тексттин өлчөмү: A A A

Сайттын түстөр: C C C

Сайттың әдеттегі болжамы

Жаңалықтар

Күндерді таңдаңыз

Бағытты таңдаңыз

Іздеу нәтижелері: 6867

17 қыркүйектің 2018 Іштен жану қозғалтқыштарына арналған баж 0% деңгейінде сақталды Еуразиялық экономикалық комиссия (ЕЭК) Кеңесінің мүшелері іштен жану қозғалтқыштарының жекелеген түрлеріне арналған кедендік әкелу бажының нөлдік ставкасының қолданылу мерзімін ұзартты, үшінші тараптармен саудада шектеу шараларын жою мәселелері бойынша Еуразиялық экономикалық одақ (ЕАЭО) мемлекеттері мен ЕЭК арасындағы өзара іс-қимыл тәртібін мақұлдады, «өнеркәсіптік жинау үшін» кедендік әкелу баждарының ставкаларын Ресей Федерациясының ДСҰ-дағы міндеттемелеріне сәйкес келтіруге келісті, Қытаймен және Иранмен келісімдерді іске асыру бойынша «жол карталарын» бекітті және аң терісі бұйымдарын таңбалау жөніндегі жобаны іске асырудың үздіксіздігін қамтамасыз ететін шешім қабылдады.

13 қыркүйектің 2018 Еуразиялық экономикалық одақтың тәжірибесі ДКҰ-ның ең маңызды құжаттарында көрініс тапты Еуразиялық экономикалық одақтың (ЕАЭО) атқарымдары тұңғыш рет Дүниежүзілік кеден ұйымы (ДКедҰ) жариялаған Халықаралық сауданың қауіпсіздігі мен жеңілдетілуінің негіздемелік стандарттарының және оларға кіретін кейбір құжаттардың жаңа редакциясына қосылды. Негіздемелік стандарттар – кеден ісі саласындағы ең маңызды халықаралық құжат, әлемдік кедендік әкімшілік жүргізулер үшін жалпыға бірдей танылған бағдар.

13 қыркүйектің 2018 ЕЭК-тің Техникалық реттеу жөніндегі министрі мен Өнеркәсіп және агроөнеркәсіптік кешен жөніндегі министрі тағайындалды Еуразиялық экономикалық одақ (ЕАЭО) мемлекеттері басшыларының шешімімен Еуразиялық экономикалық комиссия (ЕЭК) Алқасының жаңа мүшелері: Виктор Владимирович Назаренко – ЕЭК-тің Техникалық реттеу жөніндегі министрі, Александр Михайлович Субботин – ЕЭК-тің Өнеркәсіп және агроөнеркәсіптік кешен жөніндегі министрі болып тағайындалды.

12 қыркүйектің 2018 Тигран Саркисян: «ЕАЭО елдері экономикасының терең интеграциясы протекционизмнің әлемдік трендін ескере отырып жетілдірілуге тиіс» Еуразиялық экономикалық одақ (ЕАЭО) терең интеграция жолымен жүріп келеді және бұл интеграция моделі протекционизмнің күшею элементтері байқалып отырған әлемдік трендтерді ескере отырып жетілдірілуге тиіс. Бұл туралы Еуразиялық экономикалық комиссия (ЕЭК) Алқасының Төрағасы Тигран Саркисян 12 қыркүйекте Владивостоктағы Шығыс экономикалық форумы шеңберінде өткен «АТМӨ күн тәртібінің замани интеграциясы: ашықтық немесе протекционизм. ЕАЭО үшін сабақтар» пікірсайысы кезінде мәлімдеді.

11 қыркүйектің 2018 Қиыр Шығыстың инфрақұрылымын дамытудың ЕАЭО елдері үшін үлкен маңызы бар Көлікті, инфрақұрылымды және логистиканы дамытпайынша Еуразиялық экономикалық одақтың (ЕАЭО) тиімді жұмыс істеуі мүмкін емес. ІV Шығыс экономикалық форумында «Ресей-Жапония әріптестігі: Еуразиялық транзит әлеуетін іске асыру» сессиясында сөз сөйлеген Еуразиялық экономикалық комиссияның (ЕЭК) Энергетика және инфрақұрылым жөніндегі Алқа мүшесі (министр) Эмиль Кайкиев осылай деп атап көрсетті.

11 қыркүйектің 2018 ЕАЭО мен ҚХР-дың сауда-экономикалық ынтымақтастығы туралы келісімі 2019 жылдың басында қолданыла бастауға тиіс Еуразиялық экономикалық комиссияның Сауда жөніндегі Алқа мүшесі (министр) Вероника Никишина 11 қыркүйекте Владивостокта Шығыс экономикалық форумы шеңберінде Еуразиялық экономикалық одақ (ЕАЭО) нарығын ырықтандыру, Жібек жолының Экономикалық белдеуін қалыптастыру тұрғысындағы ЕАЭО елдері үшін басым жобалар және Қытай Халық Республикасымен сауда-экономикалық ынтымақтастық туралы келісімнің перспективалары туралы әңгімеледі.

07 қыркүйектің 2018 ЕЭК ортақ дәрі нарығының жұмысы үшін бірқатар құжаттарды бекітті Еуразиялық экономикалық комиссия (ЕЭК) Алқасының 7 қыркүйектегі отырысында энергетика, техникалық реттеу, фармацевтика және сауда саласындағы мәселелер қаралды. Атап айтқанда, ЕЭК Алқасы ортақ дәрі нарығының жұмысы үшін бірқатар құжаттарды бекітті және Еуразиялық экономикалық одақтың (ЕАЭО) ортақ электр энергетикалық нарығы туралы хаттаманы мақұлдады.

06 қыркүйектің 2018 ЕЭК сарапшылары қырғыз бизнесі үшін консультациялар өткізді Еуразиялық экономикалық комиссияның (ЕЭК) бәсекелестік және монополияға қарсы реттеу жөніндегі блогының мамандары қоғамдық қабылдаудың көшпелі отырысы шеңберінде 6 қыркүйекте Бішкекте (Қырғыз Республикасы) Еуразиялық экономикалық одақтың (ЕАЭО) трансшекаралық нарықтардағы бәсекелестік жөніндегі «Ақ кітабын» таныстырды. Бұл басылым ЕАЭО трансшекаралық нарықтарында жұмыс істейтін бизнес-қоғамдастық үшін қолдан түсірмейтін қажет кітап болып табылады. Жинақта қолжетімді нысанда Одақтың ортақ нарықтарындағы бәсекелестікті қорғаудың құқықтық негіздері, әріптестердің бәсекелестікке қарсы іс-әрекеттері нәтижесінде бизнестің құқығы бұзылған жағдайда Комиссияға шағым берудің тәртібі мен негіздері түсіндірілген.

Тағы да көрсету