Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7091

16 մարտի 2020 Մաքսային նշումները թղթային մաքսային փաստաթղթերում կարող են վերացվել Եվրասիական տնտեսական միության արտաքին տնտեսական գործունեության մասնակիցների տրանսպորտային թղթային փաստաթղթերում մաքսային մարմինների կողմից արված նշումներ չեն պահանջվի, եթե մաքսային գործառնությունները կատարվում են էլեկտրոնային տեսքով: ԵՏՀ-ի Խորհուրդը մարտի 16-ին հավանություն է տվել Եվրասիական միջկառավարական խորհրդի համապատասխան որոշումը, որը կարող է ընդունվել միութենական երկրների կառավարությունների ղեկավարների կողմից այս տարվա ապրիլին:

16 մարտի 2020 ԵԱՏՄ-ում զրոյացնելու են տուրքերը էլեկտրամոբիլների համար ԵՏՀ-ի Խորհուրդը որոշում է կայացրել զրոյացնել Եվրասիական տնտեսական միության միասնական մաքսային սակագնի ներմուծման մաքսատուրքի դրույքաչափը էլեկտրական շարժիչներով շարժիչային տրանսպորտային միջոցների առանձին տեսակների համար (ԵԱՏՄ-ի ԱՏԳ ԱԱ դիրք 8703 80 000 2)։

16 մարտի 2020 ԵԱՏՄ-ում ձեռնարկելու են կորոնավիրուսի տարածման դեմ պայքարի համատեղ միջոցներ ԵՏՀ-ի Խորհուրդը որոշում է ընդունել զրոյացնել կամ իջեցնել տուրքերը որոշ բժշկական ապրանքների համար, որոնք օգտագործվում են կորոնավիրուսի կանխարգելման և դրա տարածումը կանխելու համար։ Որոշումը կայացվել է COVID-19-ի տարածման հետ կապված՝ համաձայնեցված միջոցների և խորհրդատվությունների մշակման մասին հայկական և ղրղզական կողմերի առաջարկների քննարկման արդյունքներով։

10 մարտի 2020 ԵՏՀ Կոլեգիան Հայաստանին տեղեկացրել է ԵԱՏՄ-ում ապրանքների ազատ տեղաշարժի ռեժիմի պահպանման անհրաժեշտության մասին Եվրասիական տնտեսական հանձնաժողովի Կոլեգիան Հայաստանի Հանրապետությանը տեղեկացրել է չեղյալ համարել ԵԱՏՄ-ի պետություններ արտահանվող ապրանքների (անտառանյութի, հանքաքարերի, սև մետաղների թափոնների և ջարդոնի, գունավոր մետաղների թափոնների և ջարդոնի) համար թույլատվությունները և տուրքերը։ Դրանք սահմանվել էին 2012 թվականին Հայաստանի Հանրապետության «Պետական տուրքի մասին» օրենքով։

04 մարտի 2020 ԵՏՀ-ը ուսումնասիրում է անձնական օգտագործման համար ապրանքների անմաքս ներմուծման նորմերի նվազեցման մասին ՌԴ-ի առաջարկը Եվրասիական տնտեսական հանձնաժողովի Կոլեգիան քննարկել է միջազգային էլեկտրոնային առևտրի շրջանակներում ֆիզիկական անձանց կողմից ձեռք բերվող անձնական օգտագործման համար ապրանքների անմաքս ներմուծման կարգավորման հարցը։ Ավելի վաղ, Եվրասիական միջկառավարական խորհուրդը Հանձնաժողովին հանձնարարել է Միության պետությունների կառավարությունների հետ համատեղ մշակել անմաքս ներմուծման նորմերի փուլ առ փուլ փոփոխության, առևտրային և ոչ առևտրային շրջանառության մեջ ապրանքների անմաքս ներմուծման համար շեմերի սինքրոնացման, ինչպես նաև էլեկտրոնային առևտրի լիազորված օպերատորի ինստիտուտի ներդրմամբ՝ ԵԱՏՄ-ի Մաքսային օրենսգրքում այդպիսի ապրանքների մաքսային վարչարարության կանոններն առանձին բլոկի մեջ ամփոփման հարցեր։

04 մարտի 2020 ԵԱՏՄ-ի երկրների ընկերությունները կկարողանան բացել իրենց մասնաճյուղերը Բելառուսում Եվրասիական տնտեսական հանձնաժողովի Կոլեգիան որոշում է կայացրել Բելառուսի Հանրապետությանը տեղեկացնել ԵԱՏՄ-ի իրավունքի կատարման անհրաժեշտության մասին, որպեսզի հնարավորություն տալ Միության երկրների իրավաբանական անձանց բացել իրենց մասնաճյուղերը Բելառուսում։

04 մարտի 2020 ԵՏՀ-ը առաջարկել է արագացնել ԵԱՏՄ-ում ավտոմոբիլային կաբոտաժային փոխադրումների ազատականացման ծրագրի կատարումը Եվրասիական տնտեսական հանձնաժողովի Կոլեգիան քննարկել է Եվրասիական տնտեսական միության երկրներում բեռների ավտոմոբիլային կաբոտաժային փոխադրումների ազատականացման ծրագրի իրականացումը։

03 մարտի 2020 ԵԱՏՄ-ի գլխավոր պետական սանիտարական բժիշկներն ուժեղացնում են կորոնավիրուսային վարակի տարածման դեմ հսկողությունը Եվրասիական տնտեսական միության երկրների կողմից COVID-19 կորոնավիրուսային վարակի տարածման դեմ հսկողությանն ուղղված հակահամաճարակային միջոցառումների իրականացումը քննարկվել են Մոսկվայում կայացած ԵԱՏՄ-ի պետությունների բնակչության սանիտարահամաճարակաբանական բարեկեցության ոլորտում լիազորված մարմինների ղեկավարների խորհրդի հերթական նիստին։ Քննարկմանը մասնակցելու համար հրավիրվել էին նաև Ուզբեկստանի և Տաջիկստանի ներկայացուցիչները։

Ցուցադրել ավելին