тексттин өлчөмү: A A A

Сайттын түстөр: C C C

Сайттың әдеттегі болжамы

Жаңалықтар

Күндерді таңдаңыз

Бағытты таңдаңыз

Іздеу нәтижелері: 6867

23 қазанның 2020 ЕЭК-тің алдын ала хабардар ету мәселесі жөніндегі шешімі бизнестің тыныс-тіршілігін жеңілдетеді Еуразиялық экономикалық комиссия Алқасы алдын ала хабардар ету мәселесі жөнінде бірқатар шешімдер қабылдады. Еуразиялық экономикалық одақтың кедендік аумағына көліктің әр түрімен әкелу бағамдалатын тауарлар туралы алдын ала ақпарат ұсыну тәртібіне, алдын ала ақпаратты тіркеу тәртібіне және пайдалану тәртібіне өзгерістер енгізілді. Өзгерістер алдын ала ақпараттың құрылымына да қатысты болды.

23 қазанның 2020 ЕАЭО Интернетте зияткерлік құқықтарды бұзушылыққа қарсы күрес жөнінде келісілген тәсілдемелерді қалыптастыру кезінде таңдаулы әлемдік тәжірибені пайдаланатын болады Еуразиялық экономикалық комиссияның Экономика және қаржы саясаты жөніндегі министрі хатшылығының басшысы Асқар Кішкембаев профессор А.Л. Маковскийді еске алуға арналған «Қазіргі заманғы әлемдегі зияткерлік құқықтар» дөңгелек үстелінде Интернет желісінде зияткерлік меншік объектілеріне арналған құқықтарды қорғау әдістері туралы әңгімеледі. Іс-шара 21 қазанда Ресей Федерациясы Үкіметі жанындағы Заңнама және салыстырмалы құқықтану институтының «Профессор С.Н. Братусьті еске алуға арналған XV жыл сайынғы ғылыми оқулар» халықаралық ғылыми-практикалық конференциясы шеңберінде өтті.

23 қазанның 2020 ЕАЭО-да табиғи монополиялар саласындағы заңнама үндестірілетін болады Еуразиялық экономикалық комиссия табиғи монополиялар саласындағы нормативтік құқықтық актілерге ұсыныстар дайындады. Бұл туралы 22 қазанда болып өткен Табиғи монополиялар жөніндегі консультативтік комитеттің 20-отырысының қорытындылары бойынша белгілі болды.

23 қазанның 2020 Май қышқылдарының глицидил эфирлері құрамының нормативтері ЕАЭО-ның тамақ өніміне қойылатын талаптарды белгілейтін бірнеше техникалық регламентіне бірден кірістірілуі мүмкін Еуразиялық экономикалық одақ елдерінің уәкілетті органдары тұтынушыларды қорғауды күшейту үшін Одақтың тамақ өніміне қойылатын талаптарды белгілейтін бірнеше техникалық регламентіне май қышқылдарының глицидил эфирлері құрамының нормативтерін «пакеттік қағидатпен» бірден кірістіруді тұтастай қолдады. Атап айтқанда, бұл талаптарды Одақтың порталында жария талқылау жүріп жатқан «Тамақ өнімінің қауіпсіздігі туралы» және «Арнаулы тамақ өнімінің жекелеген түрлерінің, соның ішінде диеталық емдеу және диеталық профилактикалық тамақтанудың қауіпсіздігі туралы» Одақтың техникалық регламенттеріне өзгертулерге енгізу мәселесі қаралуда.

23 қазанның 2020 ЕЭК бизнеспен бірлесіп халықаралық күн тәртібін дамытады Еуразиялық экономикалық комиссияның штаб-пәтерінде 23 қазанда Интеграция және макроэкономика жөніндегі министр Сергей Глазьевтің төрағалық етуімен Еуразиялық экономикалық одақтың Тәуелсіз Мемлекеттер Достастығы (ТМД), Еуропалық одақ (ЕО), Оңтүстік Шығыс Азия мемлекеттері қауымдастығы (АСЕАН), Шанхай ынтымақтастық ұйымы (ШЫҰ), Африка одағы және Латын Америкасы өңірлеріндегі әріптестермен ынтымақтастықты дамыту мәселелері қаралды.

22 қазанның 2020 ЕЭК ЕАЭО шеңберінде өнеркәсіптік құрылыс саласындағы ынтымақтастықты дамытады Еуразиялық экономикалық одақ шеңберіндегі халықаралық ынтымақтастық ішкі нарық үшін де, сол сияқты сыртқы нарыққа шығу үшін де өнеркәсіптік құрылыс саласындағы перспективалы бағыттардың бірі болып табылады. Бұл туралы «Өнеркәсіптік құрылыс – экономикалық өсу драйвері» панельдік пікірсайысында ЕЭК-тің Өнеркәсіптік саясат департаменті директорының орынбасары Тигран Арутюнян хабарлады.

22 қазанның 2020 Андрей Слепнев ЕО-мен салалық және сауда-экономикалық күн тәртібі бойынша диалогты қарқынды етуге шақырды ЕЭК Сауда жөніндегі Алқа мүшесі (министр) Андрей Слепнев техникалық және кедендік реттеу, инфрақұрылымдық ұштасу мәселелерін, әсіресе Еуроодақтағы көміртегін реттеу тұрғысында «жасыл» күн тәртібін, цифрлық шешімдерді нысаналы талқылау үшін Еуразиялық экономикалық комиссия мен Еуропалық комиссия арасындағы сарапшылар деңгейіндегі диалогты қарқынды етуге шақырды.

22 қазанның 2020 ЕАЭО-да ауыл шаруашылығы өнімінің айналысы саласындағы талаптарды біріздендіру және ғылыми-инновациялық ынтымақтастықты дамыту жоспарлануда Агроөнеркәсіптік кешен жөніндегі консультативтік комитеттің қатысушылары мал шаруашылығы және тұқым шаруашылығы өнімдерінің айналысы саласындағы біріздендіру мәселелерін, Еуразиялық экономикалық одақта бірлескен ғылыми-зерттеу және тәжірибелік-конструкторлық жұмыстар (ҒЗТКЖ) жүргізудің басымдықтарын, сондай-ақ халықаралық ынтымақтастықты дамытудың жаңа бағыттарын талқылады. Отырыс 21 қазанда Еуразиялық экономикалық комиссияның Өнеркәсіп және агроөнеркәсіптік кешен жөніндегі министрі Артак Камалянның төрағалығымен өтті.

Тағы да көрсету