Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7170

27 սեպտեմբերի 2019 Անդրսահմանային շուկաներում մրցակցության պաշտպանության արդիական խնդիրները քննարկել են «5+1» ձևաչափով համատեղ խորհրդակցությանը Բիշքեկում «Եվրասիական շաբաթ»-ի շրջանակներում Անդրսահմանային շուկաներում մրցակցության պաշտպանության նոր միջոցների ներդրումը, ռոումինգի հնարավոր վերացումը, դեղերի, պետական գնումների շուկայում մրցակցության, ԵՏՀ-ի լիազորությունների ընդլայնման հարցերը համատեղ խորհրդակցությանը քննարկել են Եվրասիական տնտեսական հանձնաժողովի (ԵՏՀ) մրցակցության և հակամենաշնորհային կարգավորման հարցերով Կոլեգիայի անդամ (նախարար) Սերիկ Ժումանգարինը և Եվրասիական տնտեսական միության (ԵԱՏՄ) անդամ պետությունների հակամենաշնորհային մարմինների ղեկավարները։

27 սեպտեմբերի 2019 ԵԱՏՄ-ի և Իրանի ձեռնարկատերերի միավորումները «Եվրասիական շաբաթ»-ին ստորագրել են համագործակցության մասին հուշագիր «Եվրասիական շաբաթ – 2019» IV-րդ միջազգային ցուցահանդեսային համաժողովի հարթակում տեղի է ունեցել Եվրասիական տնտեսական միության (ԵԱՏՄ) Գործարար խորհրդի և Իրանի առևտրի, արդյունաբերության, հանքերի և գյուղատնտեսության հարցերով պալատի միջև Համագործակցության մասին հուշագրի ստորագրման հանդիսավոր արարողությունը։ Այդ իրադարձությունը դարձել է Իրանի Իսլամական Հանրապետության հետ գործարար գործընկերության զարգացման շարունակությունը, որի շրջանակներում այս տարի ավելի վաղ ստորագրվել էր ԵԱՏՄ-ի և Իրանի միջև ազատ առևտրի գոտու ստեղծմանը միտված ժամանակավոր համաձայնագիրը։

27 սեպտեմբերի 2019 ԵՏՀ խթանում է ԵԱՏՄ-ի իրական հատվածում նորարարությունների ներդրումը «Հենց իրական հատվածում է տեղի ունենում բարձր տեխնոլոգիական և գիտատար իրազեկությունների համակենտրոնացում։ Հետազոտությունների ինտենսիվացման համար արդեն գործարկվել է միջպետական ծրագրերի մեխանիզմը։ Արդյունաբերական կոոպերացիայի հետագա զարգացումը և խորացումը, գործող արտադրությունների տեղայնացման բարձրացումը հնարավոր է ակտիվների համախմբման և եվրասիական անդրազգային ընկերությունների ստեղծման շրջանակներում», – հայտարարել է Եվրասիական տնտեսական հանձնաժողովի (ԵՏՀ) արդյունաբերության և ագրոարդյունաբերական համալիրի հարցերով Կոլեգիայի անդամ (նախարար) Ալեքսանդր Սուբոտինը Բիշքեկում (Ղրղզստան) անցկացված «Եվրասիական շաբաթ» միջազգային համաժողովի շրջանակներում կայացած «ԵԱՏՄ-ի երկրների արդյունաբերությունում և ագրոարդյունաբերական համալիրում համատեղ ծրագրերը և նախագծերը որպես եվրասիական ինտեգրացիայի զարգացման ժամանակակից թրենդ» պանելային նստաշրջանին։

27 սեպտեմբերի 2019 ԵՏՀ Կոլեգիայի նախագահ Տիգրան Սարգսյանը և Ղրղզստանի Հանրապետության նախագահ Սոորանբայ Ժեենբեկովը քննարկել են ԵԱՏՄ-ի զարգացման արդիական խնդիրներ Սեպտեմբերի 27-ին Բիշքեկում (Ղրղզստանի Հանրապետություն) կայացած աշխատանքային հանդիպման ընթացքում Եվրասիական տնտեսական հանձնաժողովի (ԵՏՀ) Կոլեգիայի նախագահ Տիգրան Սարգսյանը և Ղրղզստանի Հանրապետության նախագահ Սոորանբայ Ժեենբեկովը քննարկել են Եվրասիական տնտեսական միության (ԵԱՏՄ) զարգացման արդիական խնդիրները։

27 սեպտեմբերի 2019 ԵՏՀ նախարար Կարինե Մինասյան. «Թվային հետագծելիությունը բարձրացնում է ինքնակարգապահությունը և վստահությունը՝ ԵԱՏՄ-ի ներքին շուկայում անարգելք միջավայրի հիմքերը» Ապրանքների, ծառայությունների, կապիտալի և աշխատուժի տեղաշարժի ազատությունը՝ առասպել թե իրականություն։ Այդ թեման քննարկվել է «Եվրասիական շաբաթ – 2019» համաժողովի շրջանակներում սեպտեմբերի 26-ին ծավալված «ԵԱՏՄ-ի ներքին շուկա. Առասպելներ և իրականություն» բանավեճի ընթացքում.

27 սեպտեմբերի 2019 Տիգրան Սարգսյան. «ԵԱՏՄ-ի երիտասարդությունը հնարավորություն ունի մասնագիտական առումով կայանալ Միության բոլոր երկրներում» Եվրասիական տնտեսական հանձնաժողովի (ԵՏՀ) Կոլեգիայի նախագահ Տիգրան Սարգսյանը սեպտեմբերի 26-ին այցելել է Ղրղզ-Ռուսական Սլավոնական Համալսարան (ՂՌՍՀ), որտեղ հանդիպել է ՂՌՍՀ ռեկտոր Վլադիմիր Նիֆադյևի հետ և դասախոսությունով հանդես եկել ուսանողների և դասախոսների առջև։

26 սեպտեմբերի 2019 «Եվրասիական թվային հարթակներ» մրցույթի մասնակիցները ներկայացրել են իրենց նախագծերը միջազգային ներդրողներին «Եվրասիական թվային հարթակներ» նորարարական նախագծերի միջազգային մրցույթի մասնակիցները սեպտեմբերի 26-ին ներկայացրել են իրենց մշակումները փորձառու միջազգային ներդրողներին, որոնք հավաքվել էին Բիշքեկում «Եվրասիական շաբաթ – 2019» համաժողովի ընթացքում կայացած «IT-Ինվեստշոու»-ին։

26 սեպտեմբերի 2019 Ամփոփվել են 2019 թվականի «Եվրասիական թվային հարթակներ» նորարարական նախագծերի միջազգային մրցույթի արդյունքները «Եվրասիական թվային հարթակներ» նորարարական նախագծերի միջազգային մրցույթում առաջին տեղը 2019 թվականին զբաղեցրել է SmartCheck նախագիծը՝ միկրոչիպերի օգնությամբ ապրանքների իսկությունը ստուգելու համար պլատֆորմ, Հայաստանի Հանրապետություն։ Երկրորդը՝ E-Agro-Map ՝ էլեկտրոնային գյուղատնտեսական քարտեզների արտադրման նախագիծ, Ղրղզստանի Հանրապետություն։ Երրորդ տեղը՝ AgroStream ՝ ագրոձեռնարկության գործընթացների կառավարման լուծում, Ղազախստանի Հանրապետություն։ «Բիզնես գործընկերների Բանկ» ՝ ներմուծման և արտահանման համար լուծումների առցանց պլատֆորմ Սբեռբանկից, Ռուսաստանի Դաշնություն և «ԵԱՏՄ-ում առցանց առևտրի համար ունիվերսալ վճարումային ագրեգատոր» ՝ միասնական վճարումային պլատֆորմ Եվրասիական տնտեսական միության (ԵԱՏՄ) երկրների համար, Բելառուսի Հանրապետություն հաղթել են «Եվրասիական տնտեսական հանձնաժողովի համակրանքը» կատեգորիայում։

Ցուցադրել ավելին