Վարչության մասին

Արարողակարգի և կազմակերպական ապահովման վարչությունը Եվրասիական տնտեսական հանձնաժողովի կառուցվածքային ստորաբաժանում է:

Վարչության հիմնական նպատակներն են՝

• Եվրասիական բարձրագույն տնտեսական խորհրդի, Եվրասիական միջկառավարական խորհրդի, Հանձնաժողովի խորհրդի, Հանձնաժողովի կոլեգիայի նիստերի, Հանձնաժողովի կոլեգիայի նախագահի և Հանձնաժողովի կոլեգիայի անդամների մասնակցությամբ միջոցառումների արարողակարգային ապահովումը, Եվրասիական տնտեսական հանձնաժողովի կոլեգիայի անդամների և վարչությունների աշխատակիցների գործուղման կարգի ու պայմանների մասին հիմնադրույթի համաձայն Հանձնաժողովի կոլեգիայի անդամների և Հանձնաժողովի աշխատակիցների գործուղումների ապահովումը, ինչպես նաև Հանձնաժողովի կոլեգիայի նախագահի և Հանձնաժողովի կոլեգիայի անդամների հետ հանդիպումների համար ժամանող պատվիրակությունների ընդունման արարողակարգային ապահովումը.

• Բարձրագույն խորհրդի, Հանձնաժողովի խորհրդի և Հանձնաժողովի կոլեգիայի նիստերի, Հանձնաժողովի կոլեգիայի նախագահի և Հանձնաժողովի կոլեգիայի անդամների մասնակցությամբ միջոցառումների նախապատրաստման և անցկացման կազմակերպական ապահովումը.

• Հանձնաժողովի ղեկավարության և կառուցվածքային ստորաբաժանումների գործունեության փաստաթղթային և տեխնիկական ապահովումը.

• Հանձնաժողովի գործունեության ռազմավարական պլանավորումը.

• Եվրասիական տնտեսական միության մասին պայմանագրի անդամ պետությունների տնտեսությունների զարգացման սոցիալտնտեսական վերլուծությունը և կանխատեսումը.

• անդամ պետությունների տարածքում գիտատեխնոլոգիական զարգացման ոլորտում Հանձնաժողովի քաղաքականության իրականացման վերաբերյալ առաջարկների ձևավորումը.

• պաշտոնական տեղեկատվական ռեսուրսներում Հանձնաժողովի գործունեության մասին տեղեկատվության տեղադրման աշխատանքների պլանավորումը և իրականացումը, զանգվածային լրատվամիջոցների, անդամ պետությունների պետական իշխանության մարմինների, միջազգային կազմակերպությունների, առևտրային կառույցների հասարակայնության հետ կապերի ստորաբաժանումների հետ Հանձնաժողովի գործունեության հարցերով փոխգործակցությունը, զանգվածային լրատվամիջոցների հետ Հանձնաժողովի կոլեգիայի նախագահի և Հանձնաժողովի կոլեգիայի անդամների փոխգործակցության կազմակերպումը, Հանձնաժողովի կոլեգիայի նախագահին և Հանձնաժողովի կոլեգիայի անդամներին օբյեկտիվ տեղեկատվությամբ ապահովելու նպատակով բաց աղբյուրների հիման վրա տեղեկատվավերլուծական գործունեության պլանավորումը և իրականացումը.

• հրատարակչական գործունեության, պաշտոնական կայքի մշակման և զարգացման, խորհրդաժողովների, կլոր սեղանների և այլ հանրային միջոցառումների կազմակերպման հետ կապված հաղորդակցական նախագծերի իրականացման միջոցով Հանձնաժողովի գործունեության մասին օբյեկտիվ պատկերացման ձևավորումը.

• Հանձնաժողովի գործունեության ուղեկցում ձայնային, լուսանկարչական և տեսանյութերի պատրաստման մասով, Հանձնաժողովին առնչվող տպագրական նյութերի, մուլտիմեդիական արտադրանքի և նյութական նախագծերի նախապատրաստման և արտադրության ընթացքում միասնական ոճային մոտեցումներ և լուծումներ ապահովելու համար Հանձնաժողովի ֆիրմային ոճի մշակում, ներդրում և վերահսկում պատրաստման և արտադրության մեջ միասնական ոճական մոտեցումներ և լուծումներ ապահովելու համար. ինչպես նաև ուղեկցում հաղորդակցության այլ ձևաչափերով:

Վարչությունում ձևավորված են հետևյալ կառուցվածքային ստորաբաժանումները՝

• Կազմակերպական ապահովման բաժին

• Պլանավորման և վերահսկողության համահավաք բաժին

• Գործավարության և վերահսկողության բաժին

• Արարողակարգային ապահովման բաժին

• Մամուլի ծառայության բաժին

• Վերլուծական ուղեկցման բաժին

• Վիզային աջակցության և լեզվային հաղորդակցության բաժին