Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7076

02 հուլիսի 2020 Միխայիլ Մյասնիկովիչը Մինսկում անցկացրել է աշխատանքային հանդիպումներ Եվրասիական տնտեսական հանձնաժողովի Կոլեգիայի նախագահ Միխայիլ Մյասնիկովիչը Բելառուս կատարած աշխատանքային այցի շրջանակներում անցկացրել է մի շար երկկողմ հանդիպումներ, այդ թվում՝ Բելառուսի Հանրապետության վարչապետի տեղակալ Իգոր Պետրիշենկոյի, Բելառուսի Հանրապետության հարկերի և տուրքերի գծով նախարար Սերգեյ Նալիվայկոյի և Բելառուսի Հանրապետության Պետական մաքսային կոմիտեի նախագահ Յուրի Սենկոյի հետ։

02 հուլիսի 2020 Միխայիլ Մյասնիկովիչը հանդիպել է Եվրասիական միջկառավարական խորհրդի նախագահ, Բելառուսի Հանրապետության վարչապետ Ռոման Գոլովչենկոյի հետ Բելառուսի Հանրապետություն կատարած աշխատանքային այցի շրջանակներում, Եվրասիական տնտեսական հանձնաժողովի Կոլեգիայի նախագահ Միխայիլ Մյասնիկովիչը հուլիսի 2-ին հանդիպել է Եվրասիական միջկառավարական խորհրդի նախագահ, Բելառուսի Հանրապետության վարչապետ Ռոման Գոլովչենկոյի հետ։

02 հուլիսի 2020 Վիկտոր Նազարենկո. «Շուկայում պետք է մնան համապատասխանության գնահատման՝ միայն իրավասու և բարեխիղճ մարմինները» Եվրասիական տնտեսական միություն ներմուծվող արտադրանքի համապատասխանության գնահատման համակարգի վերաֆորմատավորմանը նոր մոտեցումը քննարկել են ԵՏՀ տեխնիկական կարգավորման հարցերով նախագահ Վիկտոր Նազարենկոյի նախագահությամբ կայացած Միության լիազորված մարմինների ներկայացուցիչների հետ ճյուղային խորհրդակցությանը։

01 հուլիսի 2020 ԵԱՏՄ երկրների գլխավոր սանիտարական բժիշկները քննարկել են միջազգային տրանսպորտային հաղորդակցության վերսկսման հեռանկարները ԵԱՏՄ երկրներում միջազգային տրանսպորտային հաղորդակցության վերսկսման հեռանկարները և Մինսկում Եվրասիական միջկառավարական խորհրդի նիստին հակահամաճարակային տեսանկյունից նախապատրաստման հարցերը քննարկել է Միության սանիտարահամաճարակաբանական բարեկեցության ոլորտում լիազորված մարմինների ղեկավարների խորհուրդը։

30 հունիսի 2020 ԵԱՏՄ երկրներն անցկացնելու են պետգնումների ոլորտում խնդրահարույց հարցերի շուրջ խորհրդատվություններ Եվրասիական տնտեսական հանձնաժողովի նախաձեռնությամբ տեսակոնֆերանսի ռեժիմում կայացել է ԵՏՀ Կոլեգիայի նախագահ Միխայիլ Մյասնիկովիչի և Հանձնաժողովի Կոլեգիայի անդամ (նախարարներ) Սերիկ Ժումանգարինի և Գեղամ Վարդանյանի աշխատանքային խորհրդակցությունը Ռուսաստանի Դաշնության արդյունաբերության և առևտրի նախարար Դենիս Մանտուրովի հետ։

26 հունիսի 2020 Հունիսի 26-ից սննդամթերքը ԵԱՏՄ-ում մակնշվում է «ԳՄՕ» նշանով, եթե այն արտադրելիս օգտագործել են գենետիկորեն մոդիֆիկացված օրգանիզմներ Այս տարվա հունիսի 26-ից Եվրասիական տնտեսական միության երկրներում ավարտվել է «Սննդամթերքի մակնշման մասին» միութենական տեխնիկական կանոնակարգի՝ գենետիկորեն մոդիֆիկացված օրգանիզմների կիրառմամբ ստացված սննդամթերքի «ԳՄՕ» նշանով մակնշմանը վերաբերող փոփոխությունների ուժի մեջ մտնելու անցումային շրջանի գործողությունը։ Փոփոխություններն ընդունվել են Հանձնաժողովի Խորհրդի 2017 թվականի դեկտեմբերի 20-ի N 90 որոշմամբ և ուժի մեջ են մտել 2018 թվականի դեկտեմբերի 26-ից։

22 հունիսի 2020 ԵՏՀ էլեկտրաէներգետիկայի հարցերով խորհրդատվական կոմիտեն մանրամասնել է ԵԱՏՄ ընդհանուր էլեկտրաէներգետիկական շուկայի ձևավորման «ճանապարհային քարտեզը» Եվրասիական տնտեսական միության հինգ երկրի ընդհանուր էլեկտրաէներգետիկական շուկայի (ԸԷՇ) ձևավորման միջոցառումների «ճանապարհային քարտեզը» հաստատվել է Էլեկտրաէներգետիկայի հարցերով խորհրդատվական կոմիտեի 13-րդ նիստին։ Դրանով ճշգրտվում և մանրամասնվում են ընդհանուր շուկայի ստեղծման աշխատանքի միջանկյալ փուլերը։ Կորոնավիրուսային վարակի տարածման կանխարգելմանն ուղղված միջոցների պատճառով՝ հեռակա ռեժիմով անցկացված միջոցառման արձանագրությունը ստորագրել է ԵՏՀ էներգետիկայի և ենթակառուցվածքի հարցերով Կոլեգիայի անդամ (նախարար) Էմիլ Կայկիևը։ Այսպիսով շարունակվում է ԵԱՏՄ ԸԷՇ-ի ձևավորման աշխատանքը, այն պետք է սկսի գործել 2025 թվականի հունվարի 1-ից ոչ ուշ։

22 հունիսի 2020 Չինաստան գյուղատնտեսական արտադրանքի երկաթուղային առաքման ցանցը կարող է ընդլայնվել ամբողջ ԵԱՏՄ-ում ՉԺՀ գյուղատնտեսական արտադրանքի երկաթուղային առաքման ցանցը կարող է ընդլայնվել ամբողջ Եվրասիական տնտեսական միության տարածքով։ Անդամ պետությունների հետ համապատասխան հնարավորության մշակումը ներառվել է Եվրասիական տնտեսական հանձնաժողովի և «Ռուսական երկաթուղիներ» ԲԲԸ-ի (ՌԺԴ) միջև փոխգործակցության «ճանապարհային քարտեզում»։ Փաստաթուղթը հաստատվել է ԵՏՀ առևտրի հարցերով նախարար Անդրեյ Սլեպնյովի և «ՌԺԴ»-ի գլխավոր տնօրեն՝ վարչության նախագահ Օլեգ Բելոզերովի հանդիպման ընթացքում։

Ցուցադրել ավելին