Жаңылыктар

ЕАЭБдин мүчө мамлекеттеринин экономикаларынын туруктуулугун жогорулатуу боюнча чаралардын тизмесин ишке ашыруунун алкагында, ЕЭК Кеңеши 15-июлда бажы операциялары биринчи кезекте жүргүзүлө турган товарлардын тизмесин кеңейтти.

Кеңештин бул чечими кабыл алынганга чейин, биринчи кезектеги тартип ЕАЭБ Бажы кодексинде келтирилген товарлардын айрым категорияларына карата гана колдонулган.

Кошумча тизмеге майларды жана өсүмдүктөрдөн алынган майларды, декстриндерди жана башка модификацияланган крахмалдарды, диагностикалык реагенттерди жана майлар үчүн эмульгаторлорду чыгарууда алынган күнжаралар жана башка катуу калдыктар кирди.

ЕАЭБге товарлардын ушул категорияларын алып келген жактардын бажы операцияларын жүргүзүүнүн биринчи кезектеги тартибинен тышкары, бажы декларациясы берилгенге чейин, аларга карата товарларды чыгарууну колдонуу мүмкүнчүлүгү пайда болот. Бул иш жүзүндө бажы төлөмдөрүн кийинки айдын 10-күнүнө чейин пайызсыз кийинкиге калтырууга мүмкүнчүлүк берет.

Бул товарлар тамак-аш тармагында жана башка тармактарда кеңири колдонулат, алардын бир бөлүгү жаныбарлар үчүн баалуу азык болуп саналат жана жер семирткич катары колдонулат, башкалары медициналык, ветеринардык, илимий же өндүрүштүк лабораторияларда, ооруканаларда колдонулат.

Бажы операциялары биринчи кезекте жүргүзүлүүчү товарлардын категорияларынын диапазонун кеңейтүүнүн эсебинен бизнести колдоону күчөтүү менен каатчылыкка каршы иш-чаралардын топтомун аткаруу ЕАЭБ өлкөлөрүнүн өндүрүштүк жана башка ишканаларынын ишинин туруктуулугун камсыздоого өбөлгө түзөт.