Жаңылыктар

Бул туурасында Евразия экономикалык комиссиясынын Бажы-тарифтик жана тарифтик эмес жөнгө салуу департаментинин директору Ваагн Казарян 2-апрелде Самаркандда (Өзбекстан) БУУнун Азия жана Тынч океан үчүн экономикалык жана социалдык комиссиясынын (ЭСКАТО) эгидасы астында өткөн соода жол-жоболорун жөнөкөйлөтүү боюнча 11-Азия-Тынч океан форумунун (APTFF) алкагында "Санариптештирүүнү алдыга карай өнүктүрүү — институционалдык демилгелерди колдоо" сессиясында сүйлөп жатып билдирди.

"Бирликте соода процесстерин санариптештирүүнүн негизги багыттары болуп товарларды идентификациялоо каражаттары менен маркалоо, тышкы жана ички электрондук сооданы өнүктүрүү, бизнес жана мамлекеттик органдар тарабынан тарифтик эмес жөнгө салуунун алкагында электрондук документтерди жана маалыматтарды колдонуу саналат", — деди ал.

Ваагн Казаряндын сөзү боюнча, Евразия экономикалык бирлигинде санариптик технологияларды киргизүүнүн негизги фокусу интеграциялык бирикменин ичинде да, үчүнчү өлкөлөрдүн өнөктөштөрү менен да соода жүргүзүү үчүн жагымдуу шарттарды түзүүгө багытталган.

ЕЭК департаментинин директору катышкан сессиянын алкагында, жеткирүүлөрдүн туруктуу тизмектеринде санариптик технологияларды киргизүү жана андан ары илгерилетүү үчүн санариптештирүүнү өнүктүрүү жана колдоо менен алектенген уюмдар тарабынан сунушталган инновациялар жана демилгелер талкууланды.

Иш-чаранын жүрүшүндө Дүйнөлүк почта бирлигинин, Борбордук Азиялык регионалдык экономикалык кызматташтык институтунун (CAREC Institute), БУУнун Европа экономикалык комиссиясынын (UNECE), Германиянын эл аралык кызматташтык коомунун (GIZ) жана башкалардын өкүлдөрү да сөз сүйлөштү.