Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7091

11 դեկտեմբերի 2017 ԵԱՏՄ առաջին թվային նախաձեռնություններն արդեն պատրաստվում են մեկնարկին «Առաջիկայում կգործարկվի առաջին նախագիծը Եվրասիական տնտեսական միության (ԵԱՏՄ) թվային օրակարգի իրագործման շրջանակներում, որն առնչվում է թվային հետագծելիությանը: Այն փոխադարձ թվային փոխանակման ու փոխգործակցության պայմաններ է ստեղծում, առաջին հերթին, առևտրի ոլորտում և, իհարկե, պետական մարմինների համար», – այս մասին 4-րդ Եվրասիական տնտեսական կոնգրեսի ընթացքում հայտնել է Եվրասիական տնտեսական հանձնաժողովի (ԵՏՀ) ներքին շուկաների, տեղեկատվայնացման, տեղեկատվական-հաղորդակցական տեխնոլոգիաների հարցերով Կոլեգիայի անդամ (նախարար) Կարինե Մինասյանը:

11 դեկտեմբերի 2017 Ադամկուլ Ժունուսովը ներկայացրել է տրանսպորտային ոլորտի թվային վերափոխումը միջազգային տրանսպորտային համաժողովի լիագումար քննարկմանը «Թվայնացումը» դարձել է ոչ միայն առանցքային տեխնոլոգիական թրենդ, այլև հասարակության մեջ, առևտրում և ապրանքային շուկաներում, արդյունաբերությունում, տրանսպորտում, ծառայությունների ոլորտում գլոբալ վերափոխումների կատալիզատոր», – նշել է Եվրասիական տնտեսական հանձնաժողովի (ԵՏՀ) էներգետիկայի ու ենթակառուցվածքի հարցերով Կոլեգիայի անդամ (նախարար) Ադամկուլ Ժունուսովն իր ելույթում «Տրանսպորտի շաբաթ-2017» միջազգային համաժողովի լիագումար քննարկման ընթացքում:

11 դեկտեմբերի 2017 ԵՏՀ նախարար Տատյանա Վալովայան՝ Եվրասիայում տնտեսական կապվածության ու կայունության ապահովման գործին ԵԱՏՄ դերի մասին «ԵԱՏՄ-ն արդեն կատարում է իր ներդրումը Եվրասիայում տնտեսական կապվածության ու կայունության զարգացման գործում», – համոզված է Եվրասիական տնտեսական հանձնաժողովի (ԵՏՀ) ինտեգրման և մակրոտնտեսության հարցերով Կոլեգիայի անդամ (նախարար) Տատյանա Վալովայան: Նախարարի կարծիքով, Միության ներուժն այս ոլորտում հսկայական է և բարձր է գնահատվում առանցքային միջազգային կազմակերպությունների կողմից, ներառյալ ՄԱԿ-ի համակարգի կառույցները: Այս մասին Տատյանա Վալովայան հայտնել է, ելույթ ունենալով դեկտեմբերի 8-ին Վիեննայում՝ Եվրոպայում անվտանգության և համագործակցության կազմակերպություն (ԵԱՀԿ) երկրների Արտաքին գործերի նախարարների խորհրդի (ԱԳՆԽ) 24-րդ նիստի շրջանակներում կայացած «Տնտեսական կապվածություն, առևտրատնտեսական հարաբերություններ Մեծ Եվրոպայի տարածաշրջանում ու եվրասիական տարածությունում» խորագրով հատուկ փորձագիտական քննարկմանը:

08 դեկտեմբերի 2017 Տրանսպորտը և լոգիստիկան կարող են դառնալ ԵԱՏՄ-ի տնտեսական աճի շարժիչ ուժը ԵԱՏՄ երկրներում տրանսպորտային և լոգիստիկ նախագծերը հետաքրքիր են չինական բիզնեսի համար: Այս մասին տրանսպորտի ոլորտում ԵԱՏՄ անդամ պետությունների լիազորված մարմինների իններորդ խորհրդակցության ընթացքում հայտնել է Չինաստանի Ժողովրդական Հանրապետության (ՉԺՀ) տրանսպորտի փոխնախարար Դայ Դունչանը:

04 դեկտեմբերի 2017 Պլատին՝ ԵՏՀ-ի համար Եվրասիական տնտեսական հանձնաժողովի 2016 թվականի տարեկան հաշվետվությունը նվաճել է MarCom Awards միջազգային մրցույթի պլատինե մրցանակը «լավագույն տպագիր տարեկան հաշվետվություն» անվանակարգում:

04 դեկտեմբերի 2017 ԵԱՏՄ-ում որոշել են ԱԱՀ աճի կետերը առաջիկա չորս տարվա համար Եվրասիական տնտեսական հանձնաժողովի (ԵՏՀ) արդյունաբերության և ագրոարդյունաբերական համալիրի հարցերով Կոլեգիայի անդամ (նախարար) Սերգեյ Սիդորսկու կարծիքով, առավել հեռանկարային ուղղությունների թվում են կաթի և մսի անասնաբուծության, թռչնաբուծության, այգեգործության, շաքարի, յուղաճարպային և այլ ոլորտների բարձր ավելացված արժեքով նախագծերը: Այս մասին ԵՏՀ նախարարը հայտնել է «ԵԱՏՄ անդամ պետությունների ԱԱՀ-ում ինտեգրման ու կոոպերացիայի զարգացման ու խորացման ռազմավարական ուղղությունները» խորագրով կլոր սեղանի ընթացքում: Սերգեյ Սիդորսկին նշել է, որ Եվրասիական տնտեսական միության (ԵԱՏՄ) պետությունների համաձայնեցված ագրոարդյունաբերական առաջիկա չորս տարիների քաղաքականության գերակայությունը կդառնա համատեղ նախաձեռնությունների իրագործումը, որոնք թույլ կտան ապահովել ինտեգրացիոն գործընթացների հետագա խորացումն ու նորարարական տեխնոլոգիաների ներդրումը:

30 Նոյեմբեր 2017 Մոնղոլիայի ու ԵԱՏՄ տնտեսական համագործակցությունը պետք է զարգանա ԵԱՏՄ երկրների ու Մոնղոլիայի առևտրատնտեսական համագործակցության ընդլայնման հնարավորությունները նոյեմբերի 29-ին կայացած աշխատանքային հանդիպման ընթացքում քննարկել են ԵՏՀ Կոլեգիայի նախագահ Տիգրան Սարգսյանը և Մոնղոլիայի կառավարության փոխվարչապետ Էնխտուվշին Ուլզիյսայխանը: Հանդիպմանը մասնակցել են ՌԴ-ում Մոնղոլիայի արտակարգ և լիազոր դեսպան Դելգերմաա Բանզրագչը, Մոնղոլիայի արտաքին գործերի նախարարության պետական քարտուղար Դավաասուրեն Դամդինսուրենը, Մոնղոլիայի կառավարության ու Եվրասիական տնտեսական հանձնաժողովի մի շարք վարչությունների ղեկավարներ:

30 Նոյեմբեր 2017 Մոլդովան «համապատասխանեցրել է ժամերը» ԵԱՏՄ-ի հետ: Միմյանց ընդառաջ շարժվելու և Եվրասիական տնտեսական միության (ԵԱՏՄ) երկրների ու Մոլդովայի Հանրապետության միջև լիարժեք առևտրատնտեսական կապերը վերականգնելու հեռանկարները դարձել են Եվրասիական տնտեսական հանձնաժողովի (ԵՏՀ) ու Մոլդովայի միջև միջև փոխգործակցության հարցերով համատեղ աշխատանքային խմբի 2-րդ համատեղ նիստի քննարկման գլխավոր թեման:

Ցուցադրել ավելին