Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7091

18 մայիսի 2017 ԵԱՏՄ և ՉԺՀ-ի միջև առևտրատնտեսական համագործակցության մասին համաձայնագիրը Միության ապրանքներին թույլ կտա դուրս գալ չինական շուկա և Չինաստանի հետ առավել շահավետ նախագծեր իրականացնել: Բիշքեկում (Ղրղզստանի Հանրապետություն) կայացած Եվրասիական տնտեսական միության (ԵԱՏՄ) Գործարար խորհրդի նախագահության վեցերորդ նիստի քննարկման հիմնական թեման ԵԱՏՄ Գործարար խորհրդի դերն էր Եվարսաիկան տնտեսական միության և Չինաստանի Ժողովրդական Հանրապետության (ՉԺՀ) առևտրատնտեսական համաձայնագրի (ԱՏՀ) պատրաստման մեջ:

18 մայիսի 2017 ԵԱՏՄ պետությունների մաքսային մարմինները պետք է ընդունեն Միության ցանկացած երկրներում տրված տեխնիկական կանոնակարգերի պահանջներին համապատասխանության գնահատման մասին փաստաթղթեր Մայիսի 17-ին կայացած Եվրասիական տնտեսական հանձնաժողովի (ԵՏՀ) Խորհրդի նիստին որոշում է ընդունվել այն մասին, որ Եվրասիական տնտեսական միության (ԵԱՏՄ) երկրների մաքսային մարմինները պետք է ապահովեն համապատասխանության գնահատման մասին միասնական փաստաթղթերի ընդունումը, որոնք տրվել են ԵԱՏՄ ցանկացած պետությունում, և Միության տարածք այդպիսի փաստաթղթեր ունեցող երրորդ երկրների ապրանքների շրջանառության բաց թողումը:

18 մայիսի 2017 Չինաստանի հետ ԵԱՏՄ մաքսային համագործակցությունը նոր ուրվագծեր Եվրասիական տնտեսական հանձնաժողովի (ԵՏՀ) մաքսային համագործակցության հարցերով Կոլեգիայի անդամ (նախարար) Մուկայ Կադիրկուլովը ՉԺՀ Գլխավոր մաքսային վարչության ղեկավար Յույ Գունչժոուն քննարկել են Եվրասիական տնտեսական միության (ԵԱՏՄ) և Չինաստանի Ժողովրդական Հանրապետության (ՉԺՀ) փոխգործակցության առանցքային հարցերը մաքսային վարչարարության ոլորտում և հետագա համագործակցության հեռանկարները: Հանդիպումը կայացել է Պեկինում՝ «Մեկ գոտի, մեկ ճանապարհ» միջազգային համաժողովի շրջանակներում:

17 մայիսի 2017 Հաստոցաշինության եվրասիական ինժինիրինգային կենտրոնը կստեղծվի Մոսկվայում՝ «ՍՏԱՆԿԻՆ» ՄՊՏՀ-ի հարթակում: Կողմերի որոշմամբ Հաստոցաշինության եվրասիական ինժինիրինգային կենտրոնը (ՀԵԻԿ)՝ Եվրասիական տնտեսական միության (ԵԱՏՄ) երկրների համատեղ կենտրոնը կտեղակայվի Մոսկվայում՝ «ՍՏԱՆԿԻՆ» ՄՊՏՀ հարթակում: Այս մասին հայտնել է Եվրասիական տնտեսական հանձնաժողովի (ԵՏՀ) Արդյունաբերական քաղաքականության վարչության տնօրեն Նիկոլայ Կուշնարևը մայիսի 16-ին՝ ԵՏՀ-ին կից Արդյունաբերության հարցերով խորհրդատվական կոմիտեի նիստին: «ՍՏԱՆԿԻՆ» ՄՊՏՀ Ստանդարտացման ոլորտում իրավասությունների կենտրոնի տնօրեն Ալեքսեյ Բարիկինն իր հերթին ներկայացրել է հիմնադիր փաստաթղթերի նախագծերը և 2017-2018 թվականներին ՀԵԻԿ ստեղծման և աշխատանքի ապահովման միջոցառումների պլանը:

17 մայիսի 2017 ԵԱՏՄ երկրները կմիավորեն իրենց ռեսուրսները տիեզերքում Արբանյակների ժամանակակից խմբավորումը, որը տեսանկարահանում կիրականացնի մեկ մետրից պակաս կետայնությամբ մուլտիսպեկտրալ ռեժիմներով, կստանան Եվրասիական տնտեսական միության (ԵԱՏՄ) երկրները: Սա կլինի «Երկրագնդի հեռահար զոնդավորման (ԵՀԶ) միավորված ռեսուրսների հիման վրա տիեզերական ու երկրատեղեկատվական ծառայությունների տրամադրման գծով Եվրասիական տնտեսական միության ինտեգրված համակարգի ստեղծում» նախագծի իրագործման արդյունքը: Այս մասին մայիսի 16-ին կայացած Եվրասիական տնտեսական հանձնաժողովի (ԵՏՀ) Արդյունաբերության հարցերով խորհրդատվական կոմիտեի տասներեքերորդ նիստին հայտնել է ԵՏՀ արդյունաբերության ու ագրոարդյունաբերական համալիրի հարցերով Կոլեգիայի անդամ (նախարար) Սերգեյ Սիդորսկին :

17 մայիսի 2017 ԵՏՀ Խորհուրդն ընդունել է ԵԱՏՄ տեխնիկական կանոնակարգ, որը սահմանում է մանկական խաղահրապարակների սարքավորումների անվտանգության պահանջները Եվրասիական տնտեսական հանձնաժողովի (ԵՏՀ) Խորհուրդը ընդունել է «Մանկական խաղահրապարակների համար նախատեսված սարքավորումների անվտանգության մասին» Եվրասիական տնտեսական միության (ԵԱՏՄ) տեխնիկական կանոնակարգ: Նրանում սահմանված են մանկական խաղահրապարակների համար նախատեսված սարքավորումների և ծածկույթների, ինչպես նաև դրանց հետ կապված նախագծման, արտադրության, մոնտաժի, շահագործման, պահպանման, փոխադրման և օգտագործման անվտանգության պահանջները: Մասնավորապես, սարքավորումների կառուցվածքը պետք է ապահովի նրա ամրությունն ու կայունությունը, ունենա պաշտպանություն քայքայումից և հնացումից՝ հաշվի առնելով միջավայրի ագրեսիվության աստիճանը: Սարքավորումների մեջ չպետք է արգելափակվի երեխայի մարմինը կամ հագուստը, չպետք է լինեն սուր ծայրեր կամ եզրաշերտեր:

17 մայիսի 2017 Հստակեցվել է «Մետաղագործության տեխնոլոգիաներ և նոր նյութեր» եվրասիական նորարարական տեխնոլոգիական հարթակի վերաբերյալ տեղեկատվությունը Եվրասիական տնտեսական հանձնաժողովի (ԵՏՀ) Խորհուրդը փոփոխություններ է կատարել Հանձնաժողովի խորհրդի 2016 թվականի հոկտեմբերի 18-ի № 32 կարգադրության մեջ՝ լրացնելով այն գործունեության հիմնական ուղղությունների նպատակների, խնդիրների մասին տեղեկատվությամբ, ինչպես նաև «Մետաղագործության տեխնոլոգիաներ և նոր նյութեր» եվրասիական նորարարական տեխնոլոգիական հարթակի (ԵՏՀ) հիմնադիրների մասին տվյալներով: Սա արդեն Եվրասիական տնտեսական միության (ԵԱՏՄ) շրջանակներում ստեղծված տասներկուերորդ տեխնոլոգիական հարթակն է:

17 մայիսի 2017 ԵՏՀ Խորհրդի արդյունքներ. ԵԱՏՄ-ում կներդրվի էլեկտրոնային ավտոանձնագրերի համակարգ, մանկական խաղահրապարակները կդառնան ավելի անվտանգ, մետաղագործական ոլորտում կհայտնվի նորարարությունների եվրասիական կենտրոն Մայիսի 17-ին կայացած Եվրասիական տնտեսական հանձնաժողովի Խորհրդի (ԵՏՀ) նիստին քննարկվել են Եվրասիական տնտեսական միության (ԵԱՏՄ) երկրներում էլեկտրոնային ավտոանձնագրերի համակարգի ներդրման, դեղերի և բժշկական ապրանքների միասնական շուկաները կարգավորող նորմատիվ ակտերի մշակման, դաբաղային իրերի և դաբաղման պատրաստուկների նկատմամբ ներմուծման մաքսատուրքերի դրույքաչափերի նվազեցման հարցեր: Բացի այդ, ընդունվել է «Մանկական խաղահրապարակների համար սարքավորումների անվտանգության մասին» տեխնիկական կանոնակարգը և փոփոխություններ են կատարվել նախկինում ընդունված որոշ որոշումներում:

Ցուցադրել ավելին