Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7081

12 ապրիլի 2019 Ռուսաստանը ԵԱՏՄ երկրների համար բացում է ծրագրային ապահովման պետական գնումների շուկան Ռուսաստանի Դաշնության թվային զարգացման, կապի և զանգվածային հաղորդակցությունների նախարարությունը հայտնել է Եվրասիական տնտեսական միության (ԵԱՏՄ) անդամ պետությունների էլեկտրոնային հաշվիչ մեքենաների և տվյալների բազաների համար ծրագրերի Միասնական գրանցամատյանի շահագործման մեջ դրվելու մասին։ Ծրագրային պրոդուկտների գրանցամատյանում ներառումը ԵԱՏՄ երկրներից դրանց իրավատերերին թույլ է տալիս Ռուսաստանում ռուսաստանյան ընկերությունների հետ հավասար մասնակցել պետական գնումներին։

10 ապրիլի 2019 ԵՏՀ-ի և ՖԱՕ-ի 2015-2018 թվականներին նախատեսված միջոցառումներն ամբողջությամբ կատարվել են Այդ մասին հայտնել է Եվրասիական տնտեսական հանձնաժողովի (ԵՏՀ) Կոլեգիայի արդյունաբերության և ԱԱՀ հարցերով անդամ (նախարար) Ալեքսանդր Սուբոտինը Հռոմում կայացած Միավորված ազգերի կազմակերպության Պարենի և գյուղատնտեսության կազմակերպության (ՖԱՕ) Խորհրդի 161-րդ նստաշրջանին։

21 մարտի 2019 Վաշինգտոնում քննարկել են ԵԱՏՄ-ում բիզնեսի վարման պայմանները «Աշխարհում պրոտեկցիանիստական միտումների աճի ֆոնի վրա Եվրասիական տնտեսական միությունը (ԵԱՏՄ) շարունակում է հավատարիմ մնալ բաց տնտեսության և արդար միջազգային մրցակցության սկզբունքներին: Մենք տրամադրված ենք համագործակցելու օտարերկրյա պետությունների և տարածաշրջանային հիմնական տնտեսական միավորումների հետ», – նման հայտարարություն է արել Եվրասիական տնտեսական հանձնաժողովի (ԵՏՀ) Ինտեգրման և մակրոտնտեսության հարցերով Կոլեգիայի անդամի (նախարարի) օգնական Ֆյոդոր Չերնիցինը «Բիզնես ենք վարում Եվրասիական տնտեսական միության հետ» կոնֆերանսի ժամանակ:

19 մարտի 2019 ԵՏՀ և Բժշկական ապրանքների գլոբալ անվանացանկի գործակալությունը ստորագրել են Փոխըմբռնման հուշագիր Եվրասիական տնտեսական հանձնաժողովի (ԵՏՀ) և Բժշկական ապրանքների գլոբալ անվանացանկի գործակալության միջև Փոխըմբռնման հուշագիրը ստորագրել են ԵՏՀ Տեխնիկական կարգավորման հարցերով Կոլեգիայի անդամ (նախարար) Վիկտոր Նազարենկոն և Գործակալության գործադիր տնօրեն Մարկո Վասմուտը:

19 մարտի 2019 ԵԱՏՄ և ԵՄ միջև հարաբերությունների զարգացման հեռանկարները քննարկվել են Բրյուսելում Եվրասիական տնտեսական միության(ԵԱՏՄ) և Եվրոպական միության (ԵՄ) միջև հարաբերությունների նորմալացման հարցերը քննարկվել են Բրյուսելում՝ «Առաջին երկխոսություն. միացնելով Եվրասիան` Ատլանտյան օվկիանոսից մինչև Խաղաղ օվկիանոս» համաժողովին, որին մասնակցել է Եվրասիական տնտեսական հանձնաժողովի (ԵՏՀ) Ինտեգրման և մակրոտնտեսության հարցերով Կոլեգիայի անդամ (նախարար) Տատյանա Վալովայան:

14 մարտի 2019 Ռուսաստանյան բիզնեսի շաբաթվա մասնակիցների 57% -ը զգացել են Եվրասիական ինտեգրման ազդեցությունը Եվրասիական տնտեսական միության (ԵԱՏՄ) պետությունների բիզնեսը գնալով ավելի է ներկառուցվում ինտեգրումային գործընթացներում, դառնալով դրանց ակտիվ մասնակից: Մոսկվայում մարտի 11-ից մինչև 15-ն անցկացվող Ռուսաստանյան բիզնեսի շաբաթվա ժամանակ հարցման ընթացքում հարցվողների 30% -ը նշել են, որ Եվրասիական ինտեգրումն ուղղակիորեն ազդում է իրենց բիզնեսի վրա, ևս 27% -ը նշել են ԵԱՏՄ անուղղակի ազդեցություն մասին՝ գործընկերների, կոնտրագենտների, արտադրանքի սպառողների միջոցով:

14 մարտի 2019 ԵՏՀ-ում տեղի է ունեցել Եվրասիական «հնգյակի» արդյունաբերության նախարարների առաջին հանդիպումը Հանդիպումը տեղի է ունեցել մարտի 13-ին Եվրասիական տնտեսական հանձնաժողովի (ԵՏՀ) գլխավոր գրասենյակում: Նախարարները քննարկել են Եվրասիական տնտեսական միությունում (ԵԱՏՄ) միասնական արդյունաբերական քաղաքականության ձևավորման մոտեցումները և համագործակցական նախագծերի իրականացման հեռանկարները:

04 մարտի 2019 Մեկնարկել է ԵՏՀ և ԵԱՏՄ ազգային հակամենաշնորհային մարմինների համատեղ նախաձեռնությունը բժշկական տեխնիկայի շուկաներում մրցակցության պաշտպանության ուղղությամբ Եվրասիական տնտեսական հանձնաժողովը (ԵՏՀ) և Եվրասիական տնտեսական միության (ԵԱՏՄ) երկների հակամենաշնորհային մարմինները որոշում են ընդունել՝ այս տարվա մարտից մրցակցության պաշտպանության համատեղ հասարակական նախաձեռնության իրագործումը սկսելու մասին: «Առաջին հերթին, այս մեխանիզմը կսկսի աշխատել մրցակցային սահմանափակումներին առավելապես հակված շուկաներում՝ բժշկական տեխնիկայի և բժշկական նշանակության ապրանքների», – հայտարարել է ԵՏՀ մրցակցության և հակամենաշնորհային կարգավորման հարցերով Կոլեգիայի անդամ (նախարար) Մարատ Կուսաինովը՝ ԵԱՏՄ ազգային հակամենաշնորհային մարմինների ղեկավարների հետ «5+1» ձևաչափով փետրվարի 27-ին կայացած խորհրդակցության արդյունքներով:

Ցուցադրել ավելին