Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7085

11 հուլիսի 2018 ԵՏՀ-ն Ռուսաստանի Արդյունաբերության և առևտրի նախարարության հետ քննարկել է ԵԱՏՄ արդյունաբերական դաշինքի վեցամյա աշխատանքի արդյունքները Եվրասիական տնտեսական հանձնաժողովը (ԵՏՀ) ձևավորել է Եվրասիական տնտեսական միությունում (ԵԱՏՄ) համաձայնեցված արդյունաբերական քաղաքականության իրականացման մոտեցումներ, որոնք արժանացել են «հնգյակի» երկրների հավանությանը և ներառվել ԵԱՏՄ մասին պայմանագրում: Սա թույլ տվեց Եվրասիական տնտեսական հանձնաժողովի արդյունաբերական դաշինքի ինտեգրացիոն աշխատանքներում մի շարք ուղղություններով էական գործնական արդյունքների հասնել: Ռուսաստանի Դաշնության Արդյունաբերության և առևտրի նախարարությունում կայացած` 2012-2018 թվականների ընթացքում ԵԱՏՄ արդյունաբերական դաշինքի աշխատանքների արդյունքներին նվիրված աշխատանքային հանդիպման ժամանակ այսպիսի հայտարարությամբ հանդես եկավ ԵՏՀ Արդյունաբերության և ագրոարդյունաբերական համալիրի հարցերով Կոլեգիայի անդամ (նախարար) Սերգեյ Սիդորսկին:

10 հուլիսի 2018 Ղրղզստանում կվերացվի ԵԱՏՄ երկրների ապրանքների նկատմամբ վերահսկիչ գների նվազագույն շեմի կիրառման տեսքով խոչընդոտը Եվրասիական տնտեսական հանձնաժողովի (ԵՏՀ) նիստին քննարկվել են Եվրասիական տնտեսական միության (ԵԱՏՄ) մաքսային կարգավորման, մրցակցության ու ներքին շուկաների գործունեության հարցեր: ԵՏՀ-ն նշում է, որ Ղրղզստանի Հանրապետությունը պատրաստակամ է վերացնել փոխադարձ առևտրում առկա խոչընդոտը, դադարեցվել է անբարեխիղճ մրցակցության հատկանիշների մասին գործի քննությունը, դասակարգվել է կամրջային կռունկը, հաստատվել է Հիմնադրույթը Հանձնաժողովի հավաստող կենտրոնի մասին:

09 հուլիսի 2018 Կաթնամթերքը կաթ պարունակող մթերքից տարբերելը կհեշտանա Սպառողները հեշտությամբ կտարբերեն կաթ պարունակող մթերքը կաթնային յուղի փոխարինողի ավելացմամբ կամ առանց դրա: Այս նպատակով մակնշման վերաբերյալ մի շարք ճշգրտումներ են կատարվում: «Կաթի և կաթնամթերքի անվտանգության մասին» Մաքսային միության կանոնակարգին համապատասխան փոփոխությունները ընդունվել են Եվրասիական տնտեսական հանձնաժողովի Խորհրդի 2017 թվականի նոյեմբերի 10-ի N 102 որոշմամբ և ուժի մեջ կմտնեն այս տարվա հուլիսի 16-ին:

09 հուլիսի 2018 Իրանի հետ ժամանակավոր համաձայնագիրը, որը տանում է ԱԱԳ-ի ստեղծմանը, կարող է կրկնապատկել Բելառուսի արտահանման ծավալները Համաձայն փորձագետների կանխատեսումների, ժամանակավոր համաձայնագրի կնքման արդյունքում, որը կհանգեցնի Եվրասիական տնտեսական միության (ԵԱՏՄ) և Իրանի Իսլամական Հանրապետության միջև ազատ առևտրի գոտու ձևավորմանը, Բելառուսի Հանրապետությունից այդ երկիր արտահանման ծավալը կարող է կրկնապատկվել: Հուլիսի 9-ին Մինսկում` Բելառուսի Հանրապետության դիվանագիտական ներկայացուցչությունների ու հյուպատոսական հիմնարկների ղեկավարների ամենամյա աշխատաժողովի ընթացքում նման կարծիք հայտնեց Եվրասիական տնտեսական հանձնաժողովի (ԵՏՀ) Առևտրի հարցերով Կոլեգիայի անդամ (նախարար) Վերոնիկա Նիկիշինան:

06 հուլիսի 2018 ԵՏՀ-ն և ԱՄՖԿ-ն քննարկեցին համագործակցության հեռանկարները «Աստանա» միջազգային ֆինանսական կենտրոնի (ԱՄՖԿ) պաշտոնական բացումից հետո վերջինիս համագործակցությունը Եվրասիական տնտեսական միության (ԵԱՏՄ) ինստիտուտների ու Եվրասիական տնտեսական հանձնաժողովի (ԵՏՀ) միջև կարող է հիմք հանդիսանալ ֆինանսական շուկաների զարգացման հարցերով փոխգործակցության համար: Այսպիսի կարծիք է հայտնել ԵՏՀ Տնտեսության և ֆինանսական քաղաքականության հարցերով Կոլեգիայի անդամ (նախարար) Տիմուր Ժակսիլիկովը, ելույթ ունենալով Աստանայում Astana Finance Days կոնֆերանսի շրջանակներում կայացած «ԵՏՀ – ԱՄՖԿ. Համագործակցության հորիզոններ» թեմայով լիագումար նստաշրջանին:

06 հուլիսի 2018 Տատյանա Վալովայա. «Թեպետ կրիպտոարժույթների գոյությունը վիճելի է, ֆինանսական տեխնոլոգիաների հետ կապված թվային տնտեսության ատրիբուտները զարգանալու են» Եվրասիական տնտեսական հանձնաժողովի (ԵՏՀ) ինտեգրման և մակրոտնտեսության նախարար Տատյանա Վալովայան, հանդես գալով «Բլոկչեյն-տեխնոլոգիաների ու կրիպտոարժույթների ազդեցությունը ԵԱՏՄ շրջանակներում համաձայնեցված մակրոտնտեսական քաղաքականության իրագործման և ընդհանուր ֆինանսական շուկայի ձևավորման վրա» թեմայով պանելային նստաշրջանին, կարևորել է «Աստանա» միջազգային ֆինանսական կենտրոնի (ԱՄՖԿ) բացումը` որպես համաշխարհային ու եվրասիական ֆինանսական համակարգի մի մասի: Միջոցառումը կայացել է հուլիսի 4-ին` ԱՄՖԿ բացման պաշտոնական արարողությանը նվիրված Astana Finance Days կոնֆերանսի շրջանակներում: Միջոցառման մոդերատորը ԵՏՀ նախարարն էր:

06 հուլիսի 2018 Սերգեյ Սիդորսկի. «Սինգապուրի հետ ԵԱՏՄ համագործակցության հեռանկարային ուղղություններն են արդյունաբերական համալիրների արդիականացմանը ներդրումների ներգրավումը և համատեղ արդյունաբերական-նորարարական ենթակառուցվածքի ձևավորումը» Եվրասիական տնտեսական հանձնաժողովը (ԵՏՀ) հետաքրքրված է Սինգապուրի և, ընդհանուր առմամբ, Հարավ-Արևելյան Ասիայի պետությունների ընկերակցության հետ կառուցողական փոխգործակցություն հաստատելու գործում, որի նպատակն է` առևտրատնտեսական և արդյունաբերական ոլորտում երկխոսության զարգացումը, փոխշահավետ համատեղ նախագծերի իրագործումը, համագործակցության նոր ճարտարապետության ստեղծումը: Սա է հայտարարել ԵՏՀ Արդյունաբերության և ագրոարդյունաբերական համալիրի հարցերով Կոլեգիայի անդամ (նախարար) Սերգեյ Սիդորսկին Սինգապուրի Հանրապետության Առևտրի և արդյունաբերության պետական նախարար Կո Պո Կունի հետ աշխատանքային հանդիպմանը:

06 հուլիսի 2018 Ղազախստանի Հանրապետությունը ներկայացրեց թվային նախաձեռնությունները ԵԱՏՄ թվային օրակարգի իրականացման շրջանակներում Հուլիսի 4-ին Աստանայում կայացած «Ղազախստանի Հանրապետության թվային նախաձեռնությունները ԵԱՏՄ թվային օրակարգի իրականացման շրջանակներում» թեմայով կլոր սեղանի ընթացքում Ղազախստանի գործարար համայնքը ներկայացրեց պոտենցիալ նախաձեռնությունները, որոնք կարող են իրականացվել Եվրասիական տնտեսական միության (ԵԱՏՄ) թվային օրակարգի շրջանակներում. «Բաց տվյալները օգտագործում», «Բաց թվային հարթակ փոքր և միջին բիզնեսի համար» և «Էլեկտրոնային լիցենզավորում»:

Ցուցադրել ավելին