Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7188

25 մայիսի 2017 Ավարտվել է ԵԱՏՄ-ում ավիափոխադրումների ընդհանուր շուկայի ձևավորման «ճանապարհային քարտեզի» նախապատրաստումը ԵԱՏՄ երկրներում օդային հաղորդակցության մասին բազմակողմ համաձայնագրի կնքման նպատակահարմարության մասին որոշումը կընդունվի տարբեր միջազգային ինտեգրացիոն միավորումների կողմից ավիափոխադրումների կարգավորման պրակտիկան ուսումնասիրելուց ու 2018-2020 թվականներին ավիափոխադրումների ընդհանուր շուկայի ձևավորման «ճանապարհային քարտեզի» միջոցառումներն իրականացնելուց հետո: Այս մասին պայմանավորվել են Միության երկրների տրանսպորտային գերատեսչությունների ներկայացուցիչները մայիսի 24-ին Եվրասիական տնտեսական հանձնաժողովում (ԵՏՀ) հայացած խորհրդակցությանը:

25 մայիսի 2017 ԵՏՀ Նախարար Կարինե Մինասյան. «Թվային տնտեսության հիմնական դերակատարները սպառողներն ու նորարարական սթարթափերն են» Եվրասիական տնտեսական միությունում (ԵԱՏՄ) թվային տնտեսության զարգացման հնարավոր ուղենիշների մասին խոսել է Եվրասիական տնտեսական հանձնաժողովի (ԵՏՀ) ներքին շուկաների, տեղեկատվայնացման, տեղեկատվական-հաղորդակցական տեխնոլոգիաների հարցերով Կոլեգիայի անդամ (նախարար) Կարինե Մինասյանը Իննոպոլիսում (Ռուսաստան)՝ «Արդյունաբերական Ռուսաստանի թվային ինդուստրիան-2017» Համառուսական կոնֆերանսի շրջանակներում կայացած «Թվային տնտեսություն՝ անցում նոր տեխնոլոգիական կենսաձևին» լիագումար նստաշրջանին:

25 մայիսի 2017 ԵՏՀ նախարար Սերգեյ Սիդորսկի. «Հանձնաժողովի գործունեության առանցքային ուղղությունը ԵԱՏՄ երկրների արդյունաբերական համագործակցության մեջ նորարարությունների ներդրումն է» Եվրասիական տնտեսական միության (ԵԱՏՄ) երկրները 2016 թվականի արդյունքներով արձանագրել են արդյունաբերական արտադրության ծավալների աճի դրական տեմպեր: Ընդհանուր առմամբ Միությունում այն կազմել է 0,9 %: Կոոպերացիոն մատակարարումներն աճել են 1,2 %-ով: ԵԱՏՄ-ում արդյունաբերական աճի վերականգնումը մեծ մասամբ ապահովվում է ինտեգրացիոն գործընթացներով: Այս մասին հայտնել է Եվրասիական տնտեսական հանձնաժողովի (ԵՏՀ) արդյունաբերության ու ագրոարդյունաբերական համալիրի հարցերով Կոլեգիայի անդամ (նախարար) Սերգեյ Սիդորսկին Մինսկում կայացած Բելոռուսական արդյունաբերական համաժողովի ընթացքում:

24 մայիսի 2017 ԵՏՀ նախարար Տատյանա Վալովայա. «ՄԱԿ-ի հարթակը յուրօրինակ է ինտեգրացիոն միավորումների միջև երկխոսության համար» Եվրասիական տնտեսական միության (ԵԱՏՄ) շրջանակներում ինտեգրման խորացումը մոտեցնում է եվրասիական երկրների «հնգյակը» Միավորված Ազգերի Կազմակերպության (ՄԱԿ) կայուն զարգացման նպատակների իրականացմանը:. Այս հայտարարությունը Եվրասիական տնտեսական հանձնաժողովի (ԵՏՀ) ինտեգրման ու մակրոտնտեսության հարցերով Կոլեգիայի անդամ (նախարար) Տատյանա Վալովայան արել է ՄԱԿ-ի Տնտեսական և Սոցիալական Խորհրդի (ՏՆՏՍՈՑ) զարգացման ֆինանսավորման հարցերով ամենամյա համաժողովի ընթացքում: Միջոցառումն անցնում է Նյու Յորքում՝ ՄԱԿ-ի գլխավոր գրասենյակում մայիսի 22-25-ին: ԵՏՀ նախարար Տատյանա Վալովայան մասնակցում է միջոցառման նախարարական հատվածին:

23 մայիսի 2017 ԵՏՀ-ն զարգացնում է համագործակցությունը Կենսաթոշակային ու սոցիալական հիմնադրամների միջազգային ընկերակցության հետ: Եվրասիական տնտեսական միության (ԵԱՏՄ) անդամ պետությունների աշխատավորների կենսաթոշակային ապահովության մասին պայմանագրի մշակվող նախագծի հիմնական դրույթները ներկայացրել է Եվրասիական տնտեսական հանձնաժողովի (ԵՏՀ) Աշխատանքային միգրացիայի ու սոցիալական պաշտպանության վարչության փոխտնօրեն Օլեգ Արտամոնովը «Վրաստանի ու Եվրասիայի երկրների կենսաթոշակային ապահովության ու սոցիալական ապահովագրության համակարգի զարգացման հեռանկարները» կոնֆերանսին, որը կայացել է Բաթումում (Վրաստան): Միջոցառումը կազմակերպել էր Կենսաթոշակային ու սոցիալական հիմնադրամների միջազգային ընկերակցությունը Վրաստանի Սոցիալական սպասարկման գործակալության հետ համատեղ:

23 մայիսի 2017 Փոխադրամիջոցների ամրաշրջանակների էլեկտրոնային անձնագրերի համակարգի ներդրման անցումային շրջանը կավարտվի մինչև 2018 թվականի հուլիսի 1-ը: Փոխադրամիջոցների ամրաշրջանակների էլեկտրոնային անձնագրերի համակարգին անցնելու ժամկետները, մի շարք ապրանքների դասակարգումը՝ Եվրասիական տնտեսական միության (ԵԱՏՄ) Արտաքին տնտեսական գործունեության ապրանքային անվանացանկին համապատասխան և մի շարք այլ հարցեր քննարկվել են մայիսի 23-ին՝ Եվրասիական տնտեսական հանձնաժողովի (ԵՏՀ) նիստին:

22 մայիսի 2017 «Հունաստան-ԵԱՏՄ» խորագրով բիզնես-համաժողովը տեղի կունենա 2017 թվականի աշնանը 2017 թվականի մայիսի 18-20-ին Աթենքում Եվրասիական տնտեսական հանձնաժողովի (ԵՏՀ) ինտեգրման զարգացման վարչության տնօրեն Սերգեյ Շուխնոն Հունաստանի կառավարության և գործարար համայնքի ներկայացուցիչների հետ քննարկել է Եվրասիական տնտեսական միության (ԵԱՏՄ) և Հունաստանի Հանրապետության առևտրատնտեսական համագործակցության զարգացման հարցեր:

22 մայիսի 2017 Արտադրության անվտանգության բարձր մակարդակ ուենցող ձեռնարկությունների վարչական բեռը կնվազեցնեն Տեխնիկական կանոնակարգերի պահանջների պահպանման ռիսկ-կողմնորոշված մոտեցումը նախատեսվում է կիրառել Եվրասիական տնտեսական միությունում (ԵԱՏՄ) պետական վերահսկողության (հսկողության) ոլորտում: Այդ մասին պատմել է Եվրասիական տնտեսական հանձնաժողովի (ԵՏՀ) տեխնիկական կարգավորման հարցերով Կոլեգիայի անդամ (նախարար) Վալերի Կորեշկովը մայիսի 18-19-ը Սոչիում կայացած «Սննդամթերքի անվտանգություն և ռիսկի վերլուծություն» խորագրով միջազգային կոնֆերանսին:

Ցուցադրել ավելին