Жаңалықтар

23 тамыздың 2024 ЕЭК пен Қазақстан бизнесінің кездесуі: басты назарда — кәсіпкерлікті жүргізу шарттарын жақсарту 23 тамызда Алматыда Еуразиялық экономикалық комиссияның Кәсіпкерлік қызметті дамыту департаментінің директоры Ернар Бәкенов Қазақстан Республикасының "Атамекен" Ұлттық кәсіпкерлер палатасының өңірлік кеңсесінің алаңында өткен бизнес-қоғамдастықпен кездесуге қатысты. Ернар Бәкенов өз сөзінде іскер топтардың өкілдеріне Еуразиялық экономикалық одақ шеңберіндегі реттеудің ағымдағы жылы ендірілген "жаңаларын" қоса, бизнесті жүргізу шарттарына әсерін бағалауға, ЕЭК қабылдаған шешімдердің нақты әсерін бағалау рәсімдеріне және халықаралық шарттар жобаларының реттеуші әсерін бағалауға қатысу мүмкіндіктері туралы айтып берді. "2023 жылы РӘБ рәсімі кезінде Комиссия актілерінің жобалары бойынша бизнестен 747 ұсыныс түсті. Олардың жартысынан астамы жобаларды пысықтау кезінде ескерілді, ал РӘБ оң қорытындыларының үлесі 98%-дық көрсеткішке жетті. Бұл цифрлардың артында, бір жағынан, ЕЭК шешімдерін қабылдау кезінде бизнестің тартылуының жоғары дәрежесі, екінші жағынан, Комиссия тарапынан жасалған реттеушілік "икемділік" пен ашықтық тұр", — деп атап өтті спикер. Бұдан басқа, Комиссия өкілі Одақтың ішкі нарығының жұмыс істеу тиімділігін қамтамасыз ету үшін қабылданатын шаралар туралы, сондай-ақ Еуразиялық экономикалық интеграция процестерінің кәсіпкерлікті дамытуға оң әсерін растайтын көрсеткіштер мәнінің оң серпіні туралы айтып берді. Ернар Бәкенов Қазақстанның іскер топтарының өкілдері бұрын қойған нақты мәселелерді шешу нәтижелері туралы, сондай-ақ пысықталуы жалғасып жатқан өзекті мәселелерді сол бөлігінде реттеу бойынша қол жеткізілген прогресс туралы ақпарат берді. ЕЭК өкілі сондай-ақ қазақстандық кәсіпкерлердің сұрақтарына жауап беріп, олар айтқан мәселелерді пысықтауға қабылдады.

03 шілденің 2024 Ернар Бәкенов ЕЭК-тің Кәсіпкерлік қызметті дамыту департаментінің директоры болып тағайындалды Ернар Бәкенов 1974 жылы Қарағанды қаласында (Қазақстан) туған. Қарағанды мемлекеттік университетін бітірген (білімі бойынша мамандығы – экономист). Еңбек қызметін 1996 жылы Қарағанды қаласының Ленин ауданындағы Халық банкі филиалында бастады. 1997–2007 жылдары Қазақстан Республикасының кеден органдарында, Қостанай және Қарағанды қалаларында жұмыс істеді, Қазақстан Республикасы Кеден комитетінің кедендік ресімдеу бөлімінің бастығы лауазымында болды. 2008–2012 жылдары «Сауда саясатын дамыту орталығы» АҚ бас сарапшысы, департамент директорының орынбасары, департамент директоры болып істеді. 2012 жылғы маусымнан бастап 2017 жылғы сәуірге дейін Қазақстан Республикасы Ұлттық экономика министрлігінің Халықаралық экономикалық интеграция департаментінің директоры лауазымында болды. 2017 жылғы сәуір-қыркүйек аралығында — Қазақстан Республикасының Ұлттық экономика вице-министрі. 2018 жылғы маусымнан бастап 2023 жылғы қаңтарға дейін Еуразиялық экономикалық комиссияның Бәсекелестік және монополияға қарсы реттеу жөніндегі Алқа мүшесінің көмекшісі болды. 2023 жылғы ақпаннан бастап 2024 жылғы сәуірге дейін Еуразиялық экономикалық комиссияның Кәсіпкерлік қызметті дамыту департаментінің директоры қызметін атқарды. 2024 жылғы 1 шілдеден бастап қайтадан Еуразиялық экономикалық комиссияның Кәсіпкерлік қызметті дамыту департаментінің директоры лауазымына тағайындалды.

03 шілденің 2024 ЕЭК БҰҰ-ның Халықаралық сауда құқығы жөніндегі комиссиясымен ынтымақтастықты кеңейтеді Еуразиялық экономикалық комиссияның Экономика және қаржы саясаты жөніндегі министрі Бақыт Сұлтанов 24 маусымнан 12 шілдеге дейінгі аралықта Нью-Йоркте Біріккен Ұлттар Ұйымының штаб-пәтерінде өтетін БҰҰ Халықаралық сауда құқығы жөніндегі комиссиясының (ЮНСИТРАЛ) сессиясына қатысты. Сессияға қатысушылар халықаралық инвестициялық дауларды реттеу жөніндегі консультациялық орталық жарғысының жобаларын, сондай-ақ халықаралық инвестициялық даулардың салдарын жеңілдетуді болдырмау жөніндегі аспаптар жиынтығын талқылады. Сапар барысында ЕЭК министрі ЮНСИТРАЛ хатшысы Анна Жубан-Бремен және ЮНСИТРАЛ «Инвесторлар мен мемлекет арасындағы дауларды реттеу реформасы» III жұмыс тобының хатшысы Джэ Сон Лимен кездесті. Инвесторлар мен мемлекеттер арасындағы дауларды реттеу жүйесін реформалау, сондай-ақ халықаралық инвестициялық дауларды реттеу жөніндегі консультациялық орталық құру мәселелері талқыланды. «Біз консультациялық орталық құрылған жағдайда және ЕАЭО-ның барлық мемлекеті мен ЮНСИТРАЛ мүдделілігі кезінде оның жұмысына өңірлік экономикалық интеграцияны ұйымдастыру ретінде қосылу мүмкіндігін қараймыз», — деп атап өтті Бақыт Сұлтанов. Бұдан басқа, ЕЭК министрі мен ЮНСИТРАЛ хатшысы екі ұйымның Өзара түсіністігі туралы меморандум түрінде қалыптасқан және серпінді дамып келе жатқан қатынастарды ресімдеу туралы уағдаласты. Кездесу соңында Бақыт Сұлтанов пен Анна Жубан-Бре ЕЭК пен ЮНСИТРАЛ ынтымақтастығын одан әрі кеңейтуге дайын екендіктерін растады. Тараптар ЮНСИТРАЛ жұмыс топтары мен ЕЭК консультативтік органдарының күн тәртібіндегі мәселелерді талқылау үшін тұрақты консультациялар өткізу туралы уағдаластығына қол жеткізді.  БҰҰ-ның халықаралық сауда құқығы жөніндегі комиссиясы (ЮНСИТРАЛ) БҰҰ жүйесінің халықаралық сауда құқығы саласындағы негізгі органы болып табылады. ЮНСИТРАЛ халықаралық шарттық практика, тауарға ілеспе құжаттар, дәрменсіздік, электрондық сауда, сондай-ақ дауларды, соның ішінде инвесторлар мен мемлекеттер арасындағы дауларды реттеу сияқты бірқатар салада заңнамалық құралдарды дайындаумен айналысады.

29 майдың 2024 ЕАЭО-да темекі өніміне арналған акциздердің бірыңғай индикативті ставкасы бекітілді 29 мамырда Еуразиялық экономикалық комиссия Кеңесінің шешімімен Еуразиялық экономикалық одақ мемлекеттерінде 2029 жылға арналған темекі өніміне (сүзгілі сигареттерге) арналған акциздердің бірыңғай индикативтік ставкасының деңгейі бекітілді. Көрсеткіш 1000 дана үшін 45 еуро деңгейінде белгіленді, одан акциздердің нақтылы ставкаларының көп немесе аз жағына 20%- дан аспайтын ауытқу диапазонына жол беріледі. Салыстыру үшін — 2024 жылға арналған ставка ұқсас ауытқу диапазонымен 1000 дана үшін 35 еуро деңгейінде болды. Ставкаларды үндестіру ЕАЭО мемлекеттерінің темекі өніміне арналған акциздер саласында салық саясатын жүргізу қағидаттары туралы келісімде көзделген және Еуразиялық "бестік"елдерінің аумағында өткізілетін темекі өніміне акциздердің бірыңғай индикативтік ставкасы (АБИС) деңгейіне қол жеткізудің бес жылдық кезеңін белгілеу жолымен жүзеге асырылады. ЕЭК Экономика және қаржы саясаты жөніндегі министрі Бақыт Сұлтановтың сөзінше, 2029 жылы АБИС деңгейін 1000 дана үшін 35-тен 45 еуроға дейін арттыру қажеттігіне Одақтың бірқатар елінде темекі өніміне арналған акциздер ставкаларының және акциздердің салықтық ставкалары неғұрлым жоғары ЕАЭО мемлекеттерінің аумағында оның "ағылуының" айтарлықтай өсуіне байланысты көлеңкелі нарықтың және контрафактілік өнім көлемінің өсу тәуекелі себепші болды. "Аталған көрсеткіш бес жылдық кезеңге арналған сүзгілі сигареттерге акциздер ставкасын жоспарлайтын мемлекеттік органдар үшін, сондай-ақ өздерінің қаржы-шаруашылық қызметін жоспарлайтын темекі өнімдерін өндірушілер үшін бағдар ретінде ретінде бой көрсетеді. Бақыт Сұлтанов бұл жаңалыққа: "Еуроға қатысты ұлттық валюта бағамының елеулі ауытқулары болмаған кезде ЕАЭО-ның барлық мемлекетінде 2024 жылы АБИС-тің белгіленген деңгейіне қол жеткізілді", — деп түсіндірме жасады.  

25 сәуірдің 2024 Бақытжан Сағынтаев: «Кәсіпкерлік саласындағы өзара іс-қимылды күшейту – Еуразиялық интеграцияның басты басымдығы болып табылады» Еуразиялық экономикалық комиссия Алқасының Төрағасы Бақытжан Сағынтаев 25 сәуірде Мәскеуде Ресей өнеркәсіпшілері мен кәсіпкерлері одағының (РӨКО) съезіне қатысты.  Іс-шараға қатысушыларға ілтифат лебізін арнаған Бақытжан Сағынтаев РӨКО-нің Еуразиялық интеграцияның басым бағытын – Еуразиялық экономикалық одақ мемлекеттерінің бизнес-топтары арасында диалог құруды практикалық іске асырудағы маңызды рөлін атап өтті. ЕЭК Алқасының Төрағасы өз сөзінде ЕАЭО-да кәсіпкерлікті ынталандыруға орайлас тәсілдемелерге ерекше назар аударды. Атап айтқанда, Бақытжан Сағынтаев Комиссияның бірлестік елдерінің іскер қоғамдастығымен өзара іс-қимылының қолданыстағы форматтары туралы хабарлады. Іскерлік ахуалды жақсарту үшін ЕАЭО кеңістігінде ұлтүсті реттеудің бизнес жүргізу жағдайына әсерін бағалау жүргізілуде, шарттық-құқықтық база үнемі жетілдіріліп, өзара саудадағы кедергілер жойылып келеді. ЕАЭО кеңістігінде іскер белсенділіктің өсуіне ықпал ететін механизмдер туралы айта келіп, ЕЭК Алқасының Төрағасы өнеркәсіптік кооперация жобаларын қаржыландыруға жан-жақты тоқталды. Ағымдағы жылы бұл мақсатқа шамамен 1,8 млрд рубль бөлініп отыр. Бақытжан Сағынтаев озық халықаралық стандарттарға сәйкес келетін бәсекеге қабілетті және экспортқа бағдарланған өнімді шығару үшін тығыз кооперациялық байланысты жолға қою ЕАЭО-ның технологиялық тез дамуына ықпал етіп, әлемдік аренадағы позициясын күшейтетінін атап көрсете келіп, бизнес-қоғамдастықты осы бағдарламаға белсендірек қосылуға шақырды. "Тұтастай алғанда Комисссияның жұмысы біздің елдеріміздің кәсіпкерлерінің ЕАЭО-ның интеграциялық әлеуетін барынша тиімді пайдалануы үшін жағдайлар жасауға бағытталған. Біз бизнеспен ынтымақтастықты одан әрі кеңейтуге мүдделіміз", – деп қорытындылады Бақытжан Сағынтаев.

19 наурыздың 2024 Бақыт Сұлтанов: "ЕЭК шешімдері жобаларының бизнесті жүргізу жағдайына әсерін оң бағалау үлесі ең жоғары деңгейге жетті" Еуразиялық экономикалық комиссия Алқасы Комиссияның 2023 жылғы шешімдері жобаларының реттеуші әсеріне бағалау (РӘБ) жүргізу мониторингі туралы жыл сайынғы есепті қарады. Орта есеппен шешімнің бір жобасына бизнестің 14-тен астам ұсынысы түседі. Бұл ЕАЭО елдері кәсіпкерлік қоғамдастығының РӘБ рәсіміне шынайы сұранысты болып отырғанын растайды. "РӘБ туралы оң қорытындылардың үлесі 98% көрсеткішке жетті – бұл 2015 жылдан бергі мониторинг жүргізу кезеңіндегі неғұрлым жоғары деңгей, осының өзі Комиссияның реттеу белсенділігінің бизнесті жүргізу жағдайын жақсартуға жалпы бағыттанушылығын растайды", – деп атап өтті ЕЭК Экономика және қаржы саясаты жөніндегі министрі Бақыт Сұлтанов. Есепте сондай-ақ ЕЭК қабылдаған шешімдерінің нақтылы әсерін бағалауды (НӘБ) енгізу үшін, сондай-ақ РӘБ-ті Одақ шеңберіндегі халықаралық шарттардың жобаларына қолдану үшін нормативтік базаның дайындығы туралы ақпарат ұсынылды. Бұл рәсімдерді қолдану 2024 жылғы наурызда бастау алды. РӘБ жүргізу мониторингі туралы жыл сайынғы есеп Еуразиялық экономикалық комиссия Кеңесінің қарауына енгізіледі, бұдан кейін Еуразиялық үкіметаралық кеңеске бекіту үшін ұсынылады. Анықтама РӘБ – ЕЭК шешімдері жобаларының кәсіпкерлік қызметті жүргізу жағдайына әсерін бағалау рәсімі. Оны жүргізу кезінде ЕАЭО елдері бизнесінің позициясы ескеріледі. РӘБ рәсімі екі кезеңнен тұрады: ағымдағы бағалау – ЕАЭО сайтында ЕЭК шешімінің жобасын ұзақтығы кемінде күнтізбелік 30 күн болатын жария талқылау және қорытынды бағалау – ЕЭК-тің арнайы құрылған жұмыс тобының РӘБ туралы қорытынды дайындауы.

Жаңалықтар

ЕАЭО ресурстары