Жаңылыктар
ЕЭКте Декларация – 2030ду ишке ашыруу боюнча планды даярдоонун жүрүшүн талкуулашты
22-ноябрда Евразия экономикалык комиссиясынын Интеграцияны өнүктүрүү департаментинин директору Микаел Беллуяндын төрагалыгы алдында өткөн кеңешменин алкагында ЕЭКтин профилдик блокторунун жана Евразия экономикалык бирлигинин өлкөлөрүнүн мамлекеттик органдарынын өкүлдөрү "Евразия экономикалык жолу" декларациясын ишке ашыруу боюнча иш-чаралар планынын долбоорун даярдоонун жүрүшүн талкуулашты.
Микаел Беллуян тармактык аянттарда Пландын долбоорун жеткире иштеп чыгуу боюнча учурдагы кырдаал жана аны макулдашууда келип чыккан айрым маселелер жөнүндө айтып берди.
Бирлик өлкөлөрүнүн өкүлдөрү Комиссиянын тармактык аянтчаларында аткарылган иштердин олуттуу көлөмүн, ошондой эле пландын долбоорунун айрым багыттарын макулдашуу боюнча жылыштарды белгилешти.
Талкуулардын жыйынтыгы боюнча Пландын долбоорун даярдоо боюнча мындан аркы иштин алгоритми макулдашылды.
