Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7091

19 փետրվարի 2018 ԵԱՏՄ – ԵՄ երկխոսություն. Լիսաբոնից մինչև Վլադիվոստոկ միասնական տնտեսական տարածությունը եվրոպական բիզնեսի աչքերով «ԵԱՏՄ-ի և ԵՄ-ի միջև երկխոսության անհրաժեշտությունը գնալով ավելի հաճախ է քննարկվում կարևոր միջազգային հարթակներում, այդ բանավեճին ներգրավվում է ինչպես գործարար և փորձագիտական համայնքների, մասնագիտացված միջազգային ասոցիացիաների և կառույցների, այնպես էլ երկու միությունների անդամ պետությունների պաշտոնական ներկայացուցիչերի էլ ավելի լայն շրջանակ», - հայտարարել է Եվրասիական տնտեսական հանձնաժողովի (ԵՏՀ) ինտեգրման և մակրոտնտեսության հարցերով Կոլեգիայի անդամ (Նախարար) Տատյանա Վալովայան «Լիսաբոնից մինչև Վլադիվոստոկ» աշխատանքային խմբի նիստին։ Այդ խումբը ստեղծվել է խոշոր եվրոպական բիզնեսի նախաձեռնությամբ, որը հանդես է գալիս Եվրասիական տնտեսական միության (ԵԱՏՄ) և Եվրոպական միության (ԵՄ) միջև փոխգործակցության հաստատման օգտին։ Միջոցառումը կայացել է փետրվարի 15-ին Մոսկվայում Եվրասիական տնտեսական հանձնաժողովի գլխավոր գրասենյակում։

19 փետրվարի 2018 Թվային նախաձեռնությունների հայտը ստացել է իր ձևը Եվրասիական տնտեսական հանձնաժողովի (ԵՏՀ) Կոլեգիան հաստատել է նախաձեռնությունների կամ նախագծերի վերաբերյալ տեղեկատվության ներկայացման ձևաչափը, որոնք կարող են ներկայացվել նախաձեռնողների (բիզնեսի կամ պետական իշխանության մարմինների ներկայացուցիչների) կողմից և իրագործվել Եվրասիական տնտեսական միության (ԵԱՏՄ) թվային օրակարգի շրջանակներում։

16 փետրվարի 2018 «ՅԱՄԱԼ ՍՊԳ» նախագծին աջակցություն և շտաբ օգնության մեքենաների՝ հիվանդներին օգնության ցուցաբերման ժամանակակից համակարգերով համալրում. փետրվարի 16-ի ԵՏՀ Խորհրդի արդյունքները Տերեֆտալաթթվի և նրա աղերի նկատմամբ Եվրասիական տնտեսական միության Միասնական մաքսային սակագնի (ԵԱՏՄ ՄՄՍ) ներմուծման մաքսատուրքի զրոյական դրույքաչափի երկարաձգման, «Յամալ ՍՊԳ» նախագծի համար սարքավորումների ՌԴ տարածք անմաքս ներմուծման, որոշ տեխնիկական կանոնակարգերում և սանիտարահամաճարակաբանական հսկողության իրականացման կարգի վերաբերյալ հիմնադրույթում փոփոխությունների կատարման մասին որոշումներ են ընդունվել փետրվարի 16-ի ԵՏՀ Խորհրդին։ Բացի այդ, քննարկվել են ԵԱՏՄ ինտեգրացիոն օրակարգի մի շարք այլ հարցեր։ Մասնավորապես, որոշվել է «Եվրասիական շաբաթ» 3-րդ Միջազգային ցուցահանդեսային համաժողովն անցկացնել 2018 թվականի հոկտեմբերին Հայաստանում։

16 փետրվարի 2018 Տվյալների միասնական մոդելների օգտագործումը կկրճատի օգտատերերի ծախքերը ԵԱՏՄ-ի տնտեսությունների թվային վերափոխման ընթացքում Թվային միջավայրի զարգացման, տվյալների ինժինիրինգի և տվյալների մոդելների մշակման ոլորտում առաջատար փորձագետների բանավեճը դարձել է շուկաների թվային վերափոխման և տվյալների ինդուստրիայի ձևավորման մասով ԵԱՏՄ թվային օրակարգի իրագործման առաջին քայլերից մեկը։ ԵՏՀ ներքին շուկաների, տեղեկատվայնացման, տեղեկատվական-հաղորդակցական տեխնոլոգիաների հարցերով Կոլեգիայի անդամ (Նախարար) Կարինե Մինասյանը նշել է, որ «սկսում են էլ ավելի մեծ դեր կատարել թվային կրկնորդները, մոդելները և էտալոնային կառուցվածքները։ Մրցակցային պայքարում որոշումների ընդունումը և հաջողությունը կախված են տվյալների փոխանակման արագությունից, սեփական թվային ակտիվների առկայությունից և դրանց զարգացման արդյունավետ ռազմավարությունից։ Այդ իսկ պատճառով Միության երկրների տնտեսությունների թվային վերափոխման գործընթացի հաջողությունը պետք է հիմնվի այնպիսի բազային նախագծերի գործարկման վրա, որոնք կդառնային աճի լոկոմոտիվներ»։ Նախարարը համոզված է, որ առաջին փուլում կարևորագույն խնդիր է հանդիսանում թվային տարածքի ընդհանուր օնտոլոգիայի ձևավորումը և Եվրասիական տնտեսական միության թվյալների մոդելի ստեղծումը։

06 փետրվարի 2018 ԵԱՏՄ-ի թվային վերափոխումը՝ կոնկրետ նախագծերի հաջողությունն է Ագրոարդյունաբերական համալիրում թվային հարթակների զարգացումը, ԵԱՏՄ-ում աշխատանքի էլեկտրոնային բորսայի և պետական մունիցիպալ գնումների համար փոխկապակցված էլեկտրոնային առևտրային հարթակների ստեղծումը, տրանսպորտային լոգիստիկայի ճյուղում անթուղթ տեխնոլոգիաների ներդնումը՝ եվրասիական «հնգյակի» երկրների բիզնեսի և պետական մարմինների այս և այլ նախաձեռնությունները քննարկվել են Ալմաթիում (Ղազախստանի Հանրապետություն) անցկացված «Թվային օրակարգը գլոբալիզացիայի դարաշրջանում» համաժողովի շրջանակներում կայացած «ԵԱՏՄ-ի թվային օրակարգ. Նախաձեռնություններ և նախագծեր» նստաշրջանին։

06 փետրվարի 2018 Տատյանա Վալովայի. «Փոխադարձ առևտրի աճի կարևոր դրայվերներից մեկը՝ ներքին պահանջարկն է, որը թելադրված է մակրոտնտեսական իրավիճակի բարելավմամբ» Եվրասիական տնտեսական միության (ԵԱՏՄ) մասնակից երկրների միջև փոխադարձ առևտուրը 2017 թվականին բնորոշվում է դինամիկայի բարձր ցուցանիշներով։

06 փետրվարի 2018 Կաթնամթերքների ներմուծումը ԵԱՏՄ-ում 2018 թվականին կրճատվելու է գրեթե 300 հազար տոննայով 2017 թվականին Եվրասիական տնտեսական միությունում (ԵԱՏՄ) կաթի արտադրությունը ավելացել է 800 հազար տոննայով և գերազանցել է 46 մլն տոննան։ «Ընդհանուր առմամբ 2017 թվականը ԵԱՏՄ-ում կաթ արտադրողների համար արդյունավետ է եղել», - ընդգծել է Եվրասիական տնտեսական հանձնաժողովի (ԵՏՀ) արդյունաբերության և ագրոարդյունաբերական համալիրի հարցերով Կոլեգիայի անդամ (նախարար) Սերգեյ Սիդորսկին, հանդես գալով Կաթ արտադրողների ազգային միության (Սոյուզմոլոկո) 9-րդ Համագումարի նիստին։ ԵՏՀ նախարարի խոսքերով, արտադրության աճը նկատվում է բոլոր երկրներում։

05 փետրվարի 2018 Մակնշման համակարգը թույլ կտա վերահսկել ԵԱՏՄ-ում ապրանքների շրջանառությունը Նույնականացման ժամանակակից միջոցների օգտագործմամբ ապրանքների մակնշման համակարգը ստեղծվելու է Եվրասիական տնտեսական միությունում (ԵԱՏՄ)։ Ապրանքների մակնշման համար օգտագործվող տեղեկատվությունը պահպանվելու է միասնական գրանցամատյանում։ Գրանցամատյանի ձևավորումը և վարումը իրականացնելու է Եվրասիական տնտեսական հանձնաժողովը (ԵՏՀ)։ Համապատասխան համաձայնությունը հաստատել են ԵԱՏՄ երկրների կառավարությունների ղեկավարները փետրվարի 2-ին կայացած Եվրասիական միջկառավարական խորհրդի նիստին։ Փաստաթղթում ամրագրված նորմերը թույլ կտան ուժեղացնել անդամ պետությունների տարածքներում ապրանքների շրջանառության նկատմամբ վերահսկողությունը, ապահովել մրցակցության հավասար պայմաններ և սպառողների անվտանգությունը, ինչպես նաև նպաստելու են գորշ շուկայի և կոնտրաֆակտ ապրանքների հետ արդյունավետ պայքարի հարցում։

Ցուցադրել ավելին