Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7081

31 օգոստոսի 2019 Տիգրան Սարգսյանը Ղրղզստանի ժողովրդին շնորհավորել է Անկախության օրվա կապակցությամբ Եվրասիական տնտեսական հանձնաժողովի (ԵՏՀ) Կոլեգիայի նախագահ Տիգրան Սարգսյանն օգոստոսի 31-ին մասնակցել է Մոսկվայում «Կուզմինկի Լյուբլինո» պետական արգելոց թանգարանում կայացած «Ղրղզստանը հօգուտ եվրասիական միասնության» էթնամշակութային տոնին։ Միջոցառումը զուգադիպեցվել է Ղրղզստանի Հանրապետության Անկախության օրվան և կազմակերպվել է Ռուսաստանի Դաշնությունում Ղրղզստանի Հանրապետության Դեսպանության կողմից, ղրղզական համայնքի հասարակական կազմակերպությունների հետ համատեղ։

29 օգոստոսի 2019 ԵՏՀ-ը պատմել է ԵԱՏՄ-ի երկրներում կայուն և ինկլյուզիվ աճին հասնելու մոտեցումների մասին ՄԱԿ-ի Կայուն զարգացման նպատակներին (ՄԱԿ ԿԶՆ) հասնելու համար Եվրասիական տնտեսական միության (ԵԱՏՄ) ինտեգրումային ներուժի օգտագործման հնարավորությունների մասին պատմել են Եվրասիական տնտեսական հանձնաժողովի (ԵՏՀ) ներկայացուցիչները ՄԱԿ-ի ԿԶՆ-ների իրականացման հարցերով ԷՍԿԱՏՕ-ի (Հյուսիսային և Կենտրոնական Ասիա) երկրների Բուլան-Սոգոտույում (Ղրղզստան) կայացած համաժողովին։ Ներկայացվել են նաև ԵԱՏՄ-ի պետությունների, առաջատար և զարգացող երկրների տնտեսությունների ինկլյուզիվության գնահատման արդյունքները։

28 օգոստոսի 2019 ԵԱՏՄ-ի երկրներում բիզնեսի վարման համար հարմարավետ պայմանների ստեղծումը քննարկելու են «Եվրասիական շաբաթ – 2019» համաժողովին Եվրասիական տնտեսական միության (ԵԱՏՄ) երկրներում բիզնես կլիմայի բարելավումը, համակարգային միջոցների ձեռնարկումը և ձեռնարկատիրական գործունեության իրականացման համար ենթակառուցվածքի ապահովումը հանդիսանում են Միության կայուն ներքին զարգացման, ինչպես նաև արտաքին առևտրային գործընկերների և օտարերկրյա ներդրողների համար դրա գրավչության կարևոր գործոններ։

28 օգոստոսի 2019 ԵԱՏՄ-ը և Իրանը անցնում է առևտրի արտոնյալ պայմանների Եվրասիական տնտեսական հանձնաժողովի (ԵՏՀ) Կոլեգիայի նախագահ Տիգրան Սարգսյանը և Ռուսաստանի Դաշնությունում Իրանի Իսլամական Հանրապետության Արտակարգ և լիազոր դեսպան Մեհդի Սանային փոխանակվել են Եվրասիական տնտեսական միության (ԵԱՏՄ) և Իրանի միջև ազատ առևտրի գոտու ձևավորմանը միտված ժամանակավոր համաձայնագրի ուժի մեջ մտնելու համար անհրաժեշտ ընթացակարգերն ավարտելու մասին նոտաներով ԵՏՀ-ում օգոստոսի 28-ին կայացած հանդիպման ընթացքում։ Դա նշանակում է, որ արդեն հոկտեմբերի 27-ին համաձայնագիրը սկսելու է գործել։

27 օգոստոսի 2019 ԵՏՀ-ը և «Մակդոնալդսը» քննարկել են համագործակցության հեռանկարները Թռչնի մսի անվտանգության մասին տեխնիկական կանոնակարգը գտնվում է պատրաստության բարձր աստիճանում և արդեն աշնանը կարող է քննարկվել Եվրասիական տնտեսական հանձնաժողովի (ԵՏՀ) Կոլեգիային։ Այդ մասին հայտնել է ԵՏՀ Կոլեգիայի նախագահ Տիգրան Սարգսյանը Ռուսաստանում «Մակդոնալդս» ընկերության գլխավոր տնօրեն Մարկ Կարենայի հետ Հանձնաժողովի գլխավոր գրասենյակում կայացած հանդիպմանը։ Կողմերը քննարկել են այն հարցերի շուրջ համագործակցության հնարավորությունները, որոնք կարող են առնչվել ընկերության և, ընդհանուր առմամբ, Եվրասիական տնտեսական միության (ԵԱՏՄ) երկրների ձեռնարկատիրական համայնքի և ընկերության բիզնեսի հետ։ Խոսքն առաջին հերթին վերաբերում է սննդամթերքի տեխնիկական կանոնակարգերին։

23 օգոստոսի 2019 Մոգիլյովում քննարկել են վերելակային սարքավորումների արտադրության ոլորտում արդյունաբերական կոոպերացման հարցեր Եվրասիական տնտեսական միության (ԵԱՏՄ) երկրների հետ արդյունաբերական համագործակցության ոլորտում Մոգիլյովի մարզի պոտենցիալ հնարավորությունները՝ Եվրասիական տնտեսական հանձնաժողովի (ԵՏՀ) արդյունաբերության և ագրոարդյունաբերական համալիրի հարցերով Կոլեգիայի անդամ (նախարար) Ալեքսանդր Սուբոտինը քննարկել է Մոգիլյովի մարզային գործադիր կոմիտեի նախագահ Լեոնիդ Զայացի և «Մոգիլյովլիֆտմաշ» ԲԲԸ-ն գլխավոր տնօրեն Բորիս Կովալևսկու հետ։ Հանդիպումները կայացել են օգոստոսի 23-ին Մոգիլյովում, Բելառուսի Հանրապետություն։

22 օգոստոսի 2019 ԵՏՀ-ի փորձագետները պատմել են ԵԱՏՄ մասին պայմանագրում փոփոխությունների մասին Եվրասիական տնտեսական միության (ԵԱՏՄ) անդրսահմանային շուկաներում առողջ մրցակցության ապահովման համար կանխարգելման և նախազգուշացման մեխանիզմների կիրառումը հնարավոր է դարձել ԵԱՏՄ մասին պայմանագրում իրականացված փոփոխությունների շնորհիվ։ Մեխանիզմների իրականացումը մանրամասն քննարկվել է Եվրասիական տնտեսական հանձնաժողովի (ԵՏՀ) Մրցակցության և հակամենաշնորհային կարգավորման հարցերով բլոկի հասարակական ընդունարանի Վիտեցվում կայացած նիստի շրջանակներում։ Դա ընթացիկ տարվա օգոստոսի համար պլանավորված երեք նիստից երկրորդն է։

22 օգոստոսի 2019 ԵԱՏՄ-ը և Ֆիլիպինները զարգացնում են առևտրատնտեսական համագործակցությունը Եվրասիական տնտեսական միության (ԵԱՏՄ) անդամ պետությունների և Ֆիլիպինների առևտրատնտեսական համագործակցության զարգացման հեռանկարները կողմերի ուշադրության կենտրոնում էին Եվրասիական տնտեսական հանձնաժողովի (ԵՏՀ) Ինտեգրման և մակրոտնտեսության հարցերով Կոլեգիայի անդամի (նախարարի) օգնական Ֆյոդոր Չերնիցինի և Ֆիլիպինների արդյունաբերության և առևտրի նախարարի տեղակալ Սեֆերինո Ռոդոլֆոյի համդիպման ընթացքում։ Բանակցությունները տեղի են ունեցել ԵՏՀ-ի գլխավոր գրասենյակում օգոստոսի 21-ին՝ ռուս-ֆիլիպինական միջկառավարական հանձնաժողովի 2-րդ նիստի նախաշեմին։

Ցուցադրել ավելին