тексттин өлчөмү: A A A

Сайттын түстөр: C C C

Сайттың әдеттегі болжамы

Жаңалықтар

Күндерді таңдаңыз

Бағытты таңдаңыз

Іздеу нәтижелері: 6857

13 қыркүйектің 2018 ЕЭК-тің Техникалық реттеу жөніндегі министрі мен Өнеркәсіп және агроөнеркәсіптік кешен жөніндегі министрі тағайындалды Еуразиялық экономикалық одақ (ЕАЭО) мемлекеттері басшыларының шешімімен Еуразиялық экономикалық комиссия (ЕЭК) Алқасының жаңа мүшелері: Виктор Владимирович Назаренко – ЕЭК-тің Техникалық реттеу жөніндегі министрі, Александр Михайлович Субботин – ЕЭК-тің Өнеркәсіп және агроөнеркәсіптік кешен жөніндегі министрі болып тағайындалды.

12 қыркүйектің 2018 Тигран Саркисян: «ЕАЭО елдері экономикасының терең интеграциясы протекционизмнің әлемдік трендін ескере отырып жетілдірілуге тиіс» Еуразиялық экономикалық одақ (ЕАЭО) терең интеграция жолымен жүріп келеді және бұл интеграция моделі протекционизмнің күшею элементтері байқалып отырған әлемдік трендтерді ескере отырып жетілдірілуге тиіс. Бұл туралы Еуразиялық экономикалық комиссия (ЕЭК) Алқасының Төрағасы Тигран Саркисян 12 қыркүйекте Владивостоктағы Шығыс экономикалық форумы шеңберінде өткен «АТМӨ күн тәртібінің замани интеграциясы: ашықтық немесе протекционизм. ЕАЭО үшін сабақтар» пікірсайысы кезінде мәлімдеді.

11 қыркүйектің 2018 Қиыр Шығыстың инфрақұрылымын дамытудың ЕАЭО елдері үшін үлкен маңызы бар Көлікті, инфрақұрылымды және логистиканы дамытпайынша Еуразиялық экономикалық одақтың (ЕАЭО) тиімді жұмыс істеуі мүмкін емес. ІV Шығыс экономикалық форумында «Ресей-Жапония әріптестігі: Еуразиялық транзит әлеуетін іске асыру» сессиясында сөз сөйлеген Еуразиялық экономикалық комиссияның (ЕЭК) Энергетика және инфрақұрылым жөніндегі Алқа мүшесі (министр) Эмиль Кайкиев осылай деп атап көрсетті.

11 қыркүйектің 2018 ЕАЭО мен ҚХР-дың сауда-экономикалық ынтымақтастығы туралы келісімі 2019 жылдың басында қолданыла бастауға тиіс Еуразиялық экономикалық комиссияның Сауда жөніндегі Алқа мүшесі (министр) Вероника Никишина 11 қыркүйекте Владивостокта Шығыс экономикалық форумы шеңберінде Еуразиялық экономикалық одақ (ЕАЭО) нарығын ырықтандыру, Жібек жолының Экономикалық белдеуін қалыптастыру тұрғысындағы ЕАЭО елдері үшін басым жобалар және Қытай Халық Республикасымен сауда-экономикалық ынтымақтастық туралы келісімнің перспективалары туралы әңгімеледі.

07 қыркүйектің 2018 ЕЭК ортақ дәрі нарығының жұмысы үшін бірқатар құжаттарды бекітті Еуразиялық экономикалық комиссия (ЕЭК) Алқасының 7 қыркүйектегі отырысында энергетика, техникалық реттеу, фармацевтика және сауда саласындағы мәселелер қаралды. Атап айтқанда, ЕЭК Алқасы ортақ дәрі нарығының жұмысы үшін бірқатар құжаттарды бекітті және Еуразиялық экономикалық одақтың (ЕАЭО) ортақ электр энергетикалық нарығы туралы хаттаманы мақұлдады.

06 қыркүйектің 2018 ЕЭК сарапшылары қырғыз бизнесі үшін консультациялар өткізді Еуразиялық экономикалық комиссияның (ЕЭК) бәсекелестік және монополияға қарсы реттеу жөніндегі блогының мамандары қоғамдық қабылдаудың көшпелі отырысы шеңберінде 6 қыркүйекте Бішкекте (Қырғыз Республикасы) Еуразиялық экономикалық одақтың (ЕАЭО) трансшекаралық нарықтардағы бәсекелестік жөніндегі «Ақ кітабын» таныстырды. Бұл басылым ЕАЭО трансшекаралық нарықтарында жұмыс істейтін бизнес-қоғамдастық үшін қолдан түсірмейтін қажет кітап болып табылады. Жинақта қолжетімді нысанда Одақтың ортақ нарықтарындағы бәсекелестікті қорғаудың құқықтық негіздері, әріптестердің бәсекелестікке қарсы іс-әрекеттері нәтижесінде бизнестің құқығы бұзылған жағдайда Комиссияға шағым берудің тәртібі мен негіздері түсіндірілген.

06 қыркүйектің 2018 ЕЭК және Халықаралық салық қауымдастығы ынтымақтастық туралы уағдаласты Еуразиялық экономикалық комиссия (ЕЭК) Еуразиялық экономикалық одақтың (ЕАЭО) салық заңнамасын жетілдіру кезінде Халықаралық салық қауымдастығының сарапшылық бағалауын пайдаланатын болады. Бұдан басқа, ұйымдар Түсіністік туралы меморандум жасасуды және салық тақырыбы бойынша бірлескен іс-шаралар өткізуді жоспарлауда. Бұл туралы 2-6 қыркүйек аралығында Сеулде (Оңтүстік Корея) болып өткен 72-інші IFA Конгресінде Еуразиялық экономикалық комиссияның (ЕЭК) Экономика және қаржы саясаты жөніндегі Алқа мүшесі (министр) Тимур Жақсылықов, Халықаралық салық қауымдастығының (International Fiscal Association, IFA) президенті Мюррей Клэйсон және ұйымның бас хатшысы Жан-Блэйз Эккерт уағдаласты.

30 тамыздың 2018 ЕАЭО шеңберіндегі цифрлық өнеркәсіптік кооперация жөніндегі жоба бизнес үшін жаңа мүмкіндіктер ашып отыр Одақ шеңберінде цифрлық өнеркәсіптік кооперация желісін қалыптастыру жөніндегі бастаманың алдын ала сараптамасы Еуразиялық экономикалық одақтың (ЕАЭО) ЕЭК, бизнес және мемлекеттік билік органдарының қатысуымен Еуразиялық экономикалық комиссияның (ЕЭК) ішкі нарықтар,ақпараттандыру, ақпараттық-коммуникациялық технологиялар жөніндегі Алқа (министр) мүшесі Карине Минасян төрағалығымен цифрлық өнеркәсіптік кооперация бойынша сараптамалық алаң отырысы барысында өтті. Қазанда жобалық құжаттама мүше мемлекеттер талқылауына ұсынылады деп жоспарланып отыр, одан кейін оны Комиссия Кеңесі қарайды. Бастама 2019 жылы жүзеге асырылуы ықтимал.

Тағы да көрсету