Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7091

26 հունիսի 2025 Արզիբեկ Կոժոշևը բանակցություններ է վարել Բելառուսի էներգետիկայի նախարար Դենիս Մորոզի հետ ԵՏՀ էներգետիկայի և ենթակառուցվածքների նախարար Արզիբեկ Կոժոշևը 4-րդ Եվրասիական տնտեսական համաժողովի շրջանակներում աշխատանքային հանդիպում է ունեցել Բելառուսի Հանրապետության էներգետիկայի նախարար Դենիս Մորոզի հետ: Բանակցությունների ընթացքում քննարկվել են ԵԱՏՄ ընդհանուր էլեկտրաէներգետիկ շուկայի և գազի ընդհանուր շուկայի ձևավորման և զարգացման արդիական հարցեր: Կողմերը նշել են, որ եվրասիական «հնգյակի» ղեկավարները հայեցակարգային որոշում են ընդունել գազի շուկայի մասին, և այժմ երկրների առջև դրված է դրա զարգացման պլանը նախապատրաստելու խնդիր: Նաև ընդգծվել է, որ էլեկտրաէներգիայի ընդհանուր շուկայի (ԷԸՇ) գործարկման համար անհրաժեշտ է սեղմ ժամկետներում ավարտել միացման մասին պայմանագրի ձևի մշակման աշխատանքը: Սա ԷԸՇ աշխատանքի համար անհրաժեշտ փաստաթղթերի փաթեթի վերջին փաստաթուղթն է: Այցի ընթացքում ԵՏՀ պատվիրակությունն այցելել է նաև Բելառուսի Հանրապետության միավորված էներգահամակարգի օբյեկտներ՝ նորառյալ Բրեստինը, և ծանոթացել էլեկտրական էներգիայի գեներացման տեխնոլոգիական հիմքին, առաջավոր փորձին և տեխնոլոգիաներին: «Էներգետիկ աղբյուրների և համաշխարհային միտումներին ու տեխնոլոգիաներին համապատասխանող ցանցային ենթակառուցվածքի արդիականացման ապահովման պայմաններում էներգահամակարգի կայուն աշխատանքը Միության ընդհանուր էլեկտրաէներգետիկ շուկայի գործունեության պայմաններում բարեհաջող աշխատանքի գրավականն է», — նշել է Անդրեյ Սլեպնևը:  

26 հունիսի 2025 ԵԱՏՄ շրջանակներում ստանդարտացման արդիական հարցեր են քննարկվել Պրոֆիլային մարմինների ղեկավարների խորհրդում Եվրասիական տնտեսական հանձնաժողովի տեխնիկական կարգավորման նախարար Վալենտին Տատարիցկին հունիսի 26-ին Մինսկում՝ 4-րդ Եվրասիական տնտեսական համաժողովի գործարար ծրագրի շրջանակներում մասնակցել է ԵԱՏՄ ստանդարտացման պետական (ազգային) մարմինների ղեկավարների խորհրդի նիստին: Նիստը կայացել է Բելառուսի Հանրապետության ստանդարտացման պետական կոմիտեի նախագահությամբ: Ղեկավարների խորհուրդը քննարկել է համապատասխան Կարգերում փոփոխություններ կատարելու աշխատանքների ընթացքը, որոնք կարգավորում են ապացուցողական բազայի ձևավորման և Եվրասիական տնտեսական միության տեխնիկական կանոնակարգերին համապատասխան արդիականացման հարցեր՝ անվտանգության պահանջների գիտատեխնիկական մակարդակի գնահատման արդյունքները հաշվի առնելու մասով: Համապատասխան փաստաթղթերի նախագծերը նախապատրաստվել են Հանձնաժողովի կողմից: Փոփոխությունների արդիականությունը պայմանավորված է ընթացիկ տարում տեխկանոնակարգերի և դրանց ստանդարտների ցանկերի գիտատեխնիկական մակարդարի գնահատումների կազմակերպման և իրականացման աշխատանքների մեկնարկով՝ Մինչև 2030 թվականը դրանց իրականացման պլանին համապատասխան, որը հաստատվել է Եվրասիական տնտեսական հանձնաժողովի խորհրդի կողմից 2025 թվականի հունվարին: Առանձին անդրադարձել են Միության տեխկանոնակարգերի միջպետական ստանդարտների (ԳՕՍՏ) մշակման ծրագրերի կատարման մշտադիտարկման հարցերին, որը Հանձնաժողովն իրականացնում է տարեկան կտրվածքով Միության շրջանակներում ստանդարտացման աշխատանքների համակարգման կարգին համապատասխան: Հաշվի առնելով կայացած քննարկումը՝ Հանձնաժողովը վերլուծական տեղեկատվություն կնախապատրաստի ԳՕՍՏ-երի մշակման այս ծրագրերի չկատարման/ժամանակին չկատարման պատճառների մասին նման պրակտիկայի վերացման ընդունելի լուծումներ մշակելու նպատակով: Նաև նշվել է ԵՏՀ ստանդարտացման հարցերով ենթակոմիտեի նիստերում միջպետական ստանդարտների մշակման ծրագրերի իրականացման և նշված ծրագրերի շրջանակներում մշակված ԳՕՍՏ-երին բոլոր հինգ երկրների միացման խնդրահարույց հարցերի քննարկման արդյունավետությունը: Որոշում է ընդունվել այս պրակտիկան շարունակելու մասին: Բացի այդ, Ղեկավարների խորհրդի անդամները քննարկել են ԵԱՏՄ շրջանակներում ստանդարտացման աշխատանքների գերակա ուղղությունների մշակման Բելառուսի նախաձեռնությունը և Ղեկավարների խորհրդի 2025-2027 թվականների աշխատանքների պլանի նախագիծը: Նշված փաստաթղթերի նախագծերը կքննարկվեն Ղեկավարների խորհրդի հերթական նիստում՝ հաշվի առնելով ստանդարտացման ազգային մարմինների առաջարկները: ԵԱՏՄ անդամ պետությունների ստանդարտացման պետական (ազգային) մարմինների ղեկավարների խորհուրդը ստեղծվել է Եվրասիական տնտեսական բարձրագույն խորհրդի որոշմամբ որպես Միության օժանդակ մարմին տեխնիկական կարգավորման ոլորտում ստանդարտացման զարգացման համար:  

26 հունիսի 2025 ԵԱՏՄ երկրների տրանսպորտի նախարարները քննարկել են ռազմավարական փաստաթղթերի նախապատրաստումը Եվրասիական տնտեսական միության երկրների տրանսպորտի ոլորտի լիազոր մարմինների ղեկավարների խորհուրդը հունիսի 26-ին ԵՏՀ-2025 շրջանակներում քննարկել է Հիմնական ուղղությունների և ԵԱՏՄ երկրների համակարգված տրանսպորտային քաղաքականության իրականացման փուլերի կատարումը: Նիստին մասնակցել է ԵՏՀ էներգետիկայի և ենթակառուցվածքների նախարար Արզիբեկ Կոժոշևը։ Փաստաթուղթն իրականացվում է եռամյա ժամանակահատվածների համար նախատեսված ճանապարհային քարտեզների հիման վրա: Արզիբեկ Կոժոշևը նշել է, որ 2024 թվականի հոկտեմբերին կառավարությունների ղեկավարներն արդեն հաստատել են առաջիկա երեք տարվա ճանապարհային քարտեզը՝ հանձնարարելով մշակել այս փաստաթղթի միջոցառումների ցանկի ընդլայնման հնարավորություններ: Բանակցությունների հիման վրա որոշում է ընդունվել մասնագիտական նախապատրաստման և իրավասությունների բարձրացման հարցերի շուրջ համագործակցությանը վերաբերող միջոցառումների հաշվին ճանապարհային քարտեզը լրացնելու մասին: ԵՏՀ նախարարը Ղեկավարների խորհրդին տեղեկացրել է միջոցառումների համաձայնեցման արդյունաների մասին, որոնք իրականացվելու են «Եվրասիական տնտեսական ուղի» մինչև 2030 թվականը և մինչև 2045 թվականն ընկած ժամանակահատվածների համար ԵԱՏՄ շրջանակներում տնտեսական գործընթացների հետագա զարգացման մասին հռչակագրին համապատասխան տրանսպորտալոգիստիկ ներուժի ձևավորման համար: Արզիբեկ Կոժոշևը նշել է, որ Հռչակագրի իրականացման ճանապարհային քարտեզի նախագծում 22 մեխանիզմից համաձայնեցվել է 20-ը, կամ շուրջ 91%-ը: Երկու հարցի վերաբերյալ պահպանվում են սկզբունքային տարաձայնությունները, որոնք վերաբերում են օդային տրանսպորտի ծառայությունների և ավտոմոբիլային բեռնափոխադրումների ազատականացման երկարաժամկետ հեռանկարին: Նիստի շրջանակներում քննարկվել է Եվրասիական տրանսպորտային միջանցքների զարգացման համալիր պլանը, մասնավորապես՝ եվրասիական տրանսպորտային միջանցքների առանձին հատվածների զարգացման, թերությունների հայտնաբերման և վերացման ուղղությամբ իրականացվող միջոցառումները: Թվային օրակարգի համատեքստում քննարկվել են տրանսպորտի թվայնացման հարցեր, բարձր ավտոմատացված անօդաչու և ինքնավար փոխադրամիջոցների, ԵԱՏՄ արտաքին սահմանին տրանսպորտային (ավտոմոբիլային) վերահսկողության տեղեկատվական ապահովման օգտագործումը, մասնավորապես՝ N 46 ընդհանուր գործընթացի շրջանակներում տեխնոլոգիական թեստավորման ազգային համակարգերի պատրաստության աստիճանը և ինտեգրված ձևաչափով դրանց հանձնումը արդյունաբերական շահագործման: Դրա գլխավոր խնդիրն է՝ Միության արտաքին սահմանը հատող բեռնատարների տրանսպորտային վերահսկողության ընթացակարգերի կատարելագործումը: Այդ գործընթացի ներդրումը պետք է բարձրացնի ԵԱՏՄ մուտք գործելիս բեռնահոսքերի վերահսկողության ազգային լիազոր մարմինների գործունեության արդյունավետությունը: Նիստի մասնակիցները քննարկել են միջազգային հարթակների շրջանակներում՝ Ղազաստանի Հանրապետությունում տրանսպորտային շաբաթի շրջականերում, Աանկտ Պետերբույթում Միջազգայի տրանսպորտալոգիստիկ համաժողովում, ինչպես նաև Ժնևում ԱՄԿ-ի կենտրոնակայանում Եվրասիայի օրերին միջոցառումների ժամանակացույցը: Մինսկում ընթացող միջոցառումների շրջանակներում Ղեկավարների խորհրդի անդամները մասնակցել են Եվրասիական տնտեսական համաժողովի պանելային նստաշրջաններին:

26 հունիսի 2025 ԵՏՀ-2025-ի շրջանակներում քննարկվել են գործարար համայնքի հետ Հանձնաժողովի երկխոսության ուղղությունները Եվրասիական տնտեսական համաժողով-2025-ի գործարար ծրագրի շրջանակներում ԵՏՀ տնտեսության և ֆինանսական քաղաքականության նախարար Բախիթ Սուլթանովի նախագահությամբ կայացել է Եվրասիական տնտեսական հանձնաժողովի և ԵԱՏՄ գործարար խորհրդի փոխգործակցության հարցերով խորհրդատվական կոմիտեի տասներորդ նիստը: Մասնակիցները քննարկել են առանցքային հարցեր՝ ներառյալ ԵԱՏՄ արդյունաբերական քաղաքականության մասին բիզնեսի տեղեկացվածության բարձրացումը, ձեռնարկատերերի իրավունքների պաշտպանությունը և կարգավորիչ մեխանիզմների կատարելագործումը: Հատուկ ուշադրություն է դարձվել կարգավորող ազդեցության գնահատման (ԿԱԳ) ընթացակարգերի ընդլայնմանը: ԿԱԳ-ում բիզնեսի հետաքրքրվածությունը նպաստել է ԵԱՏՄ շրջանակներում այս գործիքի զարգացմանը: 2024 թվականի փետրվարից ԿԱԳ ընթացակարգը տարածվում է Միության միջազգային պայմանագրերի նախագծերի վրա, ինչպես նաև փաստացի ազդեցության գնահատում (ՓԱԳ) է ներդրվել ԵՏՀ արդեն գործող որոշումների նկատմամբ: «Եվրասիական տնտեսական ուղի» հռչակագրի իրականացման պլանի նախապատրաստման շրջանակներում Ղազախստանի նախաձեռնությամբ մշակվում է ԵԱՏՄ միջազգային պայմանագրերի վրա ՓԱԳ տարածման հարցը: Ընթացակարգերի նպատակն է՝ գնահատմամբ ամբողջությամբ ընդգրկել բիզնեսի գրա կարգավորման բոլոր փուլերի ազդեցությունը՝ նորմերի մշակումից մինչև կիրառում: Ընդ որում, եթե մասնակից երկրի լիազոր մարմինն առաջարկ է ուղարկում ՓԱԳ անցկացնելու մասին, ԵՏՀ-ն պարտավոր է քննարկել այն: Այս առնչությամբ գործարար համայնքին կոչ են արել ավելի ակտիվորեն ուղարկել գործող որոշումների գնահատման նախաձեռնությունները՝ ինչպես ուղղակիորեն Հանձնաժողովին, այնպես էլ ազգային գերատեսչությունների միջոցով: «Այսօրվա քննարկման արդյուքնները նոր խթան կհաղորդեն գերակա ուղղություններով մեր աշխատանքին: Մենք կշարունակենք պայմաններ ստեղծել ԵԱՏՄ երկրների բիզնեսի ինտեգրումը խորացնելու համար՝ ապահովելով ձեռնարկատիրական գործունեության հավասարակշռված կարգավորումը», — նշել է Բախիթ Սուլթանովը: Բիզնեսի և կարգավորիչների միջև կայացած երկխոսությունը կամրապնդի ԵԱՏՄ-ում փոխգործակցության մեխանիզմները, կխորացնի ինտեգրման գործընթացները և կընդլայնի տնտեսական համագործակցությունն առանցքային գործընկերների հետ: Խորհրդատվական խորհրդի գործունեության նպատակն է ԵՏՀ իրավասությանը վերապահված ոլորտներում ձեռնարկատիրական գործունեության զարգացման ուղղությունների  և հեռանկարների որոշման հարցերով ԵՏՀ-ի և ԵԱՏՄ գործարար խորհրդի երկխոսության ապահովումը: Խորհրդատվական խորհուրդը ստեղծվել է ԵՏՀ կոլեգիայի 2016 թվականի հոկտեմբերի 25-ի N 121 որոշմամբ ԵՏՀ-ի և ԵԱՏՄ գործարար խորհրդի միջև փոխգործակցության հուշագրի իրականացման շրջանակներում: Խորհրդատվական խորհրդի կազմում ընդգրկված են Հանձնաժողովի կոլեգիայի անդամներ և նրանց կողմից որոշված Հանձնաժողովի պաշտոնատար անձինք և աշխատակիցներ, ԵԱՏՄ գործարար խորհրդի նախագահության անդամներ և նրանց լիազոր ներկայացուցիչներ, ինչպես նաև 20-ական ներկայացուցիչ Հանձնաժողովի իրավասությանը վերապահված փոխգործակցության առանձին ոլորտներով յուրաքանչյուր գործարար համայնքից:

26 հունիսի 2025 ԵԱՏՄ երկրների և Կուբայի գործարար շրջանակները քննարկել են առևտրատնտեսական համագործակցության հեռանկարային ուղղություններ Եվրասիական տնտեսական համաժողով-2025-ի հարթակում կայացել է «Կուբա. ԵԱՏՄ-ի և Լատինական Ամերիկայի և Կարիբյան ավազանի երկրների միջև տնտեսական շփումների զարգացման հնարավորություններ» թեմայով երկխոսություն-շնորհանդեսը: Միջոցառմանը մասնակցող փորձագետները համակարծիք էին, որ Կուբան զգալի ներուժ ունի, որը նրան թույլ է տալիս հանդես գալ որպես Եվրասիական տնտեսական միության պետությունների և լատինամերիկյան տարածաշրջանի երկրների տնտեսական շահերի կապող օղակ: Եվրասիական տնտեսական հանձնաժողովը միջոցառմանը ներկայացրել է Ինտեգրման զարգացման վարչության տնօրեն Միքայել Բելլույանը: «Կուբան՝ որպես ԵԱՏՄ-ին կից դիտորդ պետություն, քաջածանոթ է մեր օրակարգին, Միության առանցքային առևտրատնտեսական գործընկերն է Լատինական Ամերիկայի և Կարիբյան ավազանի տարածաշրջանում: 2018 թվականին Փոխըմբռնման հուշագիր է ստորագրվել ԵՏՀ և Կուբայի կառավարության միջև, որը սահմանել է համագործակցության հիմնական ուղղությունները: Ստեղծվել է փոխգործակցության համատեղ հանձնաժողով: Կուբայի ներկայացուցիչները մասնակցում են ԵԱՏՄ շրջանակներում բոլոր մակարդակների մարմինների նիստերին և առաջարկում եվրասիական «հնգյակի» երկրների հետ առևտրատնտեսական համագործակցության սեփական նախաձեռնությունները», — նշել է Միքայել Բելլույանը: ԵՏՀ ներկայացուցիչն ընդգծել է Միության պետությունների բիզնեսի աճող հետաքրքրությունը զբոսաշրջության, դեղագործության, գյուղատնտեսության, քիմիական արդյունաբերության, տեղեկատվահաղորդակցական ծառայությունների ոլորտներում Կուբայի հետ համագործակցության նկատմամբ: Նա միջոցառման մասնակից ընկերությունների ներկայացուցիչներին հրավիրել է միանալ ԵՏՀ — Կուբայի Հանրապետության կառավարություն համատեղ հանձնաժողովի աշխատանքներին՝ այս տարվա երկրորդ կիսամյակում Մոսկվայում կայանալիք հերթական նիստում: Կուբարի պատվիրակությունը՝ Առևտրի պալատի փոխնախագահ Տանյա Ագիար Ֆերնանդեսի նախագահությամբ, ներկայացրել է Կուբայում լոգիստիկ հանգույցի նախագիծը, որի նպատակն է՝ թեթևացնել Լատինական Ամերիկայի և Կարիբյան ավազանի տարածաշրջանում ԵԱՏՄ երկրների տարանցումը և արտահանման ներուժի իրականացումը: Կուբայի ներկայացուցիչները տեղեկացրել են այնպիսի տարածաշրջանային կառույցների շրջանակներում գործող առևտրային համաձայնագրերի առանձին ասպեկտների մասին, ինչպիսիք են ԼԱԻ-ն, ԱԼԲԱ-ն և ԿԱՐԻԿՈՄ-ը, և Կուբայում արտադրություն բացող օտարերկրյա ձեռնարկատերերին նրանց կողմից տրամադրվող հնարավորությունների մասին: Ելույթների արդյունքների հիման վրա ԵԱՏՄ երկրների գործարար շրջանակների ներկայացուցիչները քննարկել են կուբայի նախաձեռնությունները:

26 հունիսի 2025 Միության երկրների էկոնոմիկայի նախարարությունների ղեկավարները քննարկել են եվրասիական ինտեգրման արդյունքներն ու հեռանկարները Հունիսի 26-ին Մինսկում՝ Եվրասիական տնտեսական համաժողովի շրջանակներում կայացել է Եվրասիական տնտեսական միության պետությունների էկոնոմիկայի նախարարությունների ղեկավարների հանդիպումը՝ Եվրասիական տնտեսական հանձնաժողովի ինտեգրման և մակրոտնտեսության նախարար Էլդար Ալիշերովի մասնակցությամբ։ Քննարկվել են եվրասիական ինտեգրման հիմնական արդյունքները և դրա հետագա զարգացման հեռանկարները: ԵՏՀ նախարարը տեղեկացրել է Ռազմավարություն-2025-ի իրականացման միջոցառումների պլանի կատարման մասին: Մասնավորապես, նա նշել է. «Ընթացիկ տարին ավարտական է այս փաստաթղթի նպատակների կատարման տեսանկյունից:: Մենք տեսնում ենք կատարման բավականին բարձր արդյունքներ, և Հանձնաժողովը՝ անդամ պետությունների հետ համատեղ, առավելագույն ջանքերն է գործադրում այս փուլն արժանավայել ավարտելու համար»: Էլդար Ալիշերովը նշել է, որ 2026 թվականին Միությունն անցնում է նոր ռազմավարական փաստաթղթի՝ «Եվրասիական տնտեսական ուղի» մինչև 2030 թվականը և մինչև 2045 թվականն ընկած ժամանակահատվածի համար ԵԱՏՄ շրջանակներում տնտեսական գործընթացների հետագա զարգացման մասին հռչակագրի դրույթների իրականացմանը: Հռչակագրում արտացոլված են եվրասիական ինտեգրման գերակա ուղղությունները, ինչպես նաև տնտեսական զարգացման համաշխարհային միտումներին համապատասխանող նոր հեռանկարային խնդիրները: ԵՏՀ-ն և անդամ պետությունները նախատեսում են ընթացիկ տարում ավարտել Հռչակագրի իրականացման ճանապարհային քարտեզի նախապատրաստումը: Մինչև 2025 թվականը եվրասիական տնտեսական ինտեգրման զարգացման ռազմավարական ուղղությունների իրականացման միջոցառումների պլանը ծրագրային փաստաթուղթ է, որը պարունակում է ԵԱՏՄ մասին պայմանագրով սահմանված նպատակների ու խնդիրների իրականացման համար անհրաժեշտ հիմնական միջոցներն ու մեխանիզմները: «Եվրասիական տնտեսական ուղի» հռչակագիրը մինչև 2045 թվականն ընկած ժամանակահատվածի համար առկա առանցքային ռազմավարական փաստաթուղթն է:

26 հունիսի 2025 Գոհար Բարսեղյան. «Կոոպերացիան դառնում է եվրասիական «հնգյակի» երկրների քաղաքացիներին սննդամթերքով ապահովելու ռազմավարական գործիք» Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանը հունիսի 26-ին Մինսկում՝ ԵՏՀ-2025-ի «Կոոպերացիան ԵԱՏՄ-ում. ճանապարհ դեպի ԱԱՀ արդյունավետ զարգացում» թեմայով կլոր սեղանի ընթացքում անդրադարձել է Եվրասիական տնտեսական միության շրջանակներում ագրոարդյունաբերական համալիրի ցուցանիշների կայուն զարգացմանը: ԵՏՀ նախարարը նշել է, որ ինտեգրացիոն միավորման ստեղծման պահից ի վեր գյուղմթերքի արտադրության ծավալներն աճել են 25%-ով, փոխադարձ առևտուրը ավելացել է 1,8 անգամ, արտաքին մատակարարումներն աճել են ավելի քան երկու անգամ: Ընդ որում, առկա է ագրարային ոլորտի հետագա զարգացման ներուժ, որը կապված է ԵԱՏՄ բյուջեի միջոցների հաշվին կոոպերացիոն նախագծերին ֆինանսական աջակցության տրամադրման հնարավորության հետ: «Կոոպերացիան, ըստ էության, ռազմավարական գործիք է դառնում եվրասիական «հնգյակի» երկրների քաղաքացիներին սննդամթերքով երաշխավորված ապահովման և արտաքին կոնյունկտուրային տատանումներից մեր կախվածության նվազեցման համար», — ընդգծել է Գոհար Բարսեղյանը: Կլոր սեղանի ընթացքում քննարկվել են կոոպերացիայի զարգացման հեռանկարային ուղղություններն ու նախագծերը, այդ թվում՝ ֆինանսական աջակցության մեխանիզմի կիրառմամբ, քննարկվել է միջպետական համագործակցության փորձը: Քննարկման մասնակիցներն անդրադարձել են այս կապակցությամբ պետական մարմինների, ձեռնարկատերերի և ֆինանսական ինստիտուտների երկխոսության խորացման անհրաժեշտությանը: Ոլորտային համագործակցության մեխանիզմները քննարկվել են նաև նախօրեին՝ ԵՏՀ-2025-ում ԵԱՏՄ գործարար խորհրդի նախագահության 26-րդ նիստի շրջանակներում: Կլոր սեղանին մասնակցել են ԵԱՏՄ պետությունների, երրորդ երկրների պետական կառավարման մարմինների, գործարար և գիտական շրջանակների, միջազգային կազմակերպությունների ներկայացուցիչներ: Մոդերատորն էր «Բելառուսի Հանրապետության զարգացման բանկ» ԲԲԸ առաջին փոխնախագահ Ռոման Բրոդովը:  

25 հունիսի 2025 Մաքսիմ Երմոլովիչը ԵԱՏՄ Գործարար խորհրդի նախագահության նիստում ներկայացրել է մրցակցության քարոզչության ուղղությամբ Հանձնաժողովի աշխատանքը ԵՏՀ մրցակցության և հակամենաշնորհային կարգավորման նախարար Մաքսիմ Երմոլովիչը հունիսի 25-ին Մինսկում՝ ԵԱՏՄ Գործարար խորհրդի նախագահության նիստում խոսել է մրցակցության քարոզչության հիմնական գործիքների մասին, որոնք ակտիվորեն օգտագործում է Եվրասիական տնտեսական հանձնաժողովը Եվրասիական տնտեսական միության շրջանակներում: Մաքսիմ Երմոլովիչը շեշտը դրել է մրցակցության բլոկի Հանրային ընդունարանին, «5+1» ձևաչափով խորհրդակցություններին, համաժողովներին, խորհրդաժողովներին, սեմինարներին, կլոր սեղաններին, տարբեր մեթոդաբանական նախաձեռնություններին մասնակցությանը: Առանձին ԵՏՀ նախարարն անդրադարձել է տեղեկատվական դաշտում իրականացվող աշխատանքին և միջազգային համագործակցության հարցերին: Մաքսիմ Երմոլովիչը մի շարք առաջարկներ է ներկայացրել Բելառուսի բիզնեսի հետ ուղղակի օպերատիվ շփումներ հաստատելու, աշխատանքի արդյունավետությունը բարձրացնելու նպատակով Բելառուսի բիզնեսի մի շարք ընկերակցությունների հետ փոխգործակցության զարգացման վերաբերյալ: ԵԱՏՄ Գործարար խորհրդի նախագահության նիստը բացել է Եվրասիական տնտեսական համաժողովի գործարար ծրագիրը: Նիստի օրակարգում էր հարցերի լայն շրջանակ՝ ներքին շուկայում գործարար կլիմայի բարելավումից և արգելքների վերացումից մինչև երրորդ երկրների հետ գործընկերությունը: Եվրասիական տնտեսական միության Գործարար խորհրդի նախագահությունը միավորում է ԵԱՏՄ երկրների խոշորագույն գործարար ընկերակցությունները: Դրանում քննարկվում ու համակարգվում են եվրասիական տնտեսական ինտեգրման հարցեր:

Ցուցադրել ավելին