Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7170

22 հոկտեմբերի 2019 2019 թվականի հունվար-օգոստոս ամիսներին Մոնղոլիայի հետ ԵԱՏՄ-ի ապրանքաշրջանառության ծավալն ավելացել է 15%-ով Հոկտեմբերի 21-ին Եվրասիական տնտեսական հանձնաժողովի (ԵՏՀ) գլխավոր գրասենյակում կայացել է Հանձնաժողովի և Մոնղոլիայի կառավարության միջև փոխգործակցության հարցերով համատեղ աշխատանքային խմբի երրորդ նիստը։ Խմբի համանախագահներ՝ ԵՏՀ ինտեգրացիայի և մակրոտնտեսության հարցերով Կոլեգիայի անդամ (նախարար) Սերգեյ Գլազևը և Մոնղոլիայի արտաքին գործերի նախարարի տեղակալ Բաթմոնխին Բաթցեցեգը հաստատել են Համագործակցության հուշագրի իրականացման շրջանակներում արդյունավետ երկխոսության ընդլայնման ռազմավարական նպատակներին կողմերի կողմնակցությունը։

22 հոկտեմբերի 2019 ԵԱՏՄ-ում ստեղծելու են ռազմավարական պլանավորման համակարգով թվային ներդրումային պլատֆորմ՝ ինդուստրիական և ենթակառուցվածքային նախագծերի իրականացման համար Եվրասիական տնտեսական հանձնաժողովի (ԵՏՀ) Կոլեգիան հոկտեմբերի 21-ին քննարկել է Եվրասիական տնտեսական միության (ԵԱՏՄ) արդյունաբերական համագործակցության, մակրոտնտեսության, ներքին շուկայի գործունեության ոլորտին առնչվող հարցեր։

22 հոկտեմբերի 2019 ԵՏՀ նախարար Վերոնիկա Նիկիշինա. «Գերմանիան հանդիսանում է ԵԱՏՄ-ի երկրների կարևոր առևտրատնտեսական գործընկեր» Եվրասիական տնտեսական հանձնաժողովի (ԵՏՀ) առևտրի հարցերով Կոլեգիայի անդամ (նախարար) Վերոնիկա Նիկիշինան նշել է Եվրասիական տնտեսական միության (ԵԱՏՄ) պետություններում գործնական ներդրումային նախագծերի իրագործման մեջ գերմանական բիզնեսի էական դերը, հանդես գալով Նուր Սուլթանում (Ղազախստանի Հանրապետություն) կայացած գերմանական բիզնեսի «Եվրասիական տնտեսական միություն. նշանակությունը, նվաճումները, զարգացման հեռանկարները» III-րդ միջազգային կոնֆերանսին։

22 հոկտեմբերի 2019 ԵՏՀ նախարար Վիկտոր Նազարենկո. «Անարգելք առևտրի համար պայմանների ստեղծումը՝ ԵԱՏՄ-ի և ՉԺՀ-ի միջև տեխնիկական կարգավորման ոլորտում համագործակցության զարգացման կարևոր նախապայման է» «Եվրասիական տնտեսական միության և Չինաստանի Ժողովրդական Հանրապետության միջև առևտրատնտեսական համագործակցության մասին համաձայնագրի իրականացման շրջանակներում շատ անելիքներ կան տեխնիկական կարգավորման ոլորտում, նախ և առաջ՝ կողմերի արտադրանքի շուկա մուտք գործելու ընթացակարգերի պարզեցման ուղղությամբ», – հայտարարել է Եվրասիական տնտեսական հանձնաժողովի (ԵՏՀ) տեխնիկական կարգավորման հարցերով Կոլեգիայի անդամ (նախարար) Վիկտոր Նազարենկոն ՉԺՀ-ի Շուկայի կարգավորման հարցերով պետական կառավարման փոխնախարար Տիան Շիհոնգի հետ հոկտեմբերի 21-ին Շանհայում (Չինաստան) Միջազգային էլեկտրատեխնիկական հանձնաժողովի Գլխավոր ասամբլեայի նիստի շրջանակներում կայացած աշխատանքային հանդիպման ընթացքում։

22 հոկտեմբերի 2019 ԵՏՀ-ը նախապատրաստել է ԵԱՏՄ-ի պետությունների հարկային հմակարգերի ակնարկ Եվրասիական տնտեսական հանձնաժողովի (ԵՏՀ) Ֆինանսական քաղաքականության վարչությունը ներկայացրել է «ԵԱՏՄ-ի պետությունների հարկային հմակարգերի ակնարկ» զեկույցը։ Ակնարկում քննության են առնվել Եվրասիական տնտեսական միություն (ԵԱՏՄ) պետությունների՝ Հայաստանի Հանրապետության, Բելառուսի Հանրապետության, Ղազախստանի Հանրապետության, Ղրղզստանի Հանրապետության և Ռուսաստանի Դաշնության ազգային օրենսդրության փոփոխությունները։ Բացի այդ, կատարվել է դրանց հարկային համակարգերի վիճակի վերլուծություն, բերվում են հիմնական հարկերի դրույքաչափերը և այլ տեղեկատվական նյութեր։

21 հոկտեմբերի 2019 Ավարտվել է ԵԱՏՄ «Ատրակցիոնների անվտանգության մասին» տեխնիկական կանոնակարգի անցումային շրջանը Սույն թվականի հոկտեմբերի 18-ին անցումային շրջանն ավարտվելուց հետո դադարեցվել է այն ատրակցիոնների շրջանառության մեջ դրվելու հնարավորությունը, որոնց ազգային օրենսդրության պահանջներին համաատասխանության մասին գնահատման փաստաթղթերը տրվել են մինչև տեխնիկական կանոնակարգի ուժի մեջ մտնելու օրը, այսինքն՝ մինչև 2018 թվականի ապրիլի 18-ը։

21 հոկտեմբերի 2019 ԵՏՀ նախարար Վիկտոր Նազարենկո. «Հսկող և վերահսկող մարմինների արդյունավետ փոխգործակցությունն օգնելու է պաշտպանել ԵԱՏՄ շուկան վտանգավոր արտադրանքից» «Եվրասիական տնտեսական միության վերահսկող մարմինների փոխգործակցության ճիշտ կառուցված արդյունավետ համակարգն ապահովելու է շուկայում վտանգավոր արտադրանքի հայտնաբերումը և շրջանառությունից դուրս բերումը», – հայտարարել է Եվրասիական տնտեսական հանձնաժողովի (ԵՏՀ) Կոլեգիայի անդամ (Նախարար) Վիկտոր Նազարենկոն հոկտեմբերի 17-ին ԵՏՀ-ում իր նախագահության ներքո անցկացված բարձր մակարդակի խորհրդակցության ընթացքում։

21 հոկտեմբերի 2019 ԵՏՀ-ը և ՏԵԼԿԵՄ-ը ճշտել են երկկողմ համագործակցության ուղղությունները Տրանսպորտային, էքսպեդիտորական և լոգիստիկական կազմակերպությունների եվրասիական միությունը (ՏԷԼԿԵՄ) շարունակելու է հանդիսանալ Եվրասիական տնտեսական հանձնաժողովի (ԵՏՀ) տրանսպորտային բլոկի առանցքային գործընկերի բիզնեսի և տրանսպորտային կազմակերպությունների շահերից ելնելով տրանսպորտի ոլորտում խնդրահարույց հարցերի և խոչընդոտների հայտնաբերման աշխատանքի շրջանակներում։ Այդպիսի պայմանավորվածություն է ձեռք բերվել Նովոռոսիյսկում (Ռուսաստանի Դաշնություն) կայացած ՏԵԼԿԵՄ-ի Խորհրդի նիստին, որին մասնակցել են ԵՏՀ-ի ներկայացուցիչները։

Ցուցադրել ավելին