Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7076

07 սեպտեմբերի 2018 ԵՏՀ մի շարք փաստաթղթեր է հաստատել դեղերի ընդհանուր շուկայի գործունեության համար Եվրասիական տնտեսական հանձնաժողովի (ԵՏՀ) Կոլեգիայի սեպտեմբերի 7-ի նիստին քննարկվել են էներգետիկայի, տեխնիկական կարգավորման, դեղագործության և առևտրի ոլորտներում առկա խնդիրները: Մասնավորապես, ԵՏՀ Կոլեգիան հաստատել է դեղերի ընդհանուր շուկայի գործունեության հետ կապված մի շարք փաստաթղթեր և հավանություն է տվել Եվրասիական տնտեսական միության (ԵԱՏՄ) էլեկտրաէներգետիկական ընդհանուր շուկայի մասին Արձանագրությանը:

06 սեպտեմբերի 2018 ԵՏՀ փորձագետները խորհրդակցություններ են անցկացրել Ղրղզստանի գործարար ոլորտի համար Եվրասիական տնտեսական միության (ԵԱՏՄ) անդրսահմանային շուկաներում մրցակցության մասին «Սպիտակ գիրքը» Եվրասիական տնտեսական հանձնաժողովի (ԵՏՀ) մրցակցություն և հակամենաշնորհային կարգավորման հարցերով բլոկի մասնագետները ներկայացրել են սեպտեմբերի 6-ին` Բիշքեկում (Ղրղզստան) կայացած հանրային ըմդունարանի արտագնա նիստի շրջանակներում: Այս հրատարակությունը ԵԱՏՄ անդրսահմանային շուկաներում գործող գործարար համայնքի տեղեկագիրն է: Ժողովածուում հասանելի ձևով բացատրվում են Միության ընդհանուր շուկաներում մրցակցության պաշտպանության իրավական հիմքերը, գործընկերների հակամրցակցային գործողությունների հետևանքով գործարարության իրավունքների խախտման դեպքում Հանձնաժողովին բողոք ներկայացնելու կարգն ու հիմքը:

06 սեպտեմբերի 2018 ԵՏՀ-ը և Միջազգային հարկային ասոցիացիան պայմանավորվել են համագործակցել Եվրասիական տնտեսական հանձնաժողովը (ԵՏՀ) Եվրասիական տնտեսական միության (ԵԱՏՄ) հարկային օրենսգիրքը կատարելագործելիս կիրառելու է Միջազգային հարկային ասոցիացիայի փորձագիտական գնահատականները: Բացի այդ, կազմակերպությունները նախատեսում են Փոխըմբռնման հուշագիր կնքել և հարկային հարցերով համատեղ միջոցառումներ անցկացնել: Այդ մասին պայմանավորվել են Եվրասիական տնտեսական հանձնաժողովի (ԵՏՀ) տնտեսության և ֆինանսական քաղաքականության հարցերով Կոլեգիայի անդամ (նախարար) Տիմուր Ժակսիլիկովը, Միջազգային հարկային ասոցիացիայի (International Fiscal Association, IFA) նախագահ Մյուրեյ Քլեյսոնը և կազմակերպության գլխավոր քարտուղար Ժան-Բլեյզ Էկկերտը` IFA 72-րդ Կոնգրեսին, որը տեղի ունեցել սեպտեմբերի 2-ից մինչև 6-ը Սեուլում (Կորեայի Հանրապետություն):

30 օգոստոսի 2018 ԵԱՏՄ շրջանակներում թվային արդյունաբերական կոոպերացիայի նախագիծը նոր հնարավորություններ է ստեղծում բիզնեսի համար Միության շրջանակներում թվային արդյունաբերական կոոպերացիայի ցանցի ձևավորման նախաձեռնության նախնական փորձաքննությունն անցկացվել է Եվրասիական տնտեսական հանձնաժողովի (ԵՏՀ) ներքին շուկաների, տեղեկատվայնացման, տեղեկատվական-հաղորդակցական տեխնոլոգիաների հարցերով Կոլեգիայի անդամ (նախարար) Կարինե Մինասյանի նախագահության ներքո ԵՏՀ, բիզնեսի և Եվրասիական տնտեսական միության (ԵԱՏՄ) պետական մարմինների փորձագետների մասնակցությամբ անցկացված փորձագիտական հարթակի նիստի ընթացքում։ Նախատեսվում է, որ արդեն հոկտեմբերին նախագծային փաստաթղթերը կներկայացվեն անդամ պետությունների քննարկմանը, իսկ այնուհետ դրանք կդիտարկի Հանձնաժողովի Խորհուրդը։ Նախաձեռնությունը կարող է իրագործվել 2019 թվականին։

29 օգոստոսի 2018 ԵՏՀ-ը սահմանել է գյուղատնտեսական արտադրանքի սակագնային քվոտաներ և հաստատել էքսպրես-բեռների համար ապրանքների հայտարարագրի ձևը Եվրասիական տնտեսական հանձնաժողովի (ԵՏՀ) Կոլեգիայի օգոստոսի 28-ին կայացած նիստին քննարկվել են առևտրի և մաքսային համագործակցության ոլորտին առնչվող հարցեր։ Մասնավորապես, ԵՏՀ Կոլեգիան սահմանել է 2019 թվականի սակագնային քվոտաները երրորդ երկրներից ներկրվող գյուղատնտեսական ապրանքների որոշ տեսակների նկատմամբ, հաստատել է էքսպրես-բեռների համար ապրանքների հայտարարագրի ձևը և նրա լրացման կարգը, ընդունել է եվրասիական ինտեգրացիայի խորացմանն ուղղված մի շարք այլ որոշումներ։

28 օգոստոսի 2018 ԵՏՀ-ն օգնելու է Հայաստանին ամրապնդել կենսաթոշակային ապահովման և ԵԱՏՄ պետությունների շուկաներ հայկական բիզնեսի մուտքի իրավական հիմքերը Եվրասիական տնտեսական միության (ԵԱՏՄ) երկրներում աշխատավորների Կենսաթոշակային ապահովման մասին համաձայնագրի նախագծի շրջանակներում Հայաստանի քաղաքացիների սոցիալական պաշտպանվածության մակարդակի բարձրացման հարցերը Երևանում քննարկել են Եվրասիական տնտեսական հանձնաժողովի (ԵՏՀ) տնտեսության և ֆինանսական քաղաքականության հարցերով Կոլեգիայի անդամ (նախարար) Թիմուր Ժակսիլիկովը, Հայաստանի Հանրապետության փոխվարչապետ Մհեր Գրիգորյանը և աշխատանքի և սոցիալական հարցերի նախարար Մանե Թանդիլյանը։

28 օգոստոսի 2018 ԵՏՀ-ն ավարտել է Եվրասիական տնտեսական միության դեղամիջոցների միասնական շուկայի ձևավորումը Այդ մասին հայտնել է Եվրասիական տնտեսական հանձնաժողովի (ԵՏՀ) տեխնիկական հարցերով Կոլեգիայի անդամ (նախարար) Վալերի Կորեշկովը «Ռուսաստանը և աշխարհը։ Դեղագործական շուկայի աճի ներուժի կառավարում» միջազգային մասնակցությամբ Համաշխարհային GMP- գիտաժողովին։«Մենք կատարել ենք հիմնական խնդիրը, որը մեր առջև դրվել էր Եվրասիական տնտեսական միության (ԵԱՏՄ) շրջանակներում․ բնակչության և առողջապահության մասնագետների համար ապահովել անվտանգ, որակյալ և արդյունավետ դեղային պատրաստուկների հասանելիությունը։ Ստեղծվել է դեղամիջոցների միասնական շուկայի աշխատանքի համար իրավական և տեղեկատվական բազա», - գիտաժողովի մասնակիցներին հայտնել է ԵՏՀ նախարարը։

28 օգոստոսի 2018 ԵԱՏՄ-ը և Ֆարերյան կղզիները բացել են համագործակցության նոր էջը Եվրասիական տնտեսական հանձնաժողովի (ԵՏՀ) և Ֆարերյան կղզիների կառավարության միջև Փոխըմբռնման մասին հուշագիրը օգոստոսի 23-ին Տորսխավնում (Ֆարերյան կղզիներ) ստորագրել են ԵՏՀ ինտեգրման և մակրոտնտեսության հարցերով Կոլեգիայի անդամ (նախարար) Տատյանա Վալովայան և Ֆարերյան կղզիների արտաքին գործերի և առևտրի նախարար Պոուլ Միխելսոնը։ Փաստաթուղթը Հանձնաժողովի և ֆարերական կողմի միջև երկարատև բանակցությունների արդյունքն է դարձել և արտացոլում է լիարժեք համագործակցության խորացմանն ուղղված գործընկերների տրամադրվածությունը։

Ցուցադրել ավելին