тексттин өлчөмү: A A A
Сайттын түстөр: C C C
Сайттың әдеттегі болжамы
Выберите язык

Жаңалықтар

Жаңалықтарды «кк.аа.жжжж» форматында көргіңіз келетін күнді көрсетіңіз, мысалы, 01.01.2017
 

Іздеу нәтижелері: 6852

29 тамыздың 2019 ЕЭК ЕАЭО елдеріндегі орнықты және инклюзивті өсуге қол жеткізудің тәсілдемелері туралы әңгімеледі ​Еуразиялық экономикалық комиссияның (ЕЭК) өкілдері Булан-Соготтуде (Қырғызстан) өткен БҰҰ АзТМЭӘК елдерінің (Солтүстік және Орталық Азия) БҰҰ ОДМ іске асыру жөніндегі форумында БҰҰ-ның орнықты даму саласындағы мақсаттарына (БҰҰ ОДМ) қол жеткізу үшін Еуразиялық экономикалық одақтың (ЕАЭО) интеграциялық әлеуетін пайдалану мүмкіндіктері туралы әңгімеледі. Сондай-ақ ЕАЭО мемлекеттерінің, жетекші дамыған және дамушы елдер экономикаларының инклюзивтігін бағалау нәтижелері ұсынылды.
28 тамыздың 2019 «Еуразиялық апта – 2019» форумында ЕАЭО елдерінде бизнес жүргізу үшін қолайлы жағдайлар жасау талқыланады ​Еуразиялық экономикалық одақ (ЕАЭО) елдерінде бизнес-ахуалды жақсарту, жүйелік шаралар қабылдау және кәсіпкерлік қызметті ойдағыдай жүргізу үшін инфрақұрылымды қамтамасыз ету Одақтың орнықты ішкі дамуының, сондай-ақ оның сыртқы сауда әріптестері мен шетелдік инвесторлар үшін тартымдылығының маңызды факторы болып табылады.
28 тамыздың 2019 ЕАЭО мен Иран сауданың преференциялы жағдайларына көшеді ​Еуразиялық экономикалық комиссия (ЕЭК) Алқасының Төрағасы Тигран Саркисян мен Иран Ислам Республикасының Ресей Федерациясындағы Төтенше және Өкілетті Елшісі Мехди Санаи 28 тамызда ЕЭК-те болып өткен кездесу барысында Еуразиялық экономикалық одақ (ЕАЭО) пен Иран арасындағы еркін сауда аймағын құруға алып келетін Уақытша келісімнің күшіне енуі үшін қажетті рәсімдердің аяқталғаны туралы ноталармен алмасты. Бұл енді 27 қазанда келісім қолданыла бастайтынын білдіреді.
27 тамыздың 2019 ЕЭК пен «Макдоналдс» ынтымақтастықтың перспективаларын талқылады ​Құс етінің қауіпсіздігі туралы техникалық регламент жоғары дайындық дәрежесінде тұр және оны осы күздің өзінде Еуразиялық экономикалық комиссия (ЕЭК) Алқасы қарауы мүмкін. Бұл туралы ЕЭК Алқасының Төрағасы Тигран Саркисян Ресейдегі «Макдоналдс» компаниясының бас директоры Марк Каренамен Комиссияның штаб-пәтеріндегі кездесуі кезінде хабарлады.Тараптар компанияның бизнесіне және тұтастай алғанда Еуразиялық экономикалық одақ (ЕАЭО) елдерінің кәсіпкерлік қоғамдастығына қатысы болуы мүмкін мәселелер бойынша ынтымақтастықтың мүмкіндіктерін талқылады. Бірінші кезекте тамақ өніміне арналған техникалық регламенттер туралы сөз болды.
23 тамыздың 2019 Могилевте лифт жабдығы өндірісі саласындағы өнеркәсіптік кооперация мәселелерін талқылады ​Еуразиялық экономикалық комиссияның (ЕЭК) Өнеркәсіп және агроөнеркәсіптік кешен жөніндегі Алқа мүшесі (министр) Александр Субботин Могилев облыстық атқару комитетінің төрағасы Леонид Заяцпен және «Могилевлифтмаш» ААҚ бас директоры Борис Ковалевскиймен Могилев облысының Еуразиялық экономикалық одақ (ЕАЭО) елдерімен өнеркәсіптік ынтымақтастығы саласындағы әлеуетті мүмкіндіктерін талқылады. Кездесу 23 тамызда Беларусь Республикасында, Могилевте болып өтті.
22 тамыздың 2019 ЕЭК сарапшылары ЕАЭО туралы шарттағы өзгерістер туралы айтты ​Еуразиялық экономикалық одақтың (ЕАЭО) трансшекаралық нарықтарында салауатты бәсекелестікті қамтамасыз ету үшін алдын ала ескерту және алдын ала сақтандыру механизмдерін қолдану ЕАЭО туралы шартқа енгізілген өзгерістердің арқасында мүмкін болды. Механизмдерді іске асыру Еуразиялық экономикалық комиссияның (ЕЭК) бәсекелестік және монополияға қарсы реттеу жөніндегі блогы Қоғамдық қабылдауының Витебскіде өткен отырысы шеңберінде жіті талқыланды. Бұл үстіміздегі жылғы тамызға жоспарланған үш отырыстың екіншісі.
22 тамыздың 2019 ЕАЭО мен Филиппиндер сауда-экономикалық ынтымақтастықты дамытады ​Еуразиялық экономикалық комиссияның (ЕЭК) Интеграция және макроэкономика жөніндегі Алқа мүшесінің (министрдің) көмекшісі Федор Черницын мен Филиппиндердің Өнеркәсіп және сауда министрінің орынбасары Сеферино Родольфоның кездесуі барысында Еуразиялық экономикалық одаққа (ЕАЭО) мүше мемлекеттер мен Филиппиннің сауда-экономикалық ынтымақтастығын дамыту перспективалары басты назарда болды. Келіссөз Ресей-Филиппин үкіметаралық комиссиясының 2-отырысы қарсаңында 21 тамызда ЕЭК штаб-пәтерінде болып өтті.
21 тамыздың 2019 Беларусь бизнесінің өкілдері ЕЭК-тің бәсекелестікті қорғау жөніндегі құқық қолдану практикасымен танысты ​Еуразиялық экономикалық комиссияның (ЕЭК) бәсекелестік және монополияға қарсы реттеу жөніндегі блогы Қоғамдық қабылдауының 22 тамызға дейін Беларусь Республикасында жоспарланған үш көшпелі отырысының біріншісі 19 тамызда Брестте өтті. Оған 70-тен астам кәсіпорындар мен билік органдарының өкілдері қатысты.
Тағы да көрсету