Татарицкий Валентин Болеславович
Биография
1963-жылдын 21-апрелинде Минск облусунун Столбцовский районундагы Ждановичи айылында туулган.
1986-жылы Минск радиотехникалык институтун "жарым өткөргүчтөр жана диэлектриктер" адистиги боюнча аяктаган.
1986-жылдан 1999-жылга чейин - "Горизонт" Минск өндүрүштүк бирикмесинин "Сенсор" заводунда жана анын базасында түзүлгөн "Сигнал" микроэлектроника илимий-өндүрүштүк комплексинде ар кандай кызматтык деңгээлдеги инженер болуп эмгектенген.
1999-жылдан "Руденск" ААКда жетекчи кызматтарды ээлеген, ал эми 2009-жылы анын директору болуп дайындалган. Ошол эле жылы Беларусь Республикасынын Президентине караштуу Башкаруу академиясын "Экономика жана өнөр жай ишканасындагы башкаруу" адистиги боюнча аяктаган.
2015-жылдан 2019-жылга чейин — Беларусь Республикасынын Стандартташтыруу боюнча мамлекеттик комитетинин төрагасынын биринчи орун басары.
2019-жылдан 2024-жылга чейин - Беларусь Республикасынын Стандартташтыруу боюнча мамлекеттик комитетинин төрагасы.
2024-жылдын 1-февралынан тарта — Евразия экономикалык комиссиясынын Коллегиясынын техникалык жөнгө салуу боюнча мүчөсү (министри) болуп дайындалды.
Техникалык жөнгө салуу, шайкештикти баалоо жана өлчөөлөрдүн бирдейлигин камсыздоо, сапат менеджменти чөйрөсүндө чоң практикалык иш тажрыйбасы бар.
Метрология, стандартташтыруу, шайкештикти баалоо жана сапат менеджменти жаатындагы студенттерди жана магистранттарды аттестациялоо боюнча Мамлекеттик экзамендик комиссиянын төрагасы болуу менен Беларусь улуттук техникалык университетинин билим берүү ишмердүүлүгүнө жигердүү катышкан. 2023-жылы ага "Беларусь улуттук техникалык университетинин Ардактуу профессору" наамы ыйгарылган.
Метрология, стандартташтыруу, шайкештикти баалоо жана сапатты башкаруу маселелери боюнча бир катар макалалардын автору.
"Евразия экономикалык бирлигин өнүктүрүүгө кошкон салымы үчүн" медалы, Евразия экономикалык форумунун Ардак грамотасы, Евразия экономикалык комиссиясынын Ардак грамотасы менен сыйланган. "Экономикалык коопсуздукту камсыздоого кошкон салымы үчүн" төш белгиси тапшырылган. Беларусь Республикасынын Министрлер Кеңешинин, Беларусь Республикасынын Улуттук жыйынынын Өкүлдөр палатасынын жана башка мамлекеттик башкаруу органдарынын сыйлыктары менен сыйланган.
