Жаңылыктар
Оптикалык булаларды өндүрүү үчүн компоненттерди алымсыз алып келүү 2026-жылдын февраль айынын аягына чейин узартылды
Евразия экономикалык комиссиясынын Кеңеши оптикалык булаларды өндүрүү үчүн коргоочу жабуу катары колдонулган полиуретан жана эпоксиддик жабууларга карата алып келүү бажы алымынын нөлдүк ченин узартуу жөнүндө чечим кабыл алды.
"Кабыл алынган чечим Бирликтин аймагында атаандаштыкка жөндөмдүү даяр продукцияны чыгарууну камсыздоого, ошондой эле анын өздүк наркын төмөндөтүүгө мүмкүндүк берет. Муну менен оптикалык була тармагын узак мөөнөттүү өнүктүрүү үчүн, анын ичинде кубаттуулуктарды андан ары модернизациялоо, өндүрүштү локалдаштыруу, чыгарылуучу товарлардын номенклатурасын жана көлөмүн көбөйтүү жагында долбоорго инвестициялоо үчүн жагымдуу шарттарды түзүү үчүн шарттар түзүлөт", – деп белгиледи ЕЭКтин соода боюнча министри Андрей Слепнев.
Оптикалык була негизинен ар кандай деңгээлдеги телекоммуникация тармактарында дайындарды өткөрүү үчүн чөйрө катары колдонулат: континенттер аралык магистралдардан баштап үй компьютердик тармактарына чейин.
Узартылган чара — 2026-жылдын 28-февралына чейин колдонууда болот. Чечим 2024-жылдын 1-мартынан тарта пайда болгон укуктук мамилелерге жайылтылат.
ЕЭК Коллегиясына ошондой эле преформалар катары колдонулган оптикалык айнек таякчаларын алымсыз алып келүүнү узартуу маселесин тезинен карап чыгуу тапшырылды.
Маалымат
ЕЭК Кеңешинин 2021-жылдын 5-апрелиндеги № 30 Чечимине жана ЕЭК Коллегиясынын 2021-жылдын 14-апрелиндеги № 46 Чечимине ылайык, ЕАЭБ ТЭИ ТН 3907 30 000 1 и 3909 50 900 1 коддору менен классификациялануучу оптикалык булаларды өндүрүү үчүн баштапкы формалардагы эпоксиддик чайырларга жана полиуретандарга карата, ошондой эле ЕАЭБ ТЭИ ТН 7002 20 100 0 коддору менен классификациялануучу оптикалык айнек таякчаларына карата (преформа) ташып келүү бажы алымынын нөлдүк чени 2023-жылдын 31-декабрына чейин кошо алганда белгиленген. Кийинчерээк тиешелүү мөөнөттөр 2024-жылдын 29-февралына чейин узартылган.
