамы

Жаңалықтар

Күндерді таңдаңыз

Бағытты таңдаңыз

Іздеу нәтижелері: 6867

31 тамыздың 2017 «ЕАЭО – Моңғолия» бірлескен бизнес-форумы ЕАЭО мемлекеттері мен Моңғолия ынтымақтастығын нығайтуға және кеңейтуге жаңа серпін береді Биылғы жылғы қазан айының басында Ұлан-Батырда Еуразиялық экономикалық одаққа (ЕАЭО) мүше мемлекеттер мен Моңғолия арасында ынтымақтастықты дамыту мәселелеріне арналған бизнес-форум өтеді.

29 тамыздың 2017 ЕАЭО мен Вьетнам кедендік ақпарат алмасу бойынша қағидаттық уағдаластыққа қол жеткізді Еуразиялық экономикалық одақ (ЕАЭО) елдері мен Вьетнам Социалистік Республикасы арасындағы келіссөздердің екінші раунды барысында кедендік ақпарат алмасу мәселелері талқыланды.

24 тамыздың 2017 Астанада «Еуразиялық апта» форумы ашылды: оның қатысушылары ЕАЭО елдері алдында тұрған экономикалық міндеттерді практикалық іске асыру формулаларын іздестіруде Одақ елдерінің «Еуразиялық апта» халықаралық форумының ашылуында Еуразиялық экономикалық комиссия (ЕЭК) Алқасының Төрағасы Тигран Саркисян басқарудың дағдылы модельдерін жаңғыртудың маңыздылығы туралы мәлімдеді.

23 тамыздың 2017 «Ыстықкөл-2017» форумының қорытындысы: ЕАЭО елдері бірге болғандықтан экономикалық, материалдық, зияткерлік тұрғыдан мықты Еуразиялық экономикалық комиссия (ЕЭК) Алқасының Төрағасы Тигран Саркисян «Ыстықкөл-2017» (Қырғыз Республикасы) экономикалық форумында сөз сөйлей отырып, Еуразиялық интеграцияны дамытуға және тереңдетуге ықпал ететін қызметтің негізгі алты бағытын атап көрсетті. Солардың ішінде: Еуразиялық экономикалық одақ (ЕАЭО) елдерінің экономикалық даму деңгейлерін жақындату; шын мәнінде ортақ нарықтар қалыптастыру және кедергілер мен шектеулерге қарсы күрес; Одақтың экономикалық кеңістігін цифрландыру; көлік дәліздерін және логистикалық инфрақұрылымдар құру; сыртқы экономикалық ынтымақтастық; «тұрмыстық интеграция» немесе ЕАЭО елдерінің азаматтары үшін өзінің зияткерлік әлеуетін және кәсіби дағдыларын толық көлемде іске асыру мүмкіндіктерін, сондай-ақ әлеуметтік кепілдіктер мен құқықтарды қамтамасыз ету.

23 тамыздың 2017 Қырғызстанда ЕЭК Кеңесінде Еуразиялық интеграцияның әртүрлі бағыттары бойынша келісілген саясат туралы айтылды ЕЭК Кеңесінің мүшелері 22 тамызда Шолпан-Атада (Қырғыз Республикасы) өткен отырыста 20 мәселені талқылады. ЕЭК Алқасының Төрағасы Тигран Саркисян атап өткендей, «күн тәртібіне Кеңестің отырысы шеңберінде белсенді пікірталас тудырған көптеген тұжырымдамалық тақырыптар енді». Тигран Саркисян сыртқы экономикалық ынтымақтастыққа байланысты бірқатар тақырыптарды атап өтті: «Біз Кеңес мүшелерімен бірге біздің сыртқы трек бойынша позициямызды талқыладық. Атап айтқанда, Сингапур бойынша келіссөз процесі қалай өтіп жатқаны туралы. Сонымен қатар, біз Кореялық әріптестерімізбен жұмысты ынтымақтастық туралы меморандумда көзделген форматта жалғастыруға шешім қабылдадық. Біз үшін тағы бір маңызды вектор Израильмен еркін сауда аймағы туралы шарт жасасу болып табылады. Біз осы бағыттағы жұмысты қалай жеделдету керектігіне уағдаластық». ЕЭК Кеңесінің Төрағасы, Қырғыз Республикасының Вице-премьер-министрі Олег Панкратов та Комиссия қызметіндегі халықаралық вектордың маңыздылығын атап өтті.

27 шілденің 2017 ЕЭК министрі Татьяна Валовая ЕАЭО мен Чилидің арасындағы таяу келешектегі ынтымақтастықтың басым бағыттарын атап айтты Кедендік ынтымақтастық, цифрлық күн тәртібі мен аграрлық сектордағы ынтымақтастықтың перспективалары 2018 жылға арналған Еуразиялық экономикалық одақ (ЕАЭО) елдері мен Чили арасындағы өзара іс-қимылдың басым бағыттары болады. Бұл туралы 26 шілдеде Мәскеудегі кездесуде Еуразиялық экономикалық комиссияның (ЕЭК) Интеграция және макроэкономика жөніндегі Алқа мүшесі (министр) Татьяна Валовая мен Чили Республикасы Сыртқы істер министрінің сауда жөніндегі орынбасары Паулина Назаль уағдаласты.

26 шілденің 2017 ЕАЭО мен ҚХР өкілдері сауда-экономикалық ынтымақтастық туралы келісім жасауды талқылады Еуразиялық экономикалық одақ пен Қытай Халық Республикасының арасында cауда-экономикалық ынтымақтастық туралы келісім жасасу жөніндегі келіссөздердің төртінші раунды Мәскеудегі Еуразиялық экономикалық комиссияның (ЕЭК) штаб-пәтерінде өткізілді.

25 шілденің 2017 ЕАЭО – ЕО: еуропалық жас экономистер мен саясаттанушылар ынтымақтастыққа шақырады Еуразиялық экономикалық одақ (ЕАЭО) пен Еуропалық одақ (ЕО) арасында ресми әріптестік байланыстарды тезірек орнатудың қажеттігі туралы идея бірқатар ірі француздық компаниялардың қолдауымен БҰҰ Білім, ғылым және мәдениет мәселелері жөніндегі ұйымының (ЮНЕСКО) және А.М. Горчаков атындағы Ашық дипломатияны қолдау қорының бастамасымен 24-25 шілдеде Парижде өткізілген «Үлкен Еуропа кездесулері» атты 5-ші Халықаралық жастар форумының басты назарында болды.

Тағы да көрсету