тексттин өлчөмү: A A A

Сайттын түстөр: C C C

Сайттың әдеттегі болжамы

Жаңалықтар

Күндерді таңдаңыз

Бағытты таңдаңыз

Іздеу нәтижелері: 6852

09 шілденің 2019 ЕАЭО-да Бірыңғай ветеринариялық талаптар халықаралық стандарттармен үндестіріледі Еуразиялық экономикалық комиссия (ЕЭК) Алқасы 9 шілдеде кедендік және техникалық реттеу, санитариялық, фитосанитариялық және ветеринариялық шаралар, сауда, макроэкономика, цифрландыру, Еуразиялық экономикалық одақ (ЕАЭО) елдеріндегі ішкі нарықтың жұмыс істеуі салаларындағы мәселелерді қарады.

09 шілденің 2019 ЕАЭО техрегламенттердің талаптарына сай келмейтін өнім туралы деректермен алмасу жүйесін іске қосуға дайындауда Еуразиялық экономикалық комиссия (ЕЭК) Армения Республикасымен, Беларусь Республикасымен және Қырғыз Республикасымен бірлесіп Еуразиялық экономикалық одақ (ЕАЭО) елдеріндегі техникалық регламенттер талаптарының сақталуына жауапты бейінді ведомстволар арасында деректермен алмасуды кешенді тестілеу өткізді. Тестілеу кезінде бұл елдерде кең жайылған ақпараттық жүйелер және ЕАЭО-ның интеграцияланған ақпараттық жүйесі іске қосылды.

08 шілденің 2019 ЕЭК пен Тынық мұхит альянсы Әріптестік туралы декларацияға қол қойды Комиссия мен Тынық мұхит альянсы жөніндегі негіздемелік келісімнің қатысушы мемлекеттері арасында Әріптестік туралы декларация жасасылғанан кейін Еуразиялық экономикалық комиссияның (ЕЭК) Интеграция және макроэкономика жөніндегі Алқа мүшесі (министр) Татьяна Валовая «ЕЭК пен Колумбияның, Мексиканың, Перудің және Чилидің жас, бірақ екпінді дамып келе жатқан интеграциялық бірлестігі – Тынық мұхит альянсы арасындағы диалогты рәсімдеу - ұзақ уақыт жүргізілген келіссөз процесінің нәтижесі болды және екі құрылымның бірін бірі жақынырақ білуге және неғұрлым тиімді ішкі даму мен барлық мүше мемлекеттер арасындағы экономикалық ынтымақтастықты тереңдету мақсатында тәжірибе алмасуға деген екі жаққа бірдей мүдделілігін бейнелейді»,- деп мәлімдеді. Құжатқа 5 шілдеде Лимада Тынық мұхит альянсының мемлекет басшылары деңгейіндегі 14-саммиті барысында қол қойылды.

03 шілденің 2019 ЕЭК министрі Нурлан Акматов пен Дүниежүзілік кеден ұйымының бас хатшысы Кунио Микурия екіжақты ынтымақтастық мәселелерін талқылады Еуразиялық экономикалық комиссияның (ЕЭК) Кедендік ынтымақтастық жөніндегі Алқа мүшесі (министр) Нурлан Акматов пен Дүниежүзілік кеден ұйымының (ДКҰ) бас хатшысы Кунио Микурия Брюссельде (Бельгия) кедендік реттеуді жетілдіру, халықаралық стандарттарға және кедендік әкімшілік жүргізудің озық практикасына сәйкес сауда рәсімдерін оңайлату мәселелерін, сондай-ақ кеден саласындағы Еуразиялық интеграцияның перспективаларын қарады.

03 шілденің 2019 Беларусь КҚ электрондық паспорттарын ресімдеуге кірісті Беларусь Республикасының МАЗ, Юнисон және БелДжи сияқты бірқатар автожасаушылары өз өніміне, соның ішінде Ресей Федерациясына жеткізілетіндерге қатысты көлік құралдарының электрондық паспорттары бар автомобильдер шығаруды бастауға әзір екендіктерін растады. Қазірдің өзінде Беларусьта шығарылған МАЗ, Geely және Zotye маркалы автомобильдерге алғашқы бес электрондық паспорт ресімделді. Сөйтіп, республикада электрондық паспорттармен практикалық жұмыс бастау алды.

03 шілденің 2019 ЕАЭО кәсіпорындары өндіретін хризотилді асбест әлемдік нарықта жоғары бәсекеге қабілетті болып табылады Еуразиялық экономикалық комиссияның (ЕЭК) өнеркәсіптік блогы жекелеген құрылыс материалдары үшін негіз болып табылатын хризотилді асбестке тыйым салу жөніндегі халықаралық үрдістерді ескере отырып, осы минералдың өндірілу көлеміне, экспорттық-импорттық операцияларына және Одақ нарығындағы ішкі тұтынуға талдау жүргізді.

03 шілденің 2019 Ұзақ мерзімді төменгі инфляция ЕАЭО елдері тұрғындарының әл-ауқатының өсуіне ықпал етеді «Соңғы жылдары Еуразиялық экономикалық одаққа (ЕАЭО) мүше мемлекеттер макроэкономикалық тұрақтылықты қамтамасыз етуде елеулі прогреске қол жеткізді. Орталық және ұлттық банктер айқынсыздықтың өсуі мен шикізаттық тауарлар бағасының ауытқуы нәтижесіндегі трансшекаралық әсерлердің күшеюі жағдайында тұрақтылық саясатын жүргізудің сын-қатерлерінен ойдағыдай өте алды. Одақ елдерінде инфляция қарқынын кемітудің және біртіндеп конвергенциялаудың орнықты үрдісі байқалуда, бұл сайып келгенде халықтың әл-ауқатына оң ықпал етеді»,- деді Макроэкономикалық саясат департаментінің директоры Тоты Қалиасқарова «ЕАЭО елдеріндегі ақша-кредит саясаты: мүмкіндіктер мен үйлестіруді шектеулер» дөңгелек үстелінде сөйлеген сөзінде. Іс-шара Армения Республикасы Орталық банкінің ұйымдастыруымен 27-28 маусымда Дилижанда (Армения) өтті.

02 шілденің 2019 Субсидияларды келісу үшін нормативтік база қалыптастырылды 21 маусымда Еуразиялық экономикалық комиссия (ЕЭК) Кеңесінің отырысында мүше мемлекеттер бірлесіп өндірген деп танылатын өнеркәсіп тауарына қатысты ерекше субсидияларға жол берудің жекелеген критерийлерін қолдану жағдайы талқыланды. Енді Еуразиялық экономикалық одақ (ЕАЭО) елдері Комиссияға субсидияларды келісу үшін жүгіне алады

Тағы да көрсету