Նորություններ

Սեպտեմբերի 25-ին Եվրասիական տնտեսական հանձնաժողովի կոլեգիայի նիստում որոշում է կայացվել փոփոխություն կատարել ԵՏՀ կոլեգիայի 2023 թվականի մայիսի 30-ի № 73 որոշման մեջ, որը սահմանում է տարանցման հայտարարագրի ձևը և լրացման կարգը։

Փոփոխությունը բիզնեսին թույլ կտա օգտագործել ապրանքների հայտարարագիրը որպես խողովակաշարային տրանսպորտով փոխադրվող ապրանքների տարանցիկ հայտարարագիր՝ Եվրասիական տնտեսական միության անդամ չհանդիսացող պետության տարածքով՝ ներմուծման և արտահանման կետերի միջև մաքսային տարանցման մաքսային ընթացակարգին համապատասխան:

Որոշումն ուժի մեջ է մտնում պաշտոնական հրապարակման օրվանից 30 օրացուցային օր հետո և տարածվում է ԵՏՀ կոլեգիայի 2023 թվականի մայիսի 30-ի № 73 որոշման ուժի մեջ մտնելուց հետո ծագած իրավահարաբերությունների վրա։

Միաժամանակ, հաշվի առնելով Միության պետությունների մաքսային մարմինների տեղեկատվական համակարգերի լրամշակման անհրաժեշտությունը, ԵՏՀ կոլեգիայի 2023 թվականի մայիսի 30-ի № 73 որոշման ուժի մեջ մտնելը հետաձգվել է 2023 թվականի հոկտեմբերի 1-ից մինչև 2024 թվականի ապրիլի 1-ը։