тексттин өлчөмү: A A A

Сайттын түстөр: C C C

Сайттың әдеттегі болжамы

Жаңалықтар

Күндерді таңдаңыз

Бағытты таңдаңыз

Іздеу нәтижелері: 6857

17 майдың 2017 Мәскеуде «СТАНКИН» ММТУ алаңында Станок жасау жөніндегі Еуразиялық инжинирингтік орталық құрылатын болады Тараптардың шешімі бойынша Еуразиялық экономикалық одақ (ЕАЭО) елдерінің бірлескен орталығы – Станок жасау жөніндегі Еуразиялық инжинирингтік орталық (СЕИО) Мәскеуде «СТАНКИН» ММТУ алаңында орналасатын болады. Бұл туралы ЕЭК жанындағы Өнеркәсіп жөніндегі консультативтік комитеттің 16 мамырдағы отырысында Еуразиялық экономикалық комиссияның (ЕЭК) Өнеркәсіптік саясат департаментінің директоры Николай Кушнарев хабарлады. Өз кезегінде, «СТАНКИН» ММТУ Стандарттау саласындағы құзыреттер орталығының директоры Алексей Барыкин құрылтай құжаттарының жобалары мен СЕИО құру және оның жұмысын қамтамасыз ету бойынша 2017-2018 жылдарға арналған іс-шаралар жоспарын ұсынды.

17 майдың 2017 ЕАЭО елдері өздерінің ғарыштағы ресурстарын біріктіреді Еуразиялық экономикалық одақ (ЕАЭО) елдері бір метрден аз қашықтыққа рұқсаты бар мультиспектрлік режимдегі түсірілімді жүзеге асыратын қазіргі заманғы спутниктер тобын алады. Бұл «Жерді қашықтықтан зондтау (ЖҚЗ) ресурстарын біріктіру негізінде Еуразиялық экономикалық одақтың ғарыштық және геоақпараттық қызметтер көрсету бойынша интеграциялық жүйесін құру» жобасын іске асырудың нәтижесі болады. Бұл туралы ЕЭК Өнеркәсіп және агроөнеркәсіптік кешен жөніндегі Алқа мүшесі (министр) Сергей Сидорский Еуразиялық экономикалық комиссияның (ЕЭК) Өнеркәсіп жөніндегі консультативтік комитетінің 16 мамырда өткен он үшінші отырысында мәлімдеді.

17 майдың 2017 ЕЭК Кеңесі балалардың ойын алаңдарының жабдықтарына қойылатын қауіпсіздік талаптарын белгілейтін ЕАЭО техрегламентін қабылдады Еуразиялық экономикалық комиссия (ЕЭК) Кеңесі Еуразиялық экономикалық одақтың (ЕАЭО) «Балалардың ойын алаңдарына арналған жабдықтардың қауіпсіздігі туралы» техникалық регламентін қабылдады. Онда балалардың ойын алаңдарына арналған жабдықтар мен жабындылардың қауіпсіздігіне, сондай-ақ олармен байланысты жобалау, өндіру, монтаждау, пайдалану, сақтау, тасымалдау және кәдеге жарату процестеріне қойылатын талаптар белгіленген. Атап айтқанда, жабдықтың конструкциясы оның беріктігін және орнықтылығын қамтамасыз етуі, ортаның агрессиялық дәрежесін ескере отырып, коррозиядан және ескіруден қорғалған болуы тиіс. Жабдықта баланың денесі немесе киімі кептеліп қалмауы тиіс, үшкір ұштар немесе жиектер болмауы тиіс.

17 майдың 2017 «Металлургия технологиялары және жаңа материалдар» Еуразиялық инновациялық технологиялық платформа бойынша ақпарат нақтыланды Еуразиялық экономикалық комиссия (ЕЭК) Кеңесі Комиссия Кеңесінің 2016 жылғы 18 қазандағы № 32 өкіміне оны «Металлургия технологиялары және жаңа материалдар» Еуразиялық инновациялық технологиялық платформасы (ЕТП) қызметінің мақсаттары, міндеттері, негізгі бағыттары туралы ақпараттармен, сондай-ақ құрылтайшылары туралы деректермен толықтырып, өзгерістер енгізді. Бұл қазірдің өзінде Еуразиялық экономикалық одақ (ЕАЭО) шеңберінде құрылған он екінші технологиялық платформа.

17 майдың 2017 ЕЭК Кеңесінің қорытындысы: ЕАЭО-да электрондық автотөлқұжаттар жүйесі енгізілетін болады, балалардың ойын алаңдары қауіпсіздірек болады, металлургия саласында Еуразиялық инновациялар орталығы пайда болады 17 мамырда Еуразиялық экономикалық комиссия (ЕЭК) Кеңесінің отырысында Еуразиялық экономикалық одақ (ЕАЭО) елдерінде электрондық автотөлқұжаттар жүйесін енгізу, дәрілер және медициналық бұйымдар нарығын реттейтін нормативтік актілерді әзірлеу, илік заттарға және илеуге арналған препараттарға қатысты кедендік әкелу баждарының мөлшерлемесін төмендету мәселелері талқыланды. Бұған қоса, «Балалардың ойын алаңдарына арналған жабдықтардың қауіпсіздігі туралы» техникалық регламент қабылданды және Комиссия бұрын қабылдаған кейбір шешімдерге өзгерістер енгізілді.

16 майдың 2017 ЕЭК Алқасы ЕАЭО-ның қаптамадағы ауыз суға қойылатын талаптарды белгілейтін техрегламентінің жобасын мақұлдады 16 мамырда Еуразиялық экономикалық комиссияның (ЕЭК) отырысы өтті. Күн тәртібіне техникалық реттеу мәселелері енді. Атап айтқанда, Еуразиялық экономикалық одақтың (ЕАЭО) «Табиғи минералды суды қоса алғанда, қаптамадағы ауыз судың қауіпсіздігі туралы» техникалық регламентінің жобасы мақұлданды. Бұдан басқа, ЕЭК Алқасының мүшелері (министрлер) Еуразиялық Үкіметаралық кеңестің ЕАЭО елдерінде 2020 жылы ұлттық халық санағын дайындауды және өткізуді қамтамасыз етуге қатысты өкімінің жобасын қарады.

16 майдың 2017 ЕАЭО-ның халықаралық қызметі – жастардың назарында Еуразиялық экономикалық комиссияның (ЕЭК) Интеграцияны дамыту департаментінің директоры Сергей Шухно жас сарапшыларға, ғалымдар мен журналистерге Еуразиялық экономикалық одаққа (ЕАЭО) мүше мемлекеттер өндірушілерінің жаңа нарықтарға қолжетімділік бойынша жаңа мүмкіндіктері туралы айтып берді. ЕЭК өкілінің сөз сөйлеуі 16 мамырда Беларусь Республикасының Ресей Федерациясындағы Елшілігінде Еуразиялық экономикалық комиссия мен Ресейдің халықаралық істер жөніндегі кеңесі ұйымдастырған «ЕАЭО-ның халықаралық ынтымақтастығы» мектебі шеңберінде өтті.

15 майдың 2017 ЕЭК пен РХІК-нің «ЕАЭО халықаралық ынтымақтастығы» мектебі өз жұмысын бастады 15 мамырда Беларусь Республикасының Ресей Федерациясындағы Елшілігінде Еуразиялық экономикалық комиссия (ЕЭК) мен Ресей халықаралық істер жөніндегі кеңесінің (РХІК) «ЕАЭО халықаралық ынтымақтастығы» бірлескен мектебі өз жұмысын бастады. Оның қатысушылары Еуразиялық экономикалық одаққа (ЕАЭО) мүше мемлекеттердің және әлемнің басқа да елдерінің Еуразиялық интеграцияны кәсіби зерделейтін және проблемалары туралы жазатын жас сарапшылары, ғалымдары мен журналистері болып табылады.

Тағы да көрсету