Տատառիցկի Վալենտին Բոլեսլավի

Կենսագրություն

Ծնվել է 1963 թվականի ապրիլի 21-ին Մինսկի մարզի Ստոլբցովսկի շրջանի Ժդանովիչի գյուղում:

1986 թվականին ավարտել է Մինսկի ռադիոտեխնիկական ինստիտուտը «կիսահաղորդիչներ և դիէլեկտրիկներ» մասնագիտությամբ։

1986 թվականից մինչև 1999 թվականը՝ «Գորիզոնտ» Մինսկի արտադրական միավորման «Սենսոր» գործարանի և դրա հիման վրա ստեղծված «Սիգնալ» միկրոէլեկտրոնիկայի գիտաարտադրական համալիրի տարբեր պաշտոնային մակարդակների ճարտարագետ:

1999 թվականից ղեկավար պաշտոններ է զբաղեցրել «Ռուդենսկ» ԲԲԸ-ում, իսկ 2009 թվականին նշանակվել է ընկերության տնօրեն։ Նույն թվականին ավարտել է Բելառուսի Հանրապետության Նախագահին առընթեր Կառավարման ակադեմիան «Տնտեսագիտություն և կառավարում արդյունաբերական ձեռնարկությունում» մասնագիտությամբ։

2015-2019 թվականներին՝ Բելառուսի Հանրապետության ստանդարտացման պետական կոմիտեի նախագահի առաջին տեղակալ։

2019-2024 թվականներին՝ Բելառուսի Հանրապետության ստանդարտացման պետական կոմիտեի նախագահ։

2024 թվականի փետրվարի 1-ից՝ Եվրասիական տնտեսական հանձնաժողովի տեխնիկական կարգավորման հարցերով կոլեգիայի անդամ (նախարար):

Ակտիվ մասնակցություն է ունեցել Բելառուսի ազգային տեխնիկական համալսարանի կրթական գործունեությանը՝ լինելով Չափագիտության, ստանդարտացման, համապատասխանության գնահատման և որակի կառավարման ոլորտում ուսանողների և մագիստրանտների ատեստավորման պետական քննական հանձնաժողովի նախագահը: 2023 թվականին նրան շնորհվել է «Բելառուսի ազգային տեխնիկական համալսարանի պատվավոր պրոֆեսորի» կոչումը։

Չափագիտության, ստանդարտացման, համապատասխանության գնահատման և որակի կառավարման հարցերով մի շարք հոդվածների հեղինակ է։

Պարգևատրվել է «Եվրասիական տնտեսական միության զարգացման գործում ունեցած ավանդի համար» մեդալով, Եվրասիական տնտեսական համաժողովի պատվոգրով, Եվրասիական տնտեսական հանձնաժողովի պատվոգրով։ Ստացել է «Տնտեսական անվտանգության ապահովման գործում ունեցած ավանդի համար» կրծքանշանը: Ստացել է Բելառուսի Հանրապետության Նախարարների խորհրդի, Բելառուսի Հանրապետության ազգային ժողովի ներկայացուցիչների պալատի և պետական այլ մարմինների խրախուսանքներ։