Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7096

30 սեպտեմբերի 2019 Բիշքեկում կայացած «Եվրասիական շաբաթ – 2019» համաժողովին ԵՏՀ ներկայացրել է կրիպտոարժույթների և բլոկչեյնի ուղղությամբ աշխատանքի արդյունքները Կրիպտոարժույթների և բլոկչեյնի կարգավորման հնարավոր ուղիները ներկայացվել են Եվրասիական տնտեսական հանձնաժողովի (ԵՏՀ) ««Զարգացնել չի կարելի կանգնեցնել» – Եվրասիական տնտեսական միությունում (ԵԱՏՄ) կրիպտոարժույթների և բլոկչեյնի կարգավորման խնդիրները և հեռանկարները։ Ինչպե՞ս դասավորել ճիշտ շեշտերը» շնորհանդեսի ընթացքում, որը կայացել է «Եվրասիական շաբաթ – 2019» IV-րդ միջազգային ցուցահանդեսային համաժողովի ընթացքում

30 սեպտեմբերի 2019 Եվրասիական տնտեսական հանձնաժողովը աջակցելու է ԵԱՏՄ-ում ԱԱՀ-ի թվային էկոհամակարգի ստեղծմանը «Թվային վերափոխման կարևոր տարր է՝ ագրոարդյունաբերական համալիրի էկոհամակարգի ստեղծումը։ Եվ այստեղ անհրաժեշտ է միջանցիկ ճյուղային մոտեցում, երբ մենք շարժվում ենք նախագծային գործունեության միջոցով արագ ռազմավարական պլանավորման սկզբունքով։ Լոգիստիկան չի կարելի դիտարկել ագրոարդյունաբերության ամբողջ գործընթացից առանձին։ ԱԱՀ-ի թվային էկոհամակարգը պետք է իր մեջ ներառի ամբողջ կենսացիկլը՝ սկսած ագրոարտադրանքի արտադրությունից, տեղափոխումից, սպառումից և օգտահանումից։ Եթե մենք նշենք այդ համակարգի բոլոր տարրերը մեկնարկի ժամանակ և սկսենք դրանք զուգահեռ զարգացնել՝ միայն այդ դեպքում ամեն ինչ կստացվի», – ընդգծել է Եվրասիական տնտեսական հանձնաժողովի (ԵՏՀ) ներքին շուկաների, թվայնացման, տեղեկատվական հաղորդակցական տեխնոլոգիաների հարցերով Կոլեգիայի անդամ (նախարար) Կարինե Մինասյանը Բիշքեկում «Եվրասիական շաբաթ – 2019» միջազգային համաժողովի շրջանակներում կայացած «Ագրոարդյունաբերական համալիրի արտահանման լոգիստիկա. Միջազգային թվային պլատֆորմ» փորձագիտական քննարկման ընթացքում։

30 սեպտեմբերի 2019 Տիմուր Ժակսիլիկովը ղրղզ դասախոսներին և ուսանողներին պատմել է ԵԱՏՄ-ում բիզնեսի վարման պայմանների բարելավման մասին Եվրասիական տնտեսական հանձնաժողովի (ԵՏՀ) կողմից բիզնեսի վարման պայմանների բարելավման, մտավոր սեփականության իրավունքների պահպանման և պաշտպանության և, ընդհանրապես, ծառայությունների, կապիտալի և աշխատուժի ազատության ապահովման մակարդակի բարձրացման մասին պատմել է ԵՏՀ տնտեսության և ֆինանսական քաղաքականության հարցերով Կոլեգիայի անդամ (նախարար) Տիմուր Ժակսիլիկովը Բիշքեկի Ժ. Բալասաղնի անվան Ղրղզական ազգային համալսարանում դասախոսության ընթացքում։

30 սեպտեմբերի 2019 ԵՏՀ նախարար Սերիկ Ժումանգարին. «Համաշխարհային հաջողված պրակտիկաների փորձարկումը մեզ թույլ կտա բարձրացնել ԵԱՏՄ-ի անդրսահմանային շուկաներում արդար մրցակցության պահպանմանն ուղղված աշխատանքի արդյունավետությունը» Եվրասիական տնտեսական հանձնաժողովի (ԵՏՀ) մրցակցության և հակամենաշնորհային կարգավորման հարցերով Կոլեգիայի անդամ (նախարար) Սերիկ Ժումանգարինը հանդիպել է Անդյան միության (ԱՄ) գլխավոր քարտուղար Խորխե Էրնանդո Պեդրաս Գուտյերեսի հետ Եվրասիական տնտեսական հանձնաժողովի (ԵՏՀ) գլխավոր գրասենյակում Մոսկվայում։

30 սեպտեմբերի 2019 Տիգրան Սարգսյան. «Որոշումների ընդունման արագությունը՝ մարտահրավեր է մեր Միության համար, այդ թվում՝ տարանցումային ներուժի իրագործման ոլորտում» Տարանցման ներուժի արդիական հարցերը պանելային նստաշրջանին քննարկել են Եվրասիական տնտեսական միության (ԵԱՏՄ) երկրների փոխվարչապետները և Եվրասիական տնտեսական հանձնաժողովի (ԵՏՀ) Կոլեգիայի նախագահ Տիգրան Սարգսյանը «Եվրասիական մայրցամաքի տարանցման ներուժը» միջազգային համաժողովի շրջանակներում։ Միջոցառումն անցկացվել է սեպտեմբերի 30-ին Երևանում «Թումո» ստեղծարար տեխնոլոգիաների կենտրոնում։

27 սեպտեմբերի 2019 ԵԱՏՄ-ի և Իրանի ձեռնարկատերերի միավորումները «Եվրասիական շաբաթ»-ին ստորագրել են համագործակցության մասին հուշագիր «Եվրասիական շաբաթ – 2019» IV-րդ միջազգային ցուցահանդեսային համաժողովի հարթակում տեղի է ունեցել Եվրասիական տնտեսական միության (ԵԱՏՄ) Գործարար խորհրդի և Իրանի առևտրի, արդյունաբերության, հանքերի և գյուղատնտեսության հարցերով պալատի միջև Համագործակցության մասին հուշագրի ստորագրման հանդիսավոր արարողությունը։ Այդ իրադարձությունը դարձել է Իրանի Իսլամական Հանրապետության հետ գործարար գործընկերության զարգացման շարունակությունը, որի շրջանակներում այս տարի ավելի վաղ ստորագրվել էր ԵԱՏՄ-ի և Իրանի միջև ազատ առևտրի գոտու ստեղծմանը միտված ժամանակավոր համաձայնագիրը։

27 սեպտեմբերի 2019 ԵՏՀ նախարար Կարինե Մինասյան. «Թվային հետագծելիությունը բարձրացնում է ինքնակարգապահությունը և վստահությունը՝ ԵԱՏՄ-ի ներքին շուկայում անարգելք միջավայրի հիմքերը» Ապրանքների, ծառայությունների, կապիտալի և աշխատուժի տեղաշարժի ազատությունը՝ առասպել թե իրականություն։ Այդ թեման քննարկվել է «Եվրասիական շաբաթ – 2019» համաժողովի շրջանակներում սեպտեմբերի 26-ին ծավալված «ԵԱՏՄ-ի ներքին շուկա. Առասպելներ և իրականություն» բանավեճի ընթացքում.

27 սեպտեմբերի 2019 ԵՏՀ խթանում է ԵԱՏՄ-ի իրական հատվածում նորարարությունների ներդրումը «Հենց իրական հատվածում է տեղի ունենում բարձր տեխնոլոգիական և գիտատար իրազեկությունների համակենտրոնացում։ Հետազոտությունների ինտենսիվացման համար արդեն գործարկվել է միջպետական ծրագրերի մեխանիզմը։ Արդյունաբերական կոոպերացիայի հետագա զարգացումը և խորացումը, գործող արտադրությունների տեղայնացման բարձրացումը հնարավոր է ակտիվների համախմբման և եվրասիական անդրազգային ընկերությունների ստեղծման շրջանակներում», – հայտարարել է Եվրասիական տնտեսական հանձնաժողովի (ԵՏՀ) արդյունաբերության և ագրոարդյունաբերական համալիրի հարցերով Կոլեգիայի անդամ (նախարար) Ալեքսանդր Սուբոտինը Բիշքեկում (Ղրղզստան) անցկացված «Եվրասիական շաբաթ» միջազգային համաժողովի շրջանակներում կայացած «ԵԱՏՄ-ի երկրների արդյունաբերությունում և ագրոարդյունաբերական համալիրում համատեղ ծրագրերը և նախագծերը որպես եվրասիական ինտեգրացիայի զարգացման ժամանակակից թրենդ» պանելային նստաշրջանին։

Ցուցադրել ավելին