тексттин өлчөмү: A A A

Сайттын түстөр: C C C

Сайттың әдеттегі болжамы

Жаңалықтар

Күндерді таңдаңыз

Бағытты таңдаңыз

Іздеу нәтижелері: 6867

02 маусымның 2017 ЕЭК Алқасының Төрағасы Тигран Саркисян: «Дербес салааралық цифрлық платформа қалыптастыру ЕАЭО елдерінің елеулі экономикалық табыстарға қол жеткізуіне мүмкіндік береді» Еуразиялық экономикалық одақ (ЕАЭО) елдері Одақты электрондау бағдарламасын – «ГОЭЛРО-2 жоспарын» бірлесіп әзірлеу қажет. «КСРО-да елдің негізгі жаңғыруына айналған ГОЭЛРО электрлендіру жоспары болды. Осы бағдарламаны іске асырудың арқасында байыпты қарқынды жүзеге асыру және қуатты индустриялық мемлекет құру мүмкін болды. Бүгінде біз осыған ұқсас жағдайда қалып отырмыз: экономикалық өсу моделі туралы пікірталас жүріп жатыр, бірақ, әлбетте, оның көмегімен біз өз Одағымызды жаңғырта алатын электрлендіру бағдарламасы қажет екені айқын», – деп мәлімдеді Еуразиялық экономикалық комиссия (ЕЭК) Алқасының Төрағасы Тигран Саркисян 1 маусымда Петербург халықаралық экономикалық форумы шеңберіндегі «Цифрлық экономикадағы үлкен деректер: тауар немесе ұлттық құндылық?» панельдік сессиясында сөйлеген сөзінде.

02 маусымның 2017 ЕАЭО-да бірыңғай цифрлық өнеркәсіптік кеңістік құрылатын болады Еуразиялық экономикалық комиссия (ЕЭК) Еуразиялық экономикалық одақтың (ЕАЭО) бірыңғай цифрлық өнеркәсіптік кеңістігін қалыптастыру бойынша белсенді жұмысты бастады. Бұл туралы Петербург экономикалық форумына қатысушыларға Еуразиялық экономикалық комиссияның Өнеркәсіп және агроөнеркәсіптік кешен жөніндегі Алқа мүшесі (министр) Сергей Сидорский хабарлады.

02 маусымның 2017 ЕАЭО-да 2017 жылғы Конфедерация кубогы және футболдан 2018 жылғы әлем чемпионаты үшін тауарлар әкелудің оңайлатылған қағидалары қолданыла бастайды 3 маусымнан бастап Еуразиялық экономикалық одақ (ЕАЭО) елдерінде FIFA 2017 Конфедерация кубогын және FIFA 2018 футболдан әлем чемпионатын ұйымдастыруға арналған тауарларды әкелудің оңайлатылған қағидалары қолданыла бастайды. Футбол командаларының, төрешілер алқасының, ұйымдастырушылардың, хабар тарату компанияларының және баспасөздің жұмысын қамтамасыз етуге арналған спорт құралдарын және техникалық жабдықтарды спорттық іс-шаралар кезеңінде оңайлатылған қағидалармен әкелуге болады, содан кейін тауарлар ЕАЭО кедендік аумағынан әкетілуі тиіс.

02 маусымның 2017 ЕАЭО мен Үндістан арасында еркін сауда аймағын құру туралы келісім Одақ елдері экономикасының әлемдік орташа қарқыннан жоғары өсуіне ықпал ететін болады Бұл туралы Еуразиялық экономикалық комиссия (ЕЭК) Алқасының Төрағасы Тигран Саркисян Үндістан Премьер-министрі Нарендра Модимен келіссөздер барысында мәлімдеді. Тигран Саркисян Одақтың барлық бес мемлекетінің басшылары Үндістанмен сауда қатынастарын нығайтуға және экономикалық өзара іс-қимылдың әртүрлі нысандарын дамытуға табанды ниет білдіргендерін атап өтті. Еуразиялық экономикалық одақ (ЕАЭО) елдері мен Үндістан арасында Еркін сауда аймағы (ЕСА) туралы келісімге қол қою маңызды қадам болуы тиіс. Кездесуге ЕЭК Сауда жөніндегі Алқа мүшесі (министр) Вероника Никишина қатысты.

02 маусымның 2017 ЕЭК министрі Татьяна Валовая: «Комиссия ЕАЭО және Латын Америкасының елдері мен интеграциялық бірлестіктері арасындағы диалогты жалғастырады» Жаңа әріптестік жаһандық экономиканы қалай құру керектігін ойластыруды хабарлай отырып, Еуразиялық экономикалық одақ (ЕАЭО) пен латынамерикалық өңірдің мемлекеттері және интеграциялық бірлестіктері арасындағы диалогты жалғастыру қажет. Бұл туралы «ЕАЭО – Латын Америкасы: ынтымақтастық қарқынын арттыра түсу» бизнес-диалогы шеңберінде Петербург халықаралық экономикалық форумында Еуразиялық экономикалық комиссияның (ЕЭК) Интеграция және макроэкономика жөніндегі Алқа мүшесі (министр) Татьяна Валовая мәлімдеді.

02 маусымның 2017 «Еуропалық және Еуразиялық интеграция: ұштастыру мәселелері» ПХЭФ панельдік сессиясының қорытындысы: еуропалық бизнес ЕАЭО елдеріндегі әріптестерімен ынтымақтастықты дамытуды жалғастыратын болады Еуропалық бизнес Еуропалық және Еуразиялық экономикалық комиссиялар арасындағы институционалдық өзара іс-қимылдың болмауына қарамастан Еуразиялық экономикалық одақ (ЕАЭО) елдеріндегі әріптестерімен ынтымақтастықты кеңейтуді қалайды. 1 маусымда Петербург экономикалық форумы шеңберінде өткен «Еуропалық және Еуразиялық интеграция: ұштастыру мәселелері» панельдік сессиясының қатысушылары осындай қорытындылар жасады.

01 маусымның 2017 ЕЭК министрі Сергей Сидорский: «Үлкен Еуразиялық әріптестікті қалыптастыру Одақ елдері экономикасының шынайы секторын инновациялық дамытуға ықпал етуі тиіс» Үлкен Еуразиялық әріптестікті қалыптастыру, оны «Бір белдеу – бір жол» стратегиясымен ұштастыру интеграциялық контурды кеңейтеді, Еуразиялық экономикалық одақта (ЕАЭО) жаңа технологияларды дамытуға, жаһандық мегажобаларды іске асыруға мүмкіндік береді. Бұл туралы Еуразиялық экономикалық комиссияның (ЕЭК) Өнеркәсіп және агроөнеркәсіптік кешен жөніндегі Алқа мүшесі (министр) Сергей Сидорский Петербург халықаралық экономикалық форумы қарсаңында 31 мамырда Санкт-Петербургте өткен «Үлкен Еуразиялық әріптестік пен «Бір белдеу – бір жол» бастамасын ұштастыру» атты ғылыми-технологиялық конференцияны аша отырып мәлімдеді.

01 маусымның 2017 Үндістанмен ЕСА құрғаннан кейін ЕАЭО елдерінің ЖІӨ өсуі 2,7 млрд АҚШ долларына дейін жетуі мүмкін Еуразиялық экономикалық одақ (ЕАЭО) елдерінің ЖІӨ сомалық өсімі Үндістанмен еркін сауда аймағы туралы келісім жасасу нәтижесінде қысқа мерзімді перспективада 1,4 млрд АҚШ долларын және ұзақ мерзімде 2,7 млрд АҚШ долларын құрауы мүмкін. Бұл туралы 1 маусымда Петербург халықаралық экономикалық форумы шеңберінде өткен «ЕАЭО – Үндістан: стратегиялық әріптестік» бизнес-таңғы асында Еуразиялық экономикалық комиссияның Сауда жөніндегі Алқа мүшесі (министр) Вероника Никишина айтып берді.

Тағы да көрсету