Кытай Эл Республикасынын ТИМинин башчысы Цинь Ган Евразия экономикалык комиссиясынын Коллегиясынын Төрагасы Михаил Мясниковичке КЭРдин тышкы иштер министри болуп дайындалгандыгына байланыштуу куттуктоо каты үчүн ыраазычылык билдирди.

"Сиз — кытай элинин эски досусуз. "Бир алкак, бир жол" курулушун жана Евразия экономикалык бирлигин айкалыштыруунун алкагында кызматташтыкты жигердүү өнүктүрүүгө көмөк көрсөтүүнү улантуу үчүн Сиз менен жакшы жумушчу мамилелерди түзүүгө үмүттөнөм", – деп белгиледи Цинь Ган Михаил Мясниковичке жолдогон ыраазычылык катында.