Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7076

29 հուլիսի 2020 Երկարաձգվել են հրագործական արտադրատեսակների տեխնիկական կանոնակարգի ստանդարտների կիրառման ժամկետները ԵՏՀ Կոլեգիան 2020 թվականի հուլիսի 1-ից մինչև 2023 թվականի հուլիսի 1-ը երկարաձգել է Միության «Հրագործական արտադրատեսակների անվտանգության մասին» (ՄՄ ՏԿ 016/2011) տեխնիկական կանոնակարգի ստանդարտների ցանկում ներառված՝ Ռուսաստանի Դաշնության ԳՕՍՏ Ռ 51270-99 «Արտադրատեսակներ հրագործական․ Անվտանգության ընդհանուր պահանջներ» և ԳՕՍՏ Ռ 51271-99 «Արտադրատեսակներ հրագործական․ Փորձարկման մեթոդներ» երկու ազգային ստանդարտների կիրառման ժամկետը։

23 հուլիսի 2020 ԵԱՏՄ-ի և Թաիլանդի համագործակցության հեռանկարները քննարկել են բիզնես համաժողովի շրջանակներում COVID-19 համավարակից հետո առևտրատնտեսական համագործակցության վերականգնման հարցերն ուշադրության կենտրոնում էին հուլիսի 22-ին տեսակոնֆերանսի ռեժիմով անցկացված «Ռուսաստան – Թաիլանդ» բիզնես համաժողովին։

21 հուլիսի 2020 2021 թվականի հունվարի 1-ից մաքսային հայտարարագրի մեջ ապրանքների ծագման մասին տեղեկությունները արտացոլվելու են նորովի Ապրանքների հայտարարագրի լրացման կարգի փոփոխության մասին Եվրասիական տնտեսական հանձնաժողովի Կոլեգիայի համապատասխան որոշման ուժի մեջ մտնելու վերաբերյալ պայմանավորվածությունները Եվրասիական միջկառավարական խորհրդի անդամների կողմից ձեռք են բերվել Մինսկում կայացած նիստի ընթացքում։

21 հուլիսի 2020 ԵԱՏՄ երկրների գլխավոր սանիտարական բժիշկները քննարկել են COVID-19-ի պայմաններում Միության փաստաթղթերի նախապատրաստումը և գործող սահմանափակումների թուլացումը Եվրասիական տնտեսական միության սանիտարահամաճարակային բարեկեցության ոլորտում լիազորված մարմինների ղեկավարների նիստին ներկայացվել է տեղեկատվություն ԵԱՏՄ-ում կորոնավիրուսային վարակի և այլ վարակիչ հիվանդությունների տարածման կանխարգելմանն ուղղված՝ առողջապահության և սանիտարահամաճարակային բարեկեցության ոլորտում միջոցառումների պլանը Միջկառավարական խորհրդի կողմից հաստատվելու, ինչպես նաև Միության մաքսային տարածքում և մաքսային սահմանին «կանաչ միջանցքների (տրանսպորտային երթուղիների)» օբյեկտների աշխատանքի կազմակերպմանը ներկայացվող ժամանակավոր սանիտարահամաճարակային պահանջներին ԵՏՀ Կոլեգիայի կողմից հավանություն տրվելու մասին։

21 հուլիսի 2020 ԵՏՀ-ը սկսում է պետական գնումների նպատակներով ԵԱՏՄ-ի շրջանակներում ապրանքի ծագման երկիրը հաստատող ակտերի մշակումը Եվրասիական միջկառավարական խորհուրդն ընդունել է պետական գնումների իրականացման ժամանակ ԵԱՏՄ-ի արտադրողների համար անհրաժեշտ՝ ապրանքի ծագման երկրի որոշման վերաբերյալ կարգադրությունը։

21 հուլիսի 2020 ԵԱՏՄ-ում կանխատեսվում է արտաքին առևտրի դրական մնացորդ և լրիվ ինքնաապահովում գյուղատնտեսական արտադրանքի հիմնական տեսակներով։ Եվրասիական տնտեսական հանձնաժողովի Կոլեգիան հուլիսի 21-ին հավանություն է տվել ագրոարդյունաբերական համալիրի զարգացման համատեղ կանխատեսումներին, գյուղատնտեսական արտադրանքի, պարենի, վուշի մանրաթելերի, կաշվե հումքի, բամբակի մանրաթելի և բրդի մասով ԵԱՏՄ պետությունների 2020-2021 թվականների պահանջարկի և առաջարկի հաշվեկշիռներին։ Հետագայում փաստաթուղթը քննարկվելու է ԵՏՀ Խորհրդին և Եվրասիական միջկառավարական խորհրդին։

17 հուլիսի 2020 Հայաստանը վերացրել է պետական գնումներին ԵԱՏՄ երկրների բիզնեսի մասնակցության համար խոչընդոտը Եվրասիական տնտեսական հանձնաժողովի որոշման կատարման շրջանակներում Հայաստանի Հանրապետությունը վերացրել է խոչընդոտը, որը կապված էր Հայաստանի ֆինանսների նախարարության էլեկտրոնային պորտալում պետական գնումների մասին ռուսերեն լեզվով տեղեկատվության բացակայության հետ։ Եվրասիական տնտեսական միության բոլոր երկրները ընդունել են, որ խոչընդոտն իսկապես վերացվել է։

17 հուլիսի 2020 Միջկառավարական խորհուրդը հավանություն է տվել տիեզերական ծառայությունների ոլորտում ԵԱՏՄ երկրների առաջին միջպետական ծրագրին Եվրասիական միջկառավարական խորհուրդը հուլիսի 17-ին հավանություն է տվել Երկրի հեռահար զոնդավորման (ԵՀԶ) տվյալների հիման վրա տիեզերական և աշխարհատեղեկատվական ծառայությունների տրամադրման ոլորտում Եվրասիական տնտեսական միության առաջին գլոբալ համագործակցական նախագծին՝ միջպետական ծրագրին։

Ցուցադրել ավելին