Жаңылыктар
ЕЭК Ирандын өкүлдөрү менен бажы чөйрөсүндөгү кызматташтыктын актуалдуу маселелерин талкуулады
9-июнда Евразия экономикалык комиссиясынын штаб-квартирасында ЕЭКтин бажы инфраструктурасы департаментинин директору Данияр Иманалиевдин Иран Ислам Республикасынын бажы кызматынын эл аралык кызматташтык департаментинин башкы директору Хоссейн Кахки жана Иран Ислам Республикасынын Россия Федерациясындагы Элчилигинин соода атташеси Ирадж Зареи менен жумушчу жолугушуусу болуп өттү.
Жолугушуунун алкагында тараптар кызматташтыктын актуалдуу маселелерин, анын ичинде Бирликтин мүчө мамлекеттеринин борбордук бажы органдарынын жана Иран Ислам Республикасынын Башкы бажы башкармалыгынын ортосунда ЕАЭБдин жана Ирандын ортосунда эркин соода аймагын түзүүгө алып барган убактылуу макулдашууга ылайык электрондук маалымат алмашууну ишке ашыруу тартиби жөнүндө маалымат алмашуу жөнүндө протоколдун долбоору боюнча сүйлөшүүлөрдүн биринчи раундун уюштурууга жана өткөрүүгө байланыштуу маселелерди талкуулашты.
"Биз иран тараптын жана Бирликтин бардык мамлекеттеринин сүйлөшүүлөр процессин жакынкы убакытта аяктоого жана протоколго кол коюуга кызыкдарлыгын көрүп турабыз. Сүйлөшүүлөрдүн биринчи раундун бетме-бет форматта өткөрүү маалымат алмашууну ишке ашыруунун бардык негизги аспектилерин макулдашууга жана андан ары техникалык маселелерди иштеп чыгууга киришүү үчүн жетишилген келишкендиктерди бекитүүгө мүмкүндүк берет", – деп Данияр Иманалиев ирандык кесиптештери менен маектин жүрүшүндө баса белгиледи.
Ошондой эле, ал Маалымат алмашуу жөнүндө протоколду түзүү жана андан ары иш жүзүндө ишке ашыруу бажылык операцияларды аткарууну тездетүүгө, тобокелдиктерди башкаруу тутумун колдонуу менен товарларды декларациялоонун аныктыгын жана бажы контролунун натыйжалуулугун жогорулатууга, мыйзам бузууларды аныктоого, токтотууга жана алдын алууга жана жыйынтыгында – өлкөлөрдүн жана алардын бажы кызматтарынын ортосунда ишенимди жогорулатууга өбөлгө түзөт.
Хоссейн Кахки Убактылуу макулдашууну ишке ашыруунун алкагында Иран Ислам Республикасынын Башкы бажы башкармалыгынын жана Комиссиянын бажы блогунун ортосунда калыптанган диалогдун конструктивдүүлүгүн белгиледи жана өз ара аракеттенүүнүн андан аркы бекемделишине жана өнүгүүсүнө ишеничин билдирди.
Данияр Иманалиев мүчө мамлекеттердин жана Ирандын ортосундагы соодадагы прогрессти өзгөчө белгиледи, ага, биринчи кезекте, Убактылуу макулдашуунун түзүлүшү өбөлгө түзгөн. Ошондой эле, ал учурдагы шарттарда "Түндүк-Түштүк" транспорт кордиорун өнүктүрүүнүн маанилүүлүгүнө басым жасады. Ошондой эле, ал ирандык кесиптештерин Комиссиянын жаңы долбоорлору жана Евразиялык экономикалык интеграцияны өнүктүрүүнүн 2025-жылга чейинки стратегиялык багыттарын ишке ашыруунун жүрүшү жөнүндө маалымдады.
Цитата"Бирликтин стратегиялык документтеринде бажылык операцияларды аткарууда жана бажы контролун жүргүзүүдө санариптик технологияларды кеңири киргизүү каралган", – деди Данияр Иманалиев.
"Санариптик транспорт коридорлорун түзүү, бажы инфраструктурасын модернизациялоо жүктөрдүн бир кыйла активдүү жана тоскоолдуктарсыз өткөрүлүшү үчүн өбөлгө түзөт".
Хоссейн Кахки, өз кезегинде, Ирандын бажы кызматы да, эл аралык тажрыйбага жана Бүткүл дүйнөлүк бажы уюмунун аянтчасында түзүлгөн стандарттарга таянуу менен, бардык процесстерди санариптештирүүгө чоң көңүл бөлөт деп билдирди.
