Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 7022

19 օգոստոսի 2025 ԵՏՀ-ն ընդունել է գյուղմշակաբույսերի սերմերի արտադրության մեթոդների ու սխեմաների միասնականացման մոտեցումները և շաքարի ոլորտի կայուն զարգացման միջոցները Եվրասիական տնտեսական հանձնաժողովի կոլեգիան օգոստոսի 19-ի նիստում ընդունել է Եվրասիական տնտեսական միության շրջանակներում գյուղատնտեսական մշակաբույսերի սերմերի (տնկանյութի) շրջանառության դեպքում դրանց արտադրության մեթոդների ու սխեմաների միասնականացման մոտեցումների և շաքարի ոլորտի կայուն զարգացման միջոցների մասին հանձնարարականները: Սերմնաբուծության վերաբերյալ փաստաթուղթն ընդունվել է սերմնաբուծության ոլորտի ազգային օրենսդրությունների հետևողական մերձեցման և լավագույն սորտերի բարձրորակ սերմերով գյուղարտադրության ապահովման նպատակով Եվրասիական տնտեսական միության երկրների ղեկավարների կողմից հաստատված միասնականացման միջոցների ցանկն իրականացնելու համար», - նշել է ԵՏՀ արդյունաբերության և ագրոարդյունաբերական համալիրի նախարար Գոհար Բարսեղյանը: Ընդունված մոտեցումները Միության պետություններին հանձնարարում են կիրառել հացահատիկային, հատիկաընդեղենային, տեխնիկական, ձիթատու, պտղահատապտղային մշակաբույսերի և կարտոֆիլի սերմերի (տնկանյութի) արտադրության գիտականորեն հիմնավորված մեթոդներ ու սխեմաներ, ինչպես նաև գյուղատնտեսական բույսերի սորտերի պահպանման գիտականորեն հիմնավորված միջոցառումներ ու հնարքներ, որոնց հիման վրա ապահովվում է բարձր սորտային և բերքային որակներով սերմերի աճեցումը: Փաստաթղթում նախատեսված է սերմերի արտադրության սխեմայում արտացոլվող տեղեկատվությունը, այդ թվում՝ մշակաբույսի, սորտի, արտադրման անհրաժեշտ միջոցառումների, ցանքի համար սերմերի պատրաստման, ցանքի ու բերքահավաքի անցկացման, լրացուցիչ մշակման, պահպանման և հիմնական ագրոտեխնիկական և այլ միջոցառումների մասին: ԵՏՀ-ի հանձնարարականի օգտագործումը թույլ կտա ապահովել սորտափոխարինման և սորտաթարմացման համար պահանջվող սորտերի բարձրորակ սերմերի ծավալների արտադրությունը և իրացումը, որոնք կտարբերվեն լավագույն սորտային, տնտեսապես արժեքավոր և կենսաբանական հատկություններով: Կարևոր է նաև, որ ԵԱՏՄ երկրների գյուղատնտեսական բույսերի սերմնաբուծության ոլորտում գործունեություն իրականացնող ձեռնարկությունների կողմից սերմեր (տնկանյութ) արտադրելիս կապահովվի ընթացակարգերի համարժեքությունը, իսկ ազգային օրենսդրություններում կվերացվեն փոխադարձ առևտրի վրա ազդեցություն գործող տարբերությունները: Ինչ վերաբերում է շաքարի ոլորտի կայուն զարգացման համար Հանձնաժողովի կողմից առաջարկվող համալիր միջոցներին, ապա դրանք իրագործումը թույլ կտա լուծել մի շարք գործնական հարցեր: Առաջին հերթին թույլ կտա բարձրացնել ոլորտի աշխատանքի արդյունավետությունը, նվազեցնել կախվածությունը շաքարի, արտադրության միջոցների ներմուծումից, կնպաստի արտահանման ներուժի ավելացմանը: 

19 օգոստոսի 2025 ԵՏՀ-ն փոփոխություններ է կատարել սննդամթերքի մասին տեխկանոնակարգի ստանդարտների ցանկերում Եվրասիական տնտեսական հանձնաժողովի կոլեգիան օգոստոսի 19-ին փոփոխություններ է կատարել Մաքսային միության «Սննդամթերքի անվտանգության մասին» տեխնիկական կանոնակարգի կամավոր կիրառման ենթակա ստանդարտների ցանկում: Ստանդարտների ցանկը լրացվել է երկու միջպետական ստանդարտով՝ ԳՕՍՏ 35038-2023 «Մթերք հացահատիկի հիմքով: Տալկան» և ԳՕՍՏ 35041-2023 «Մթերք հացահատիկի հիմքով: Սումոլոկ: Տեխնիկական պայմաններ», որոնք մշակվել են Ղրղզստանի Հանրապետության կողմից նշված տեխկանոնակարգին կից Ծրագրին համապատասխան: Բացի այդ, հանվել է Ղրղզստանի Հանրապետության երկու ազգային ստանդարտ, քանի որ դրանց հիման վրա մշակվել են համապատասխան միջպետական ստանդարտներ: Փոփոխություններն ուժի մեջ են մտնում ԵՏՀ կոլեգիայի որոշման պաշտոնական հրապարակման օրվանից 180 օրացուցային օր հետո: Փոփոխությունները նախապատրաստվել են Հանձնաժողովի կողմից Միջազգային և տարածաշրջանային (միջպետական) ստանդարտների ցանկերի մշակման և ընդունման կարգի 36-րդ կետի «բ» ենթակետի շրջանակներում, որը հաստատվել է ԵՏՀ խորհրդի կողմից 2016 թվականին (Հանձնաժողովի խորհրդի 2022 թվականի ապրիլի 15-ի N 65 որոշման խմբագրմամբ):

19 օգոստոսի 2025 Էքսպրես բեռների հայտարարագրի լրացման կանոնները հետևողականորեն միասնականացվում են Եվրասիական տնտեսական հանձնաժողովի կոլեգիան օգոստոսի 19-ի նիստում փոփոխություններ է կատարել էքսպրես բեռների հայտարարագրի լրացման կարգում, որոնք ուղղված են տեղեկությունների ներկայացման կարգի հետագա միասնականացմանը: Ապրանքների ժամանակավոր պանման համար տեղադրման մասին տեղեկություններն անհրաժեշտ կլինի նշել ԵԱՏՄ բոլոր պետություններում, մինչդեռ այժմ այս տեղեկատվությունը ներկայացվում է Միության երեք երկրում։ Սա թույլ կտա ավտոմատացնել ժամանակավոր պահպանման և հայտարարագրման հետ կապված մաքսային գործառնությունները: Հաստատված փոփոխությունները նաև թույլ կտան հայտարարագրում ներկայացնել ԵԱՏՄ երկրների արժութային օրենսդրության պահպանման հետ կապված տեղեկություններ, ինչը կբացառի արտաքին տնտեսական գործունեության մասնակիցների կողմից դրանց առանձին ներկայացման անհրաժեշտությունը և կարող է դրականորեն անդրադառնալ մաքսային գործառնությունների կատարման ժամանակի վրա: ԵՏՀ կոլեգիայի 2018 թվականի օգոստոսի 28-ի № 142 որոշմամբ հաստատվել են էքսպրես բեռների համար ապրանքների հայտարարագրի ձևը և լրացման կարգը, որը կիրառվում է ապրանքային շրջանառության շրջանակներում էքսպրես փոխադրողների կողմից տեղափոխվող ապրանքների մաքսային հայտարարագրման ժամանակ:  

18 օգոստոսի 2025 ԵԱՏՄ-ում զարգանում է երրորդ երկրների հետ առևտրում տեխնիկական արգելքների վերացման իրավական բազան Եվրասիական տնտեսական միության և երրորդ երկրների միջև փոխադարձ առևտրում տեխնիկական արգելքների վերացման մասին Մինսկում կայացած «Հավատարմագրման նոր հորիզոնները ժամանակակից մարտահրավերների պայմաններում» խորագրով միջազգային համաժողովի ընթացքում խոսել է Եվրասիական տնտեսական հանձնաժողովի տեխնիկական կարգավորման և հավատարմագրման վարչության փոխտնօրեն Մաքսիմ Կիմը: Մասնավորապես, նա նշել է, որ տեխնիկական արգելքների վերացման հարցերի առարկայական քննարկումները սկսվել էին դեռևս ԵԱՏՄ մասին պայմանագրի նախապատրաստման ընթացքում: 2021 թվականին անդամ պետությունները ստորագրել են Երրորդ երկրների հետ փոխադարձ առևտրում տեխնիկական արգելքների վերացման կարգի և պայմանների մասին համաձայնագիրը: Համաձայնագրի հիմքում է ԵԱՏՄ և երրորդ երկրի պարտավորությունների իրավահավասարության սկզբունքն է, որոնք բերում են այդ արգելքների վերացմանը, իսկ գործնական պայմանավորվածությունների իրականացումը նախատեսվում է երրորդ երկրի հետ ԵԱՏՄ-ի և նրա հինգ անդամ պետությունների միջազգային պայմանագրի ձևաչափով: Երրորդ պետությունների, միջազգային կազմակերպությունների կամ միջազգային ինտեգրացիոն միավորումների հետ Միության միջազգային պայմանագրերի մասին 2018 թվականի համաձայնագիրը նախատեսում է միջազգային պայմանագրերի կնքման տնտեսական նպատակահարմարության գնահատում, այդ թվում՝ առևտրում տեխնիկական արգելքների վերացման հարցերով: «Միջազգային պայմանագիր կնքելու տնտեսական նպատակահարմարության գնահատման անհրաժեշտության մեջ է թաքնված հիմնական դժվարությունը՝ այնպիսի արտադրանքի ցանկի որոշումը, որի վրա տարածվելու են կոնկրետ երրորդ երկրի հետ առևտրում տեխնիկական արգելքների վերացման մասին ապագա պայմանավորվածությունները», - ընդգծել է Մաքսիմ Կիմը: Ըստ Հանձնաժողովի ներկայացուցչի՝ հետագա քննարկումների առարկա կարող են դառնալ ԵԱՏՄ-ի և երրորդ երկրի պարտադիր պահանջների համադրելիության որոշման ընթացակարգերը, համապատասխանության գնահատման արդյունքների փոխադարձ ճանաչման աշխատանքներին մասնակցող համապատասխանության գնահատման մարմինների նշանակման կարգը, ԵԱՏՄ պետություններում շրջանառության մեջ դրվող արտադրանքի անվտանգության նկատմամբ վերահսկողության ապահովումը՝ օտարերկրյա մարմիններում ստացված համապատասխանության գնահատման աշխատանքների արդյունքների ճանաչման հիման վրա: Մաքսիմ Կիմը հույս է հայտնել, որ անդամ պետությունների, երրորդ երկրների փորձագետների, Հանձնաժողովի, բոլոր շահագրգիռ մարմինների և գործարար համայնքի ներկայացուցիչների համատեղ աշխատանքը կարող է լուծել այս հարցերը և կնպաստի երրորդ երկրների հետ ԵԱՏՄ առևտրատնտեսական շփումների ընդլայնմանը: Համաժողովի շրջանակներում ԵՏՀ ներկայացուցիչը մի շարք հանդիպումներ է ունեցել Բելառուսի Հանրապետության արդյունաբերության նախարարության, Ստանդարտացման պետական կոմիտեի և Բելառուսի ստանդարտացման և հավաստագրման պետական ինստիտուտի ներկայացուցիչների հետ: Քննարկվել են փոխգործակցությունը Բելառուսի էլեկտրոնային անձնագրերի համակարգերի ազգային օպերատորի և «Էլեկտրոնային անձնագիր» ԲԸ էլեկտրոնային անձնագրերի համակարգերի ադմինիստրատորի միջև, ինչպես նաև փոխադրամիջոցի տեսակի համար տրված հավանությունների, փոխադրամիջոցի կառուցվածքի անվտանգության մասին վկայականների միասնական գրանցամատյանի ձևավորման և վարման հարցեր:

15 օգոստոսի 2025 Եվրասիական միջկառավարական խորհրդի նիստի արդյունքները Այսօր ԵԱՏՄ երկրների կառավարությունների ղեկավարները քննարկել են եվրասիական տնտեսական ինտեգրման մի շարք կարևոր հարցեր: Նիստի արդյունքները մամուլի ասուլիսում ամփոփել է Եվրասիական տնտեսական հանձնաժողովի կոլեգիայի նախագահ Բակիտժան Սագինտաևը: Զեկուցվել է ԵԱՏՄ ներսում և երրորդ երկրների հետ երկաթուղային բեռնափոխադրումների ոլորտում թվայնացման գործընթացների արագացման մասին: Թվային տրանսպորտային փաստաթղթերին արդեն անցել են Բելառուսի Հանրապետությունը, Ղազախստանի Հանրապետությունը և Ռուսաստանի Դաշնությունը: Նշվել է Չինաստանի հետ այս ոլորտում գրանցված առաջընթացը՝ ստորագրվել է Էլեկտրոնային ստորագրության կիրառումն ապահովելու համար Ռուսաստանի և Չինաստանի երկաթուղային բեռնափոխադրողների փոխգործակցության մասին համաձայնագիրը: Եվրասիական միջկառավարական խորհրդի նիստում ներկայացվել է Հանձնաժողովի զեկույցը ԵԱՏՄ-ում ներմուծվող ապրանքների մաքսային արժեքի վերահսկողության ուժեղացման աշխատանքների արդյունքների մասին: Դրական դինամիկա է արձանագրվել մաքսային հսկողության կողմից ռիսկի սահմանված ցուցիչներից ցածր մաքսային արժեքով հարկատար ապրանքների ընդգրկման մասով: Միջկառավարական խորհրդի անդամներին տարեկան հաշվետվություն է ներկայացվել «հնգյակի» պետությունների բյուջեների միջև ներմուծման մաքսատուրքերի գումարների հաշվանցման և բաշխման մասին: 2024 թվականին Միության երկրների բյուջեները ստացել են 15.2 մլրդ ԱՄՆ դոլար, որը գրեթե 3%- ով բարձր է 2023 թվականի ցուցանիշից: Հարկ է նշել, որ սա վերջին 10 տարվա ընթացքում ամենաբարձր ցուցանիշն է: «Կառավարությունների ղեկավարները հաստատել են ապրանքների ընդհանուր բորսայական շուկայում աճուրդների զարգացման ծրագիրը, որի լիարժեք գործարկումը նախատեսված է 2029 թվականին:  Հավանություն է տրվել անդրսահմանային շուկաներում մրցակցության վիճակի մասին Հանձնաժողովի 2024 թվականի տարեկան հաշվետվությանը: ԵՄԿԽ անդամները համաձայնեցրել են Դեղերի և բժշկական արտադրատեսակների ընդհանուր շուկաների հետագա զարգացման հայեցակարգերը: Փաստաթղթերը սահմանում են աշխատանքների երկու կարևոր ուղղություն: Առաջինը արտադրվող արտադրանքի որակի ապահովումն է, երկրորդը՝ համապատասխան թվային հարթակներում գերատեսչությունների փոխգործակցության ընդլայնումը:  Աշխատանքներ են տարվում ընդհանուր աշխատաշուկայում բարձր պահանջարկ ունեցող մասնագիտություններին ներկայացվող որակավորման պահանջների մերձեցման ուղղությամբ: ԵՏՀ-ն շարունակական հիմունքներով ձևավորում է դրանց ցանկը, ինչն էապես դյուրացնում է քաղաքացիների աշխատանքի տեղավորումը:  Բացի այդ, մեծ ուշադրություն է դարձվում տրանսպորտային ոլորտում կադրային ներուժի զարգացմանը: Այս ուղղությունն այժմ ներառված է 2024-2026 թվականների պրոֆիլային ճանապարհային քարտեզում: Փաստաթղթի իրագործումը կնպաստի միասնական տրանսպորտային տարածության և տրանսպորտային ծառայությունների ընդհանուր շուկայի ձևավորմանը: Կառավարությունների ղեկավարներին ներկայացվել է ԵԱՏՄ շրջանակներում կլիմայական օրակարգի հարցերի կարգավորման մոտեցումների իրականացման հնգամյա պլանը: ԵՄԿԽ հաջորդ նիստը տեղի կունենա սեպտեմբերի 29-30-ին Մինսկում:

15 օգոստոսի 2025 Բակիտժան Սագինտաևը մասնակցել է ԵՄԿԽ նիստի պատվիրակությունների ղեկավարների և Ղրղզստանի Հանրապետության նախագահ Սադիր Ժապարովի հանդիպմանը Եվրասիական տնտեսական հանձնաժողովի կոլեգիայի նախագահ Բակիտժան Սագինտաևը մասնակցել է օգոստոսի 14-15-ին Չոլպոն Աթա քաղաքում անցկացվող Եվրասիական միջկառավարական խորհրդի նիստի պատվիրակությունների ղեկավարների և Ղրղզստանի Հանրապետության նախագահ Սադիր Ժապարովի հանդիպմանը: Միջոցառումն անցկացվել է ԵՄԿԽ-ի ընդլայնված կազմով նիստի նախօրեին: Հանդիպման ընթացքում տեղի է ունեցել մտքերի հանգամանալից փոխանակում եվրասիական տարածքում տնտեսական փոխգործակցության արդիական հարցերի շուրջ։ Ղրղզստանի ղեկավարն ընդգծել է, որ Եվրասիական միջկառավարական խորհրդի նիստում նախատեսվում է քննարկել ԵԱՏՄ շրջանակներում ինտեգրացիոն համագործակցության ամրապնդմանն առնչվող հարցերի լայն շրջանակ: Մասնավորապես, նախատեսվում է հաստատել Ապրանքների ընդհանուր բորսայական շուկայում բորսայական աճուրդների զարգացման ծրագիրը, քննարկել անդրսահմանային շուկաներում մրցակցության վիճակի և մրցակցության ընդհանուր կանոնների խախտումների կանխման ուղղությամբ ձեռնարկվող միջոցների մասին Հանձնաժողովի 2024 թվականի հաշվետվությունը, քննարկել գազի, նավթի և նավթամթերքների ընդհանուր շուկաների ձևավորման ընթացքը, փոփոխություններ կատարել Միության երկրների համակարգված տրանսպորտային քաղաքականության հիմնական ուղղությունների և փուլերի իրականացման 2024-2026 թվականի պլանում: Նիստի մասնակիցները կքննարկեն երկաթուղային բեռնափոխադրումների թվայնացման, կլիմայական օրակարգի, Միության աշխատաշուկայում առավել պահանջված մասնագիտություններին և մասնագիտական որակավորումների հաստատման կարգին ներկայացվող որակավորման պահանջների մերձեցման նպատակահարմարության հարցեր: Բացի այդ, նախատեսվում է քննարկել դեղերի և բժշկական արտադրատեսակների ընդհանուր շուկաների զարգացման հայեցակարգերը: Հանդիպմանը մասնակցել են Եվրասիական միջկառավարական խորհրդի նախագահ, Բելառուսի Հանրապետության վարչապետ Ալեքսանդր Տուրչինը Ղազախստանի Հանրապետության վարչապետ Օլժաս Բեկտենովը, Ղրղզստանի Հանրապետության նախարարների կաբինետի նախագահ, նախագահի վարչակազմի ղեկավար Ադիլբեկ Կասիմալևը, Ռուսաստանի Դաշնության կառավարության ղեկավար Միխայիլ Միշուստինը, Հայաստանի Հանրապետության փոխվարչապետ Մհեր Գրիգորյանը, ինչպես նաև Իրանի Իսլամական Հանրապետության առաջին փոխնախագահ Մոհամադ Ռեզա Արեֆը և Ուզբեկստանի Հանրապետության վարչապետ Աբդուլա Արիպովը

15 օգոստոսի 2025 Անդրեյ Սլեպնևը Իրանի արդյունաբերության, հանքերի և առևտրի նախարար Մոհամադ Աթաբաքի հետ քննարկել է ազատ առևտրի մասին համաձայնագրի իրականացման ընթացքը Եվրասիական միջկառավարական խորհրդի շրջանակներում կայացել է Եվրասիական տնտեսական հանձնաժողովի առևտրի նախարար Անդրեյ Սլեպնևի աշխատանքային հանդիպումը Իրանի արդյունաբերության, հանքերի և առևտրի նախարար Մոհամադ Աթաբաքի հետ: Կողմերն ամփոփել են ԵԱՏՄ-ի և Իրանի միջև 2025 թվականի մայիսի 15-ին ուժի մեջ մտած Ազատ առևտրի մասին համաձայնագրի իրականացման առաջին արդյունքները և նախանշել համագործակցության հետագա խորացման պլանները: Նշվել է Համատեղ կոմիտեի՝ այս տարվա աշնանը նախատեսվող առաջին նիստի անցկացման բարձր պատրաստականությունը. նիստի շրջանակներում նախատեսվում է հաստատել Համաձայնագրի իրականացման հստակ մեխանիզմներ: ԵԱՏՄ-ի և Իրանի միջև առևտրատնտեսական համագործակցության համապատասխան ճանապարհային քարտեզի նախագիծը համաձայնեցման ավարտական փուլում է: «Սա պարզապես ազատ առևտրի մասին համաձայնագիր չէ: Սա փոխգործակցության որակապես նոր մակարդակ է: Մենք հեռանկարներ ենք տեսնում առանցքային հատվածներում համագործակցության ընդլայնման և փոխադարձ առևտրի ծավալների ավելացման համար», - նշել է Անդրեյ Սլեպնևը:

15 օգոստոսի 2025 Ընդունվել է ԵԱՏՄ շրջանակներում դեղամիջոցների ընդհանուր շուկայի զարգացման հայեցակարգը Օգոստոսի 15-ին Ղրղզստանի Հանրապետության Չոլպոն Աթա քաղաքում անցկացված Եվրասիական միջկառավարական խորհրդի նիստում հաստատվել է Եվրասիական տնտեսական միության շրջանակներում դեղամիջոցների ընդհանուր շուկայի զարգացման հայեցակարգը: Փաստաթղթի նպատակն է դեղերի անվտանգությանը, արդյունավետությանը և որակին ներկայացվող պարտադիր պահանջների սկզբունքներով այս շուկայի կայուն գործունեության ապահովումը: Հայեցակարգը պարունակում է ԵԱՏՄ-ում դեղամիջոցների շուկայի ներկայիս վիճակի հակիրճ ակնարկ: Նշվել է, որ փաստացի այն մեկնարկել է 2019 թվականին, երբ սկսվել է Միության կանոններով դեղամիջոցների գրանցումը, և ԵԱՏՄ ինտեգրված տեղեկատվական համակարգի շրջանակներում ներդրվել են ընդհանուր գործընթացներ, որոնք ապահովում են գրանցման, փորձաքննության և Միության GMP կանոններին համապատասխանության տեսչական ստուգման ոլորտների լիազոր մարմինների տեղեկատվական փոխգործակցությունը: Որպես շուկայի հետագա զարգացման հիմնական ուղղություններ Հայեցակարգը սահմանում է դեղերի գրանցման ընթացակարգերի և շրջանառության կարգավորման կատարելագործումը և օպտիմալացումը, տեղեկատվական համակարգերի աշխատանքի արդյունավետության բարձրացումը, Միության երկրներում ենթակառուցվածքների և իրավասությունների զարգացումը, նրանց համագործակցությունը դեղագործական արտադրանք արտադրելիս, դեղերի շրջանառության կարգավորումը՝ հաշվի առնելով միջազգային փորձը: Մինչև 2026 թվականը գործողության մեջ կմնան դեղորայքային պատրաստուկների գրանցման վկայականները, որոնք տրվել են համաձայն ազգային կանոնների: ԵԱՏՄ մաքսային տարածքում հետագա շրջանառության հնարավորության համար այս դեղերը պետք է անցնեն Միության ակտերին գրանցման դոսյեների համապատասխանեցման ընթացակարգը և ներառվեն ԵԱՏՄ գրանցված դեղամիջոցների միասնական գրանցամատյանում: 2026 թվականի հունվարի 1-ից անդամ պետություններում պետք է շրջանառվեն միայն ԵԱՏՄ գրանցման վկայականներ ունեցող դեղորայքային պատրաստույներ: Միջկառավարական խորհրդի կողմից ընդունված փաստաթղթի իրականացման վերջնարդյունքը պետք է դառնա Միության երկրների քաղաքացիների համար անվտանգ և որակյալ դեղերի հասանելիության բարձրացումը:

Ցուցադրել ավելին