тексттин өлчөмү: A A A

Сайттын түстөр: C C C

Сайттың әдеттегі болжамы

Жаңалықтар

Күндерді таңдаңыз

Бағытты таңдаңыз

Іздеу нәтижелері: 6862

16 наурыздың 2021 ЕАЭО-да кедендік транзиттің бірыңғай жүйесін құру және тасымалдарды қадағалап отыру үшін навигациялық пломбаларды қолдану жұмысы жүргізілуде Еуразиялық экономикалық комиссияның Кедендік ынтымақтастық жөніндегі Алқа мүшесі (министр) Олег Панкратов пен Беларусь Республикасы Мемлекеттік кеден комитетінің төрағасы Владимир Орловский Еуразиялық экономикалық одақта кедендік транзиттің бірыңғай жүйесін құру және тасымалдарды қадағалап отыру үшін навигациялық пломбаларды қолдану мәселелерін талқылады. Кездесу Беларусь Республикасының Мемлекеттік кеден комитетінде өтті.

15 наурыздың 2021 Михаил Мясникович: «ЕАЭО мен ТМД Үлкен Еуразиядағы жіксіз көлік байланыстылығының өңірі бола алады және болуға тиіс» Еуразиялық экономикалық одақ пен Тәуелсіз Мемлекеттер Достастығы екі бірлестіктің барынша пайдалы экономикалық өзара іс-қимылының, атап айтқанда, цифрландыру, көліктік әлеуетті, өнеркәсіптік кооперацияны пайдалану салаларындағы жаңа механизмдеріне айрықша назар аударуы қажет. Бұл туралы Еуразиялық экономикалық комиссия Алқасының Төрағасы Михаил Мясникович 12 наурызда «ТМД — 30 жыл» халықаралық экономикалық форумының жалпы отырысында мәлімдеді.

15 наурыздың 2021 Өзбекстан ЕАЭО-дағы сауда мәселелерін реттеу тәжірибесін зерделейді Еуразиялық экономикалық комиссияның Сауда жөніндегі Алқа мүшесі (министр) Андрей Слепнев 15 наурызда Өзбекстан Республикасы Премьер-министрінің орынбасары – Инвестициялар және сыртқы сауда министрі Сардор Умурзаков басқарған Өзбекстан делегациясының Ресей Федерациясына жұмыс сапары шеңберінде Өзбекстан Республикасы Инвестициялар және сыртқы сауда министрінің бірінші орынбасары Лазиз Кудратовпен келіссөздер жүргізді. Сол күні ЕЭК Сауда жөніндегі министрі Андрей Слепневтің қатысуымен ЕЭК Алқасының Төрағасы Михаил Мясниковичтің Сардор Умурзаковпен кездесуі болып өтті, оның барысында сауда ынтымақтастығының мәселелері қозғалды.

15 наурыздың 2021 Сарапшылар ЕАЭО-дағы орнықты даму үшін COVID-19 пандемиясының салдарын талқылады БҰҰ Еуропалық экономикалық комиссиясының өңір үшін орнықты даму жөніндегі өңірлік форумы қарсаңында Еуразиялық экономикалық комиссия 12 наурызда өзінің «COVID-19 пандемиясы және өңірлік интеграциялық бірлестіктегі орнықты даму: ЕАЭО тәжірибесі» тақырыптық сессиясын өткізді.

15 наурыздың 2021 Михаил Мясникович Өзбекстан Премьер-министрінің орынбасары Сардор Умурзаковпен кездесу өткізді ЕЭК Алқасының Төрағасы Михаил Мясникович және Ресей Федерациясына жұмыс сапары шеңберінде Комиссияда болған Өзбекстан Республикасы Премьер-министрінің орынбасары – Инвестициялар және сыртқы сауда министрі Сардор Умурзаков Еуразиялық экономикалық комиссия мен Өзбекстан Республикасының арасындағы бұдан арғы ынтымақтастықтың мәселелерін талқылады. Кездесу 15 наурызда ЕЭК штаб-пәтерінде болып өтті.

12 наурыздың 2021 ЕАЭО елдерінің және Вьетнамның кеден қызметтері ақпаратты электрондық алмасу бойынша өзара іс-қимылды тереңдетуде ЕЭК Кедендік ынтымақтастық жөніндегі Алқа мүшесі (министр) Олег Панкратовтың төрағалығымен, тараптардың уәкілетті өкілдерінің қатысуымен өткен кеңесте Еуразиялық экономикалық одақ елдерінің және Вьетнамның кеден органдары арасындағы кедендік ақпаратты электрондық алмасуды кезең-кезеңімен іске асыру мәселелері талқыланды.

12 наурыздың 2021 ЕАЭО-да жануарлардан алынатын өнімді «фермадан сөреге дейін» қадағалап отыру жүйесі қалыптастырылады Еуразиялық экономикалық одақтағы жануарларды және жануарлардан алынатын өнімді бірдейлендіру мен қадағалап отыру мәселелері Еуразиялық экономикалық комиссияның штаб-пәтеріндегі семинарда талқыланды.

11 наурыздың 2021 ЕЭК-те органикалық ауыл шаруашылығын дамыту жұмысы жүргізіледі Еуразиялық экономикалық одақ елдері органикалық ауыл шаруашылығын дамыту мәселесін талқылауда. Қазір «жол картасының» жобасы пысықталуда. Еуразиялық экономикалық комиссияның Агроөнеркәсіптік саясат департаментінің директоры Армен Арутюнянның Армения Республикасы Экономика министрінің орынбасары Арман Ходжоянмен кездесуінде, атап айтқанда, осы туралы әңгіме болды.

Тағы да көрсету