Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7085

24 սեպտեմբերի 2019 Ապրանքների, կապիտալի, աշխատուժի և ծառայությունների ազատ տեղաշարժի համար պայմանների ստեղծումը դառնում է հզոր ազդակ ԵԱՏՄ-ի պետությունների տնտեսական աճի համար Այդ մասին հայտարարել է Եվրասիական տնտեսական հանձնաժողովի (ԵՏՀ) տնտեսության և ֆինանսական քաղաքականության հարցերով Կոլեգիայի անդամ (նախարարի) քարտուղարության ղեկավար Ասկար Կիշկեմբաևը «Եվրասիական տնտեսական միության մասին պայմանագրի հնգամյակը. Դատարանի դերը» միջազգային կոնֆերանսին։ Միջոցառումը տեղի է ունեցել սեպտեմբերի 19-ից 20-ը Մինսկում (Բելառուսի Հանրապետություն)։

24 սեպտեմբերի 2019 ԵՏՀ-ը խորացնում է Ստանդարտացման միջազգային կազմակերպության հետ համագործակցությունը Եվրասիական տնտեսական հանձնաժողովի (ԵՏՀ) և Ստանդարտացման միջազգային կազմակերպության (ԻՍՕ) միջև համագործակցության մասին հուշագիրը կարող է ստորագրվել, հաշվի առնելով այդ կազմակերպության կողմից միջազգային և տարածաշրջանային ուղղություններով փոխգործակցության քաղաքականության վերանայումը։ Այդպիսի հնարավորությունը քննարկել են ԵՏՀ Տեխնիկական կարգավորման և հավատարմագրման վարչության տնօրեն Տիմուր Նուրաշևը և ԻՍՕ-ի գլխավոր քարտուղար Սերխիո Մուխիկան Քեյփթաունում (Հարավ-Աֆրիկյան Հանրապետություն) կայացած ԻՍՕ-ի Գլխավոր վեհաժողովի 42-րդ նիստի շրջանակներում։

24 սեպտեմբերի 2019 Որոշվել են «Եվրասիական թվային պլատֆորմներ» նորարարական նախագծերի միջազգային մրցույթի Ղրղզստանի Հանրապետությունում անցկացված կիսաեզրափակիչի հաղթողները 2019 թվականին Ղրղզստանի Հանրապետությունում «Եվրասիական թվային պլատֆորմներ» նորարարական նախագծերի միջազգային մրցույթի կիսաեզրափակիչի հաղթողներ են ճանաչվել E-Agro-Map (էլեկտրոնային գյուղատնտեսական քարտեզներ), «Վեստ Ասիա» (արտադրական տեղամասում անհամապատասխանությունների և անսարքությունների ֆիքսման թվային համակարգ) և MyCargo.su (ԵԱՏՄ-ի պետություններում բեռնափոխադրումների համար մարքեթփլեյս)։

23 սեպտեմբերի 2019 Եվրասիական շաբաթ»-ի IV-րդ լիագումար նիստին ԵՏՀ-ը և բիզնեսը քննարկելու են ԵԱՏՄ-ի նոր տնտեսական քաղաքականությունը Արդեն մեկ շաբաթ անց Եվրասիական տնտեսական միության (ԵԱՏՄ) իշխանության մարմինների և բիզնեսի ներկայացուցիչները, զարգացման ինստիտուտների մասնագետները, ֆինանսական կարգավորիչները, փորձագետները հավաքվելու են Ղրղզստանի Հանրապետության մայրաքաղաք Բիշքեկում «Եվրասիական շաբաթ» IV-րդ միջազգային ցուցահադեսային համաժողովին։ Սեպտեմբերի 25-ին կայանալիք լիագումար նիստի թեման են հանդիսանալու Եվրասիական բիզնես տարածքի մարտահրավերները և հեռանկարները։

23 սեպտեմբերի 2019 ԵՏՀ նախարար Վիկտոր Նազարենկո. « ԵԱՏՄ-ում ապրանքների տեղաշարժի ազատությանը հասել ենք այդ թվում տեխնիկական կարգավորման համակարգի ստեղծման շնորհիվ» Եվրասիական տնտեսական հանձնաժողովը (ԵՏՀ) Եվրասիական տնտեսական միության (ԵԱՏՄ) երկրների լավագույն մասնագետների և բիզնեսի ներկայացուցիչների հետ միասին մշակում է տասից ավելի նոր տեխնիկական կանոնակարգ։ Դրանք, մասնավորապես, սահմանելու են միութենական պետություններում տրամվայների և մետրոպոլիտենի շարժակազմի, թռչնի մսի և դրա վերամշակման արտադրանքի, կերերի և կերային հավելումների նկատմամբ անվտանգության միասնական պահանջեր։ Այդ մասին հայտարարել է ԵՏՀ տեխնիկական կարգավորման հարցերով Կոլեգիայի անդամ (նախարար) Վիկտոր Նազարենկոն Մինսկում (Բելառուս) Եվրասիայի երիտասարդ առաջնորդների «ԵԱՏՄ. հաջողության պատմություններ» համաժողովին։

23 սեպտեմբերի 2019 ԵՏՀ-ը հանդես է գալիս ԵԱՏՄ-ի մետաղագործների և մեքենաշինարարների միջև համագործակցության խորացման օգտին Այդ մասին հայտարարվել է Ռուսաստանի առևտրաարդյունաբերական պալատի (ՌԴ ԱԱՊ) հարթակում ՌԴ ԱԱՊ-ի արդյունաբերական զարգացման և Ռուսաստանի տնտեսության մրցունակության հարցերով խորհրդի «Մեքենաշինություն և մետաղագործություն. այնուամենայնիվ ինչպես ամրապնդել համագործակցությունը» թեմայով նիստի շրջանակներում։

23 սեպտեմբերի 2019 ԵՏՀ-ը խորացնում է Ֆիլիպինների հետ փոխգործակցությունը Եվրասիական տնտեսական հանձնաժողովի (ԵՏՀ) Ֆիլիպինների Հանրապետության Կառավարության միջև փոխգործակցության մասին հուշագիր ստորագրելու առաջարկն արվել է ԵՏՀ տեխնիկական կարգավորման հարցերով Կոլեգիայի անդամ (նախարար) Վիկտոր Նազարենկոն Ֆիլիպինների Հանրապետության գյուղատնտեսության նախարարի տեղակալ Ուալդո Կարպիոյի գլխավորած Ֆիլիպինների պետական մարմինների և բիզնեսի ներկայացուցիչների հետ սեպտեմբերի 23-ին Հանձնաժողովի գլխավոր գրասենյակում կայացած հանդիպման ընթացքում։

23 սեպտեմբերի 2019 Երրորդ երկրների և միավորումների հետ երկխոսության, գործընկերության և վստահության մթնոլորտի ստեղծումը՝ ԵՏՀ-ի կարևորագույն առաջնայնությունն է։ Եվրասիական տնտեսական հանձնաժողովի (ԵՏՀ) Կոլեգիայի նախագահ Տիգրան Սարգսյանը մասնակցել է Եվրասիայի խոսնակների «Մեծ Եվրասիան. Երկխոսություն, Վստահություն, Գործընկերություն» չորրորդ համաժողովին, որը սեպտեմբերի 23-ից 24-ը անցկացվում է Նուր Սուլթանում (Ղազախստան)։

Ցուցադրել ավելին