Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7182

08 հունիսի 2018 ԵՏՀ նախարար Տատյանա Վալովայա. «Մեր նպատակն է ԵԱՏՄ և ԵՄ միջև տնտեսական համագործակցության ոլորտում նոր շփման կետեր գտնելը» Այս տարի լրացել է 15 տարի այն պահից, երբ 2003 թվականի մայիսին Սանկտ Պետերբուրգում կայացած Ռուսաստան-ԵՄ գագաթնաժողովին պետությունների և կառավարությունների ղեկավարները Համատեղ հայտարարություն են կատարել համագործակցության ամրապնդման մասին` Ընդհանուր տնտեսական տարածք ստեղծելու նպատակով` Եվրոպական ընդհանուր տնտեսական տարածքի հայեցակարգի հիման վրա: Բացի այդ, սկսել է գործել Ռուսաստան - ԵՄ գործընկերության Մշտական խորհուրդը, և ծավալվել է երկխոսություն համագործակցության հիմնական ուղղությունների շուրջ և «ճանապարհային քարտեզի» ձևավորման վերաբերյալ: «Հաշվի առնելով այդպիսի պատմությունը, անհրաժեշտ է վերականգնել վստահությունը և վերսկսել Եվրոպականմիության մեր գործընկերների հետ ակտիվ երկխոսությունը, լուծել «գորդյան հանգույցը» ԵԱՏՄ և ԵՄ հարաբերություններում:», - հայտարարել է Եվրասիական տնտեսական հանձնաժողովի (ԵՏՀ) ինտեգրման և մակրոտնտեսության հարցերով Կոլեգիայի անդամ (նախարար) Տատյանա Վալովայան Արդյունաբերողների և ձեռնարկատերերի ռուսաստանյան միության (ԱՁՌՄ) գլխավոր գրասենյակում` «ԵՄ - ԵԱՏՄ միասնական տնտեսական տարածության հեռանկարները. մարտահրավերներ և հնարավորություններ գործարարության համար» կլոր սեղանին:

28 մայիսի 2018 ԵՏՀ-ը բացատրում է բելառուսական բիզնեսին մրցակցության կանոնները ԵԱՏՄ անդրսահմանային շուկաներում Մայիսի 28-ին Մինսկում կայացել է Եվրասիական տնտեսական հանձնաժողովի (ԵՏՀ) Մրցակցության և հակամենաշնորհային կարգավորման հարցերով բլոկի հանրային ընդունարանի առաջին արտագնա նիստը: ԵՏՀ Մրցակցություն և հակամենաշնորհային կարգավորման հարցերով Կոլեգիայի անդամ (նախախար) Մարատ Կուսաինովի խոսքերով` գործարար համայնքի հետ փոխգործակցության նոր ձևաչափը ստեղծվել է Եվրասիական տնտեսական միության (ԵԱՏՄ) անդրսահմանային ֆինանսական շուկաներում մրցակցության ոլորտում բիզնեսի իրավունքների ու պատասխանատվության մասին արդյունավետ բացատրություններ տալու նպատակով:

25 մայիսի 2018 ԵԱՏՄ երկների արտահանման աջակցման գործիքները քննարկվել են ՊՄՏՀ-2018-ին Եվրասիական տնտեսական հանձնաժողովի (ԵՏՀ) գործիքները Եվրասիական տնտեսական միության (ԵԱՏՄ) երկների արտահանումը զարգացնելու համար, ինչպիսիք են` ազատ առևտրի գոտիների ստեղծումը, ֆինանսական հաստատությունների համագործակցությունը և «Եվրասիական շաբաթ» միջազգային համաժողովի անցկացումը, քննարկվել են «Արտաքին շուկաներ արտահանման առաջխաղացման ժամանակակից մեխանիզմները» կլոր սեղանի ընթացքում Պետերբուրգի միջազգային տնտեսական համաժողով – 2018—շրջանակներում:

25 մայիսի 2018 ԵԱՏՄ-ում արդյունաբերական համագործակցություն են ծավալելու տիեզերական ոլորտում Բելառուսի, Ղազախստանի և Ռուսաստանի տիեզերական գերատեսչությունների ներկայացուցիչները պայմանավորվել են Երկրի հեռակառավարվող խորազննման արբանյակների (ՀԽԱ) արտադրության ընթացքում արդյունաբերական համագործակցության մասին: Նման որոշում է կայացվել «ՀԽԱ տվյալների ազգային աղբյուրների հիման վրա տիեզերական և երկրատեղեկատվական ծառայությունների արտադրության և մատուցման հարցերով ԵԱՏՄ անդամ պետությունների ինտեգրված համակարգ» միջպետական ծրագրի մշակման հարցերով Միջպետական աշխատանքային խմբի նիստին` «Ղազախստանի Հանրապետության Տիեզերքի օրեր-2018» համաժողովի շրջանակներում:

25 մայիսի 2018 Սերգեյ Սիդորսկին ՊՄՏՀ-2018-ին. «Մենք համախմբել ենք ԵԱՏՄ-ում պարենային անվտանգության ապահովման մոտեցումները» «Եվրասիական տնտեսական միությունը գլոբալ խաղացող է հանդիսանում համաշխարհային գյուղատնտեսական պարենային շուկայում: Մեր առջև խնդիր է դրված` հասնել գյուղատնտեսական արտադրության կայուն զարգացմանը, որպեսզի բնակչությանն ամբողջությամբ ապահովել պարենամթերքով», – ընդգծել է Եվրասիական տնտեսական հանձնաժողովի (ԵՏՀ) տնտեսության և ֆինանսական քաղաքականության հարցերով կոլեգիայի անդամ (նախարար) Սերգեյ Սիդորսկին Պետերբուրգի միջազգային տնտեսական համաժողով – 2018—ի շրջանակներում անցկացվող «Գլոբալ պարենային անվտանգություն. ո՞վ է կերակրելու մոլորակի աճող բնակչությանը:» պանելային նստաշրջանին:

24 մայիսի 2018 Աշնանը ԵԱՏՄ-ը և Եգիպտոսը կսկսեն ազատ առևտրի մասին համաձայնագրի կնքման վերաբերյալ լիաձևաչափ բանակցությունները Մայիսի 23-ին Եվրասիական տնտեսական հանձնաժողովում (ԵՏՀ) կայացել է ԵՏՀ առևտրի հարցերով կոլեգիայի անդամ (նախարար) Վերոնիկա Նիկիշինայի հանդիպումը Եգիպտոսի Արաբական Հանրապետության Առևտրի և արդյունաբերության նախարար Տարեկ Կաբիլի հետ:

24 մայիսի 2018 ԵԱՏՄ հարկային մարմինները բարելավում են փոխադարձ առևտրում ԱԱՀ-ի գանձման մասին օրենսդրությունը Եվրասիական տնտեսական հանձնաժողովի (ԵՏՀ) Հարկային քաղաքականության և վարչարարության հարցերով խորհրդատվական կոմիտեն սկզբունքորեն հավանության է արժանացրել Եվրասիական տնտեսական միության (ԵԱՏՄ) երկներում թվային (էլեկտրոնային) տնտեսության ոլորտում հարկման և հարկային վարչարարության միատեսակ մոտեցումները: Հանդիպման մասնակիցներն էին ԵԱՏՄ հարկային քաղաքականության հարցերը վերահսկող ազգային պետական մարմինների ղեկավարները և փորձագետները: Միջոցառումը տեղի է ունեցել Եվրասիական տնտեսական հանձնաժողովի (ԵՏՀ) տնտեսության և ֆինանսական քաղաքականության հարցերով կոլեգիայի անդամ (նախարար) Տիմուր Ժակսիլիկովի նախագահությամբ մայիսի 22-ին Աստանայում (Ղազախստանի Հանրապետություն):

24 մայիսի 2018 ՊՄՏՀ-2018. կայացել է ԵԱՏՄ – ASEAN ձևաչափով առաջին բիզնես երկխոսությունը Եվրասիական տնտեսական միության (ԵԱՏՄ) և Հարավարևելյան Ասիայի պետությունների ասոցիացիայի (ASEAN) գործարար և պաշտոնական շրջանակների, գործարար միությունների ներկայացուցիչներն առաջին անգամ հանդիպել են Պետերբուրգի միջազգային տնտեսական համաժողով – 2018-ի հարթակում համագործակցության հեռանկարները քննարկելու համար: Քննարկումը տեղի է ունեցել մայիսի 23-ին` «ԵԱՏՄ – ASEAN առևտրատնտեսական համագործակցություն: Ռուսաստանի դերը» բիզնես-ճաշի ձևաչափով:

Ցուցադրել ավելին