арм

Նորություններ

ԵՏՀ ԶԼՄ-ներում Ֆոտոսրահ Տեսադարան
02 ապրիլի 2025 ԵՏՀ-ն ներկայացրել է ֆինանսական կոոպերացիայի մեխանիզմը բարձր տեխնոլոգիական ապրանքների ցուցահանդեսներում Եվրասիական տնտեսական հանձնաժողովի պատվիրակությունը մասնակցել է Մոսկվայում «Էքսպոկենտրոնի» հարթակում կայացած «Ֆոտոնիկա. Լազերների և օպտիկայի աշխարհը» միջազգային մասնագիտացված ցուցահանդեսին: Ձեռնարկատերերին, գիտնականներին, ոլորտի մասնագետներին ներկայացվել է Եվրասիական տնտեսական միությունում կոոպերացիոն նախագծերի ֆինանսավորման մեխանիզմ։ Կարևորելով ԵԱՏՄ շրջանակներում ֆոտոնիկայի զարգացումը՝ ԵՏՀ արդյունաբերական քաղաքականության վարչության փոխտնօրեն Վիտալի Վովկն ընդգծել է, որ այս առաջադեմ ոլորտն անքակտելիորեն կապված է տեխնոլոգիական ինքնիշխանության և տնտեսության բազում կարևոր ոլորտների զարգացման հետ, ներառյալ հաստոցաշինությունը, էլեկտրոնային մեքենաշինությունը, դեղագործական արտադրությունը, ագրոարդյունաբերական համալիրը, անօդաչու տրանսպորտի, այդ թվում՝ թռչող սարքերի արտադրությունը։ «Անհրաժեշտ է Միության երկրների կառավարությունների և բիզնեսի ջանքերն ուղղել ֆոտոնիկայի՝ որպես տնտեսության ինքնուրույն, շուկայի և ներդրումների համար առևտրային առումով գրավիչ հատվածի կայացմանը, – համոզված է Վիտալի Վովկը։ – Դրա համար, առաջին հերթին, անհրաժեշտ են մշակողներին և արտադրողներին աջակցելու գործիքներ, որոնք կերաշխավորեն ոլորտի արագացված զարգացումը: Նման արդյունավետ գործիք կարող է դառնալ արդյունաբերական կոոպերացիայի ֆինանսավորման մեր նոր մեխանիզմը»։ Նկատի ունենալով, որ ֆոտոնիկան գիտատար ուղղություն է, հարկ է ընդգծել, որ ձևավորված միութենական բյուջեն ենթադրում է ոչ միայն նոր արտադրական օբյեկտների ֆինանսավորում և գոյություն ունեցողների արդիականացում։ Ծրագիրը նախատեսում է գիտահետազոտական և փորձակոնստրուկտորական աշխատանքների ծախսեր, որոնց նպատակն է արդյունաբերական արտադրանքի յուրացումն և արտադրությունը: Ֆինանսական կոոպերացիայի մեխանիզմի մասին ԵՏՀ ներկայացուցիչները պատմել են նաև «Էլեկտրո-2025» միջազգային ցուցահանդեսում՝ տնտեսական զարգացման գոտիներում և տեխնոպարկերում նոր արտադրությունների ստեղծմանը նվիրված նստաշրջանի մասնակիցներին։
01 ապրիլի 2025 Բակիտժան Սագինտաևը շնորհավորել է Մասուդ Փեզեշքիանին Իրանի Իսլամական Հանրապետության օրվա առթիվ Այսօր Իրանը նշում է ազգային տոնը՝ Իսլամական Հանրապետության օրը։ Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևը Իրանի Իսլամական Հանրապետության նախագահ Մասուդ Փեզեշքիանին և Իրանի ամբողջ ժողովրդին շնորհավորել է այս տոնի առթիվ։ «Համոզված եմ, որ ԵԱՏՄ պետությունների և Իրանի միջև փոխշահավետ համագործակցությունը կշարունակի խորանալ՝ ի շահ մեր երկրների ժողովուրդների», — նշել է ԵՏՀ Կոլեգիայի ղեկավարը շնորհավորական նամակում։ Հանձնաժողովի և անձամբ իր անունից Բակիտժան Սագինտաևը Իրանին մաղթել է տնտեսական բարգավաճում և բարեկեցություն։ 2024 թվականի դեկտեմբերի 26-ից Իրանը Եվրասիական տնտեսական բարձրագույն խորհրդի որոշմամբ ունի ԵԱՏՄ-ին կից դիտորդ պետության կարգավիճակ։
01 ապրիլի 2025 Եվրասիական տնտեսական հանձնաժողովում նշել են Նաուրիզի տոնը Եվրասիական տնտեսական հանձնաժողովում կայացել է հանդիսավոր միջոցառում, որը նվիրված էր Նաուրիզին՝ աշխարհի, այդ թվում՝ Եվրասիական տնտեսական միության երկրների ամենակարևոր տոներից մեկին։ Նաուրիզը խորհրդանշում է Նոր տարին, գարնան գալուստը և դրա հետ կապված բնության նորացումը: Այն մարմնավորում է զարգացում և բարգավաճում, ներդաշնակություն և միասնություն, հոգատարություն և հյուրընկալություն: «Այսօր մենք միասին ինտեգրացիոն միավորում ենք կառուցում, որը հիմնված է հավասարության, բարեկամության, ստեղծագործման սկզբունքների վրա։ Սա նաև Նաուրիզ տոնի փիլիսոփայության հիմքն է», — միջոցառման հյուրերին դիմել է ԵՏՀ Կոլեգիայի նախագահ Բակիտժան Սագինտաևը։ Հանձնաժողովի կենտրոնակայանը մեկ օրով վերածվել էր Արևելքի գունեղ մի անկյունի. այստեղ յուրդեր էին տեղադրվել, փռվել նախշավոր գորգեր, բացել էին գեղանկարչության ցուցահանդես, կազմակերպել արհեստների վարպետության դասեր։ Տոնի ստեղծագործական բովանդակությունը ապահովել էին ԵՏՀ աշխատակիցները՝ նրանց կատարմամբ հնչել են երգեր, գործիքային կոմպոզիցիաներ, ցուցադրվել պարային համարներ, որոնց հիմքում դրված էին ժողովրդական ավանդույթներն ու սովորույթները։ Միջոցառման ընթացքում տեղի է ունեցել նաև ազգային ուտեստների համտես։ 2009 թվականին ՅՈՒՆԵՍԿՕ-ն Նաուրիզ տոնը ներառել է մարդկության ոչ նյութական մշակութային ժառանգության ցանկում։ Տոնը որպես նոր տարվա սկիզբ նշում է ավելի քան 300 միլիոն մարդ ամբողջ աշխարհում, այդ թվում՝ Կենտրոնական Ասիայում, Կովկասում, Բալկաններում, Մերձավոր Արևելքում, Սև ծովի ավազանում և այլ տարածաշրջաններում։
28 մարտի 2025 Բակիտժան Սագինտաև. «Հանձնաժողովն աշխատում է ԵԱՏՄ միասնական թվային տարածքի ստեղծման ուղղությամբ, որը լի կլինի լավագույն տեխնոլոգիական լուծումներով» Եվրասիական տնտեսական հանձնաժողովի կոլեգիայի նախագահ Բակիտժան Սագինտաևը մասնակցել է ԱՊՀ անդամ պետությունների միջազգային տնտեսական համաժողովի «Նոր խթաններ Մեծ Եվրասիական գործընկերության զարգացման համար. Գիտատեխնոլոգիական և նորարարական համագործակցություն» խորագրով լիագումար նիստին։ Ողջունելով միջոցառման մասնակիցներին՝ Բակիտժան Սագինտաևը նշել է Համաժողովի լիագումար նիստի թեմայի արդիականությունը բոլոր երկրների, այդ թվում՝ Եվրասիական տնտեսական միության համար։ Գիտատեխնոլոգիական և նորարարական զարգացումը Եվրասիական տնտեսական միության երկրների տնտեսությունների հետագա աճի արդյունավետ գործիքներից է։ Եվրասիական «հնգյակի» անդամ բոլոր պետություններում հաստատվել են առաջադեմ գիտատեխնոլոգիական զարգացումն ապահովող ռազմավարական և ծրագրային փաստաթղթերը։ Վերազգային մակարդակում լուծվում են ԵԱՏՄ-ն տնտեսական հարաբերությունների համաշխարհային ճարտարապետության մեջ ներկառուցման, արտահանման ավելացման, ներդրումների և տեխնոլոգիաների ներգրավման խնդիրները։ Եվրասիական տնտեսական հանձնաժողովի գործունեության ընթացքում երրորդ երկրների և միջազգային կազմակերպությունների հետ ստորագրվել է համագործակցության մոտ հարյուր հուշագիր, ինչը թույլ է տալիս փորձի փոխանակում կատարել, այդ թվում՝ առաջադեմ նորարարական մշակումների մասով։ «Հաշվի առնելով տնտեսության բոլոր ոլորտներում թվային փոխակերպման բարձր տեմպերը, Հանձնաժողովն ակտիվորեն աշխատում է միասնական թվային տարածք ստեղծելու ուղղությամբ, որն ուղղված կլինի պետական մարմինների, բիզնեսի և քաղաքացիների միջև փոխգործակցության պարզեցմանը, — հայտնել է ԵՏՀ կոլեգիայի ղեկավարը: — Մեր խնդիրն է բոլոր գործընթացները դարձնել ավելի արագ, հարմարավետ և անվտանգ: Տեխնոլոգիական լուծումների ներդրման հիմքում Digital Union հայեցակարգն է»։ Բակիտժան Սագինտաևը խոսել է ԵԱՏՄ շրջանակներում ինտեգրված տեղեկատվական համակարգի հաջող գործունեության մասին։ Դրա զարգացումը ձևավորում է վերազգային ենթակառուցվածք, որը թույլ է տալիս, որ միևնույն էկոհամակարգում գործեն հինգ տարբեր համակարգեր: Ներկայումս թվայնացումը դինամիկ զարգանում է տնտեսական մի շարք ոլորտներում։ Տրանսպորտի ոլորտում ձեռնարկվող միջոցները թույլ կտան ապահովել անխափան փոխադրումներ՝ Միության շրջանակներում ստեղծելով կայուն տրանսպորտալոգիստիկ հիմնակմախք: Էներգետիկ ոլորտի կարևորագույն խնդիրներից է էլեկտրաէներգիայի արտադրության կառուցվածքի տարբերակումը։ ԱԱՀ ոլորտում հեռանկարային է գիտատար ապրանքների արտադրության ուղղությամբ համագործակցության հետագա զարգացումը։ Բակիտժան Սագինտաևի խոսքով՝ նորարարությունները և գիտատեխնոլոգիական առաջընթացի առաջադեմ նվաճումների արագացված յուրացումը մեծապես որոշում են յուրաքանչյուր ազգային տնտեսության մրցունակությունը: Այս խնդրի իրականացմանը, ի թիվս այլնի, կնպաստեն ինտեգրացիոն կառույցների միջև երկխոսությունը և արդյունավետ փոխգործակցությունը:
28 մարտի 2025 Մաքսիմ Երմոլովիչ. «ԵԱՏՄ շրջանակներում բորսայական առևտրի զարգացումն ապահովում է բարեխիղճ մրցակցություն և ապրանքների անխոչընդոտ փոխադարձ մատակարարումներ» Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչը Մոսկվայում կայացած միջազգային պրոֆիլային համաժողովի ընթացքում Եվրասիական տնտեսական միության երկրների բորսայական գործարար համայնքին կոչ է արել ակտիվորեն փոխգործակցել ԵԱՏՄ-ի ընդհանուր բորսայական շուկայի ստեղծման վերաբերյալ նորմատիվ ակտեր մշակելիս։ Միջոցառման մասնակիցները քննարկել են նավթի և նավթամթերքների, բնական գազի, փայտանյութի, հանքային պարարտանյութերի, էներգետիկ կրիչների, մետաղների և մի շարք այլ բորսայական շուկաների զարգացման հեռանկարները։ «ԵԱՏՄ տարածքում բորսայական առևտրի զարգացումն ապահովում է բարեխիղճ մրցակցություն և ինստիտուցիոնալ միջավայր ստեղծում Միության ընդհանուր շուկայում ապրանքների անխափան, անխոչընդոտ փոխադարձ մատակարարումների համար», — նշել է Մաքսիմ Երմոլովիչը։ ԵՏՀ նախարարը խոսել է ԵԱՏՄ շրջանակներում ապրանքների ընդհանուր (կազմակերպված) շուկայում բորսայական աճուրդների զարգացման ծրագրի նախագծի շուրջ Հանձնաժողովի աշխատանքի մասին։ Նա հայտարարել է 2025-2026 թվականներին ԵՏՀ խորհրդատվական և բորսայական կոմիտեների ստեղծման մասին: Կարևորվել է բորսայական համաժողովը՝ որպես քննարկումների հարթակ ԵԱՏՄ-ում մրցակցության զարգացման և տնտեսական միջավայրի թափանցիկության բարձրացման համար։ «Բորսայական ապրանքային շուկա» ամենամյա միջազգային համաժողովն անցկացվում է Մոսկվայում 2015 թվականից: Համաժողովի կազմակերպիչն է Պետերբուրգի բորսան՝ Ռուսաստանի ապրանքային շուկայի ամենախոշոր բորսան, որը միավորում է ավելի քան 7000 ընկերություն։ Միջոցառումը դիրքավորվում է որպես հիմնական փորձագիտական հարթակ բորսայական ապրանքային շուկայի մասնակից ընկերությունների, կարգավորողների և բորսայի մասնագետների համար: 
ԵԱՏՄ-ում պահպանվում է մաքսային տարանցման ժամանակ ապահովման հավաստագրերի հետ աշխատելու նախկին կարգը 28 մարտի 2025 ԵԱՏՄ-ում պահպանվում է մաքսային տարանցման ժամանակ ապահովման հավաստագրերի հետ աշխատելու նախկին կարգը 2025 թվականի ապրիլի 1-ից հետո Եվրասիական տնտեսական միությունում կշարունակի գործել մաքսային տարանցման ժամանակ ապահովման հավաստագրերի ձևակերպման նախկին կարգը։ Այս կարգը նախատեսված է Մաքսային տարանցման մաքսային ընթացակարգին համապատասխան փոխադրվող ապրանքների նկատմամբ մաքսատուրքերի, հարկերի վճարման ապահովման որոշակի տրամադրման որոշակի հարցերի, մաքսատուրքերի, հարկերի գանձման առանձնահատկությունների և այդ ապրանքների նկատմամբ գանձված գումարների փոխանցման կարգի մասին 2010 թվականի մայիսի 21-ի համաձայնագրով: Համաձայնագիրը կիրառվելու է մինչև ԵԱՏՄ շրջանակներում ընդհանուր գործընթացի իրականացման սկիզբը, որը կապահովի Միության անդամ պետությունների մաքսային մարմինների միջև ապահովման հավաստագրերի և դրանցում առկա տեղեկությունների փոխանակումը։ Այս դրույթն ամրագրված է ԵԱՏՄ մաքսային օրենսգրքի 444-րդ հոդվածում։ ԵՏՀ 2023 թվականի հոկտեմբերի 24-ի N 151 որոշումը, որն ուժի մեջ է մտնում 2025 թվականի ապրիլի 1-ից, կսկսի կիրառվել նշված ընդհանուր գործընթացի իրականացման մեկնարկից հետո։
28 մարտի 2025 Արզիբեկ Կոժոշևը քննարկել է տրանսպորտային ինտեգրումը ԱՊՀ և Մեծ Եվրասիայի տարածաշրջանում ԵՏՀ էներգետիկայի և ենթակառուցվածքների նախարար Արզիբեկ Կոժոշևը մասնակցել է ԱՊՀ անդամ պետությունների միջազգային տնտեսական համաժողովի շրջանակներում կայացած ԱՊՀ և Մեծ Եվրասիայի տարածքում տրանսպորտային և տնտեսական ինտեգրման հարցերով պանելային նստաշրջանի աշխատանքներին։ ԵՏՀ նախարարն իր խոսքում կարևորել է տրանսպորտի ոլորտի ինտեգրացիոն գործընթացները, որոնք դրական են անդրադառնում տնտեսությունների կայուն աճի ապահովման և բնակչության կյանքի որակի բարձրացման վրա։ «ԵԱՏՄ տրանսպորտային միջանցքների և լոգիստիկայի մշակման արգացման և արդիականացման միջոցով միասնական ենթակառուցվածքի ստեղծումը թույլ կտա նվազեցնել փոխադրումների ժամանակն ու ծախսերը, կբարելավի շուկաների հասանելիությունը», — ասել է Արզիբեկ Կոժոշևը: Նախարարը նաև տեղեկացրել է, որ այսօր ենթակառուցվածք է ձևավորվել ԵԱՏՄ առանցքային գործընկերներից մեկի՝ ԱՊՀ-ի հետ անմիջական փոխգործակցության համար։ «ԵԱՏՄ տրանսպորտային միջանցքների և լոգիստիկայի մշակման արգացման և արդիականացման միջոցով միասնական ենթակառուցվածքի ստեղծումը թույլ կտա նվազեցնել փոխադրումների ժամանակն ու ծախսերը, կբարելավի շուկաների հասանելիությունը», — ասել է Արզիբեկ Կոժոշևը:
28 մարտի 2025 Հանձնաժողովում քննարկվել է ԼՏՕ հաշվառման համակարգին ներկայացվող պահանջների վերջնական տարբերակը Եվրասիական տնտեսական հանձնաժողովի կենտրոնակայանում Մաքսային օրենսդրության և իրավակիրառ պրակտիկայի վարչության տնօրեն Ալեքսանդր Տիտովի նախագահությամբ տեղի է ունեցել Եվրասիական տնտեսական միության պետություններում լիազորված տնտեսական օպերատորի (ԼՏՕ) ինստիտուտի զարգացման աշխատանքային խմբի նիստը, որին մասնակցել են Եվրասիական տնտեսական միության երկրների պետական մարմինների և բիզնեսի շուրջ 50 ներկայացուցիչներ։ Նիստում, ընդհանուր առմամբ, փորձագիտական հավանություն է ստացել ապրանքների հաշվառման այն համակարգին ներկայացվող տիպային պահանջների նախագիծը, որը պետք է ունենան ԼՏՕ-ները: Հաշվի են առնվել բիզնեսի ցանկությունները իրենց համակարգերի ադապտացման համար անցումային շրջանի տրամադրման վերաբերյալ։ Այս նախագիծը ենթադրում է ԵԱՏՄ շրջանակներում հաշվապահական հաշվառման համակարգի հիման վրա մաքսային նպատակներով ապրանքների հաշվառման որոշակի համակարգի ստեղծում, որը մաքսային ձևակերպումներ կատարելիս կապահովի տեղեկատվության հետագծելիությունը և ԼՏՕ-ներին պարզեցումներ տրամադրելը:    Նման մոտեցումները հիմք կհանդիսանան ազգային պահանջների համար և կնպաստեն դրանց մերձեցմանը: Սա իր հերթին նպաստում է ԵԱՏՄ երկրների բիզնեսի համար հավասար պայմաններին և հնարավորություն է տալիս պարզեցումներ կիրառել Միության ամբողջ մաքսային տարածքում։ Բացի այդ, նիստի շրջանակներում քննարկվել են ԼՏՕ-ների համար նոր պարզեցումների առնչությամբ բիզնեսի նախաձեռնությունները, որոնք թույլ կտան ընդլայնել բիզնեսի հնարավորությունները և նվազեցնել ծախսերը, և որոնք հետագայում կմշակվեն աշխատանքային խմբի շրջանակներում՝ կողմերի պետական մարմինների հետ համատեղ: Անդրադարձել են նաև իրավակիրառ պրակտիկայի հարցը, որը կապված է առանձին դեպքերում մինչև հայտարարագիր ներկայացնելը ապրանքների բաց թողնման մասին դիմում կիրառելու դեպքում (պարզեցված հայտարարագիր ԱԷՕ-ի համար) բաց թողումը չեղարկելու հետ: Նիստի մասնակիցները համակարծիք են եղել նման դիմում լրացնելու կարգի փոփոխություններ մշակելու անհրաժեշտության մասին։ Լիազորված տնտեսական օպերատորի ինստիտուտը գործընկերային ծրագրի միջազգայնորեն ճանաչված ստանդարտ է, իսկ ԼՏՕ-ն՝ անձանց հատուկ կատեգորիա, որոնց մաքսային գործառնություններ և մաքսային վերահսկողություն իրականացնելիս տրամադրվում են պարզեցումներ՝ որպես որոշակի պահանջներին համապատասխանող անձանց։ ԵԱՏՄ անդամ պետություններում ԼՏՕ ինստիտուտի զարգացման հարցերով աշխատանքային խումբը ստեղծվել է 2014 թվականին: Այն մշակում է Միությունում լիազորված տնտեսական օպերատորի ինստիտուտի կատարելագործման և զարգացման առաջարկներ։
Ցուցադրել ավելին

Պաշարներ ԵՏՄ